मर्कूस 9:5 - थुलुङ राई

⁵ पत्रुसका येशूनुङ र्‍वाक्‍ता, “रब्‍बी, गुकु आसिन्‍डा बात्तोकोम छो़म जो़पा दु़स्‍ता। गुकु आसिन्‍डा सुले बाखोप बनेबोकु, कोले इनीमा, कोले मोशाकाम मा कोले एलियाकाम।”

मर्कूस 9:5 Referans Kwoze

फिलिप्‍पी 1:23

गो ने हाम बोमु-बोमु दु़म्‍ङोडोम बु: गो ने भ्‍र्‍वाम्‍सिमुमा ख्रीष्‍टनुङ दु़म्‍मु आमा न बु। मेम बोमु ने आमा लागि छो़म जो़पा दु़म,

मत्ती 23:7

बजारबाडे डोक्‍पु बेसाका सेव सान्‍ला सो़म्‍सिमु नुङ ‘सीपा’ र्‍वाला सो़म्‍सिमु मेर्मिमका द्‌वामी।

१ यूहन्‍ना 3:2

द्‌वादीबुङ ङोप्‍सो़नी, ओम्‍लो गुइ माम्‍चु़नीकु चो़च्‍चो़मिम बुइ, मा दिफु गुइ हाम दु़म्‍सी मेराम मेच। लावो गुइ ओराम च, ख्रीष्‍ट आथावो योमिलो गुइ गुमी होप्‍मामङा दु़म्‍सी हेङालोने गुमी हेप्‍माम बुमी मेप्‍मामङा गुमीलाई ल्‍वासी।

मत्ती 17:4

पत्रुसका येशूनुङ र्‍वाक्‍ता, “ङाचो़, गुकु आसिन्‍डा बुमु छो़म जो़पा दु़म। गानी न बोनी माला गो सुले बाखोप बनेबेउ, कोले इनीमा लागि, कोले मोशाकाम लागि, मा कोले एलियाकाम लागि।”

मत्ती 23:8

“लावो गानीलाई सु़का वो ‘सीपा’ मेर्‍वानु़, हेङालोने गानीलाई सीपा ने कोलेङा बुमी, मा गानी खोत्‍ले वा-ल्‍वाक सो़।

मर्कूस 9:4

मेसिन्‍डा मेर्मिमकाडा एलिया नुङ मोशा रेम्‍बेसिच्‍ची, मा मेर्चिपका येशूनुङ जेत्तो बेच्‍चिम बाइडा।

मर्कूस 9:6

मेर्मिम छो़म ङिम्‍डिमका हाम र्‍वामु बासिट्‌पा पत्रुसका हाम वो मेचवा।

लूका 9:33

मेकोतिमा मे नले मु़चु़चिप गुमीनुङ ब्‍र्‍वासिक्‍चिमा लमु खाप्‍चिलो पत्रुसका येशूनुङ र्‍वाक्‍ता, “ङाचो़, गुकु आसिन्‍डा बुमु छो़म जो़पा दु़म। गुकु सुले बाखोप बनेबोकु, कोले इनीमा लागि, कोले मोशाकाम लागि, मा कोले एलियाकाम लागि।” लावो गुका र्‍वाक्‍ताम ल्‍वा उ त्‍वाका ङा मेचवा।

यूहन्‍ना 4:31

मेराम थारीकाङा उनी सीसिपामिमका गुमीलाई आरे र्‍वाम्‍डिम-र्‍वाम्‍डिमङा बेम्‍डी, “सीपा, हाम-हुम पेनीका।”