मर्कूस 9:9 - थुलुङ राई

⁹ पोप्‍चङडलामका योक्‍तोङा बेम्‍डिलो येशूका उनीमा सीसिपामिमनुङ र्‍वाम्‍डी, “मामा सो़! मिनीचो़ सिमुलाम मेबग्‍गेथु़म गानी हाम ल्‍वान्‍निम बाइडा, मेराम सु़नुङ वो मेसो़नी वो।”

मर्कूस 9:9 Referans Kwoze

मर्कूस 5:43

गुमीका मेर्मिमलाई र्‍वाम्‍डी, “मा-मासो़! ओराम ल्‍वा सु़कावो मेथो़मिनु़ वो।” मेकोतिमा मे चो़च्‍चो़लाई हाम-हुम पोमुथोक ग्‍वाक्‍नी बेम्‍डिमी।

मत्ती 12:40

हेङालोने डोक्‍पु ङोकु ख्‍वाचेपगोनो योना सु नेम्‍फु-सिन्‍था बाइडा, मेम्साकाङा सुलेम नेम्‍फु-सिन्‍था मिनीचो़ वो सुबुगोयु़ दु़म।

लूका 24:46

गुमीका मेर्मिमलाई र्‍वाम्‍डी, “माम्‍चु़नीकु सिजेमडा ओराम र्‍याक्‍मा बु: ‘ख्रीष्‍टका छो़म दु़खा ल्‍वामुमा सिमु बासी, मा सुलेमनेम सिमुलाम बम्‍गेमु बासी,

मत्ती 27:63

मा र्‍वाम्‍डी, “ङाचो़, मेराम लुचो़ नु़पा बाइडालो ‘सुलेमका सिमुलाम बम्‍गेङु’ र्‍वाक्‍ताम आकी नडा बु।

मत्ती 16:21

गुमी यरूशलेम लमुङा बासिक्‍पा, मा ङाउमिमका, ङाउ डु़म्‍लाचो़मिमका नुङ डु़म्‍ला सीपा पातु़म्‍रीमिमका हापा ल्‍वालाम गुमीलाई दु़खा ग्‍वामी, गुमीलाई सेन्‍मी, लावो सुलेमनेम गुमी बम्‍गेट्‌मी र्‍वाक्‍साका मेम्‍लो आथाम येशूका उनी सीसिपामिममनुङ सो़मु चो़म्‍मिडी।

मत्ती 12:19

गुका रिबुसी मेकिसु़, येत्तो-दुतो मेबु़, लाम्‍दीबाडे मु़चु़मिमका उमा लो़लाम मेथो़मी।

मत्ती 8:4

मेकोतिमा येशूका मेराम मु़चु़लाई र्‍वाम्‍डी, “ओरामकु दुथाममिम ल्‍वा गाना सु़नुङ वो मेसो़या वो। लावो डु़म्‍लाचो़काडा लक्‍सा, मा गुका रेम्‍नानु़। मेम्‍मा जोन बेटपा मु़चु़ सलो सासेन्‍मु बासी र्‍वाक्‍साका मोशाकु डु़म्‍लाका र्‍वाक्‍ताम होङङा बे। आरे बेसाका गाना सन्‍नाम बु र्‍वाक्‍पा खोत्‍लेका चमिनु़।”

मर्कूस 7:36

येशूका मेर्मिमलाई र्‍वाम्‍डी, “मामा सो़! ओराम ल्‍वा सु़नुङ वो मेसो़नी वो।” लावो गुमीका हाङको मेर्मिमलाई मेम बेम्‍थाल्‍मिडी, मेकोति छो़म ङा हापा मेर्मिमका मेराम ल्‍वा सो़म्‍थाल्‍मिडी।

मर्कूस 9:8

मेकोतिलो ङा मेर्मिमका होनो-आथो़ रेप्‍मिडिलो येशूडाम वाङमिम सु़ वो मेल्‍वामिवा।

मर्कूस 9:10

मेर्मिमका मेराम ल्‍वा उनीमा नडा ङा जु़ल्‍थाम्‍डी। लावो, “सिमुलाम बमु र्‍वाक्‍मा हाम डे?” र्‍वाक्‍तो उनी त्‍वाप-त्‍वापगोनो हिलाहिसी बेबोमु चो़म्‍मिडी।

लूका 9:36

मेराम लो़लाम जेमु डिड्‌डु़म चङडा मेसिन्‍डा मेर्मिमका येशूलाई कोङङा ल्‍वाम्‍डी। मेर्मिम लिबावा बाम्‍डिमा मेर्मिमका ल्‍वाम्‍डिम ल्‍वामिम मेम बिलि सु़नुङ वो मेसो़मिवा।