फिलेमोन 1:1 - थुलुङ राई

¹ ख्रीष्‍ट येशूकु जो़पा-सेला थो़बेत्तोमिलो चसिङडोम गो पावल नुङ इकीमा ल्‍वाक तिमोथीका, आकीमा द्‌वादीबुङ ङोप्‍सो़ मा गुकुनुङ खारी बेपा फिलेमोनलाई ओराम सेलाखाजेम र्‍याक्‍चोकोम बु।

फिलेमोन 1:1 Referans Kwoze

एफिसी 3:1

मेम्‍मिमका गानी वाङसामा मु़चु़मिमलाई ख्रीष्‍टकु जो़पा-सेला दो़उतोलो चसिङडोम गो पावलका र्‍वाङु।

फिलेमोन 1:9

गुची रिखाम बेबोचिमिमका गो याक्‍के दु़म्‍साका गानालाई छो़म र्‍वाङु, गो ङावा पावल ख्रीष्‍ट येशूकाम लागि ओम्‍लो चतासिक्‍पा,

कलस्‍सी 1:1

माम्‍चु़नीकु नलामका ख्रीष्‍ट येशूकु थु़र्मा मु़चु़ दु़म्‍ङोडोम गो पावल नुङ गुइ होम्‍साकाङा येशूडा थो़र बेपा ल्वाक तिमोथीका,

फिलिप्‍पी 2:25

लावो इपाफ्रोडिटस आमा ल्‍वाकलाई इनीमाडाङा थु़र्मु बासिक्‍पा लु़ङु। गु गोनुङ खारी बेपा मा आमालाम बासिक्‍साका जो़पा-सेला थो़बेन्मुडा क्‍वाल्‍बा बेपा सिपाही सो़, गु इनीमा सेलाचो़ मा आमा खेरेलाडा गोलाई रेम्मु लागि गानी थु़र्निम।

१ कोरिन्थी 3:9

हेङालोने गुचुकु निफिङा कोयोकोयो माम्‍चु़नीकु खारी बेपा सो़। गानी ने माम्‍चु़नीकु ब्‍याङसी, मा माम्‍चु़नीकु नेम सो़।

२ तिमोथी 1:8

मेम्‍मिमका इकीमा ङाचो़ येशूकु दुथाममिम ल्‍वा मु़चु़मिमनुङ सो़मु इमा क्रो़म मेलु़नु़, मा गो ङाचो़काम लागि चला सो़सिसाका बुङुमिमका गोडाम इमा क्रो़म मेलु़नु़। मेम मेबेसाका, गो होम्‍साकाङा गाना वो जो़पा-सेलाकाम लागि दु़खा बे। माम्‍चु़नीका मे दु़खा इम्‍मु यु़म ग्‍वानामी।

१ थेसलोनिकी 3:2

लावो आकी ल्‍वाक तिमोथीलाई इनीमाडा थु़र्तोको। गु माम्‍चु़नीकु डु़ल्‍चो़ दु़म्‍साका खारी बेपा नुङ ख्रीष्‍टकु दुथाम जो़पा-सेला गुकुनुङ थो़बेट्‌पा मु़चु़ सो़। गानी माम्‍चु़नीडा छो़म थो़रलु़पा दु़म्‍मु गुका ख्‍लो़नी मा इनी सो हन्‍बेन्‍सानी र्‍वाक्‍पा आकी न बु।

कलस्‍सी 4:11

युस्‍तस र्‍वाक्‍मा येशूका वो गानीलाई सेव र्‍वाक्‍ताम बु। माम्‍चु़नीकु किब्‍दीकाम लागि गोनुङ खारी बेपामिमडा थो़र लु़पा यहूदीमिम ओर्मिम सुले कोङङा सो़। ओर्मिमका गोलाई भ्रसिबेट्‌ङिडिमिम बु।

