44 [खादीयु़ ने ना मु ङा सि, ना क्रोडिमिम ङा सिमी।]
इमा त्वाकु ल्वाकाङा छु़ल बेबेना माला, मेराम क्रिप्डामा घ्रोक्सोका, हेङालोने नले ल्वा बासाका वो खादीयु़म हेल्लो वो मेसिपा मुगोयु़ लमुडाम ल्वा मान्थिम ङा दु़म्साका हेल्लो मेसिपा त्वारो़म ल्वासिमिम पाह्रीगोनो हुमु जो़पा दु़म।
इमा खेलका छु़ल बेबेना माला, मेराम क्रिप्डामा घ्रोक्सोका, हेङालोने नले खेल बासाका वो खादीयु़ घ्रोला सो़म्सिमुडाम ने खेल मान्थिम दु़म्मुमा हेल्लो वो मेसिपा त्वारो़म ल्वासिमिम पाह्रीगोनो हुमु जो़पा दु़म।
स्याक्पा उनी स्वाफेमका जेप्सेर स्यामुङा खाप्मिमिम बु। मेम्मा गुमीका उनी देल्फु जो़होमका छिमी मा उनी जेप्सेर छेदेनेमडा खोप्साका जु़ल्मी, लावो होक्ते ने हेल्लो वो मेसिपा मुगोडा चामी।”
“मेकोतिमा हपका उ पेलाममिम मु़चु़मिमलाई र्वा, ‘माम्चु़नीलाम वाइतो ल्वापा मु़चु़नी, गोडाम होनो लक्नी। शैतान नुङ उ सेलाचो़मिमकाम लागि बनेदु़म्पा हेल्लो वो मेसिपा मुगोडा हुनी।
“मेर्मिम मु़चु़ हेल्लो लोवो देन्दे ल्वापाम बाट्पाडा लमी, लावो माम्चु़नीकु लाम्दीडा लाम्दिपा मु़चु़मिमका ने हेलो वो मेसिपा त्वारो़म ल्वामी।”
खादीयु़ ने ना मु ङा सि, ना क्रोडिमिम ङा सिमी।
हेल्लो वो त्वारो़म मेल्वापा बेसाका पुयु़लुक्पा देन्दे मेर्मिमका ल्वामी। मेराम ने ङाचो़ येशूडाम नुङ उनीमा झ्वाक्पा यु़मडाम वाङ दु़म्मु सो़।
मेरामका माम्चु़नीकु ङिमलु़पा छोक्चोकाम अङ्गूरकु बिलाम डुमु बासी। माम्चु़नीकु छोक्चोकु कान्चु़रेडाम मेराम अङ्गूरकु बिलाम अमी। मेराम मु़चु़का सेपा पाह्रीचो़मिम नुङ भेन्दाचो़कु ङादोडा वाक्पा गन्धकका उ थो़म्बोक पिपा कोतिम दु़खा ल्वासु़।
मेम्मा मु़चु़मिमलाई ताङताहेरथो़ लक्पा शैतान गन्धक वाक्तोङा बेपा मुकु भुल्मु गोनो कोङनिमका छाघ्रोक्तु़, मेगोनो मे हादीबारा नुङ माम्चु़नीलाम जेपा लिसिक्पा वो घ्रोक्मा बाच्ची। मेर्मिमका नेम्फु सिन्था हेल्लो लोवो उनी थो़मबोक बिपा दु़खा ल्वामिमिम बुमी।
उहेमकु नङ त्वारो़मकु खाजेमडा र्याक्मा मेबायावा, मेराम मु़चु़लाई कोङनिमका मुकु भुल्मु गोनो छाघ्रोक्तु़।
लावो ङिजो़ल्पा, थो़र मेलु़पा, घ्रामलु़पा खारी बेपा, मु़चु़ सेट्पा, वाङमिम मेसेमनुङ अम्पा, मुनाङका थो