फिलेमोन 1:14 - थुलुङ राई

¹⁴ लावो गाना मेबिसिक्‍थु़म ने गो हाम वो मेबेउवा। वाङमिमका क्‍र्‍वाक्‍नामिमका मेएँ, गाना इमा नका ख्‍लो़या-बाया बे र्‍वाक्‍पा आमा न बु।

फिलेमोन 1:14 Referans Kwoze

२ कोरिन्‍थी 9:7

खोत्‍ले मु़चु़का उ नडा हाङको ग्‍वाक्‍पु र्‍वाक्‍ताम बु मेकोतिङा ग्‍वाक्‍नु़। ग्‍वा-ग्‍वा मेद्‌वाक्‍साका मेएँ मा ग्‍वामुङा बासी र्‍वाक्‍साका वो मेएँ। हेङालोने गेर्सिक्‍तो ग्‍वाक्‍पा मु़चु़लाई माम्‍चु़नीका रिखाम बोमी।

२ कोरिन्‍थी 9:5

मेम्‍मिमका गानी ग्‍वाकु र्‍वाक्‍निम ग्‍वा-ग्‍वा ग्‍वामु लागि झो़म्‍जो़ल्‍सिट्‍नी र्‍वाक्‍साका ङादोङा मे ल्‍वाकमिमलाई इनीमाडा थु़र्मु जो़पा लु़ङडो। आरेसाका मेराम ग्‍वा-ग्‍वा द्‍वाक्‍साका ग्‍वाक्‍मा दु़म्‍नु़, ग्‍वा-ग्‍वा मेद्‍वाक्‍तो मेएँ।

२ कोरिन्‍थी 8:12

इनीमा छो़म ग्‍वा-ग्‍वाद्‌वाक्‍पा न बु माला गानीनुङ हाम बु मेरामङा ग्‍वानिलो माम्‍चु़नी गेर्सी द्‌वामी। मु़चु़नुङ मेबाट्‌पा ने ग्‍वामु र्‍वाक्‍पा गुमीका न मेबोमी।

२ कोरिन्‍थी 1:24

इनीमा थो़रलु़सीडला गुकु साखाम थो़मु लागि मेएँ, लावो इनीमा न भ्रम्‍सिमु लागि गानीनुङ खारी बोमु न बोकु, हेङालोने इनीमा थो़र छो़म सोनुङमा बु।

१ कोरिन्थी 9:17

गो आमा त्‍वाकु नकाङा जो़पा-सेला थो़बेट्‌पा खारी बेउवाम माला गो हाम हुम ल्‍वापा न बेउवा। लावो ओराम गो बोमुङा बासी, हेङालोने माम्‍चु़नीका ओराम खारी गो बोमु र्‍वाक्‍साका आमा ल्‍वाड्‌डा ग्‍वाङ्‌डिमिम बु।

१ कोरिन्थी 9:7

त्‍वाकाम पेसाका सु़का सिपाहीकु खारी बु़ मा? अङ्‍गूर ख्‍लिपाका सु़का अङ्‍गूर मेपु़ मा? पितु-मेसु़ डु़लु़मा सु़का मेरामकु दु़दु़ मेडुङु़ मा?