फिलिप्‍पी 4:3

थो़रलु़इमिम ङोप्‍सो़, ओर्चिप मेसेमलाई दु़मु ख्‍लो़याची र्‍वाक्‍साका गो गानालाई छो़म र्‍वाङु, हेङालोने जो़पा-सेला थो़बेन्‍मुडा ओर्चिपका गोनुङ मेझापातो खारीमिम बेच्‍चिम बु। ओर्चिपका क्‍लेमेसनुङ दु़म्‍साका मा गोनुङ खारी बेपा वाङमिम, उहेममिमकु नङ त्‍वारो़मकु खाजेमडा र्‍यास्‍ताम बु, मेर्मिमनुङ दु़म्‍साका वो खारी बेच्‍चिम बु।

एफिसी 4:1

मेम्मिमका ङाचो़ येशू ख्रीष्‍टकु खारी बेउतोमका झ्‍यालखानडा चसिक्‍पा गो पावलका गानीलाई छो़म र्‍वाङु, माम्‍चु़नीका गानीलाई उनीमा हेप्‍माम मु़चु़ दु़म्‍मुकाम लागि येट्‌निम बु मेराम होम्‍साका दोनी बानी।

२ कोरिन्‍थी 1:1

ओराम सेलाखाजेम माम्‍चु़नीकु न होम्‍साका येशू ख्रीष्‍टकु थु़र्मा दु़म्‍ङोडोम गो पावल नुङ आकीमा ल्‍वाक तिमोथीलामका सो़। गो कोरिन्‍थ शहरडा बाट्‌पा माम्‍चु़नीकु मण्‍डली नुङ अखैयाडा बाट्‌पा माम्‍चु़नीकु खोत्‍ले सेपा मु़चु़मिमलाई ओराम सेलाखाजेम र्‍याक्‍तोङा बेउ।

फिलेमोन 1:24

मेम्‍साकाङा गोनुङ कोयोङा खारी बेपामिम: मर्कूस, अरिस्‍तार्खस, डेमास नुङ लूकाका वो सेव र्‍वाम्‍डिम बु।

२ थेसलोनिकी 1:1

गो पावल, सिलास नुङ तिमोथीका गानी माम्‍चु़नी इकीमा पाप नुङ ङाचो़ येशू ख्रीष्‍टकु मण्‍डली थेसलोनिकीमिमलाई ओराम सेलाखाजेम र्‍याक्‍तोङा बोकु। माम्‍चु़नी पाप नुङ ङाचो़ येशू ख्रीष्‍टलामका गानी दिदाम नुङ न-भ्रसी ल्‍वानी।

एफिसी 6:20

मेराम जो़पा-सेला दो़मु लागि ङा गुमीका गोलाई थु़र्ङिडिमिम बु। सो़म्‍दी बेङसाङनी, गो झ्‍यालखानडा चसिक्‍पा बुङु लोवो गो जेमु बासिक्‍पा होम्‍साका मेङिसाका जेमु चापुनु़।

थु़र्मा 16:1

पावल डर्बी नुङ लुस्‍त्रा शहरडा वो रोक्‍ता। मेसिन्‍डा तिमोथी र्‍वाक्‍मा कोले सीसिपा बाइडा। मेराम कोले थो़रलु़पा यहूदी मेसेमकु तारापाचो़ बाइडा, लावो उ पाप ने ग्रीक बाइडा।

गलाती 3:26

थो़रलामका गानी खोत्‍ले येशू ख्रीष्‍टडा माम्‍चु़नीकु चो़-चु़सु़ दु़म्‍निम बु,

फिलिप्‍पी 1:1

ख्रीष्‍ट येशूकु डु़ल्‍चो़चिप, गुचुकु पावल नुङ तिमोथीका, फिलिप्‍पी मण्डलीडाम रेपा ङाउमिम, डिकनमिम मा येशू ख्रीष्‍टडा थो़र लु़पा खोत्‍ले मु़चु़मिमलाई ओराम सेलाखाजेम र्‍याक्‍तोङा बोचुकु।

फिलेमोन 1:23

येशू ख्रीष्‍टकु दुथाम गोनुङ चसिक्‍पा इपाफ्रासका गानालाई सेव र्‍वाक्‍ताम बु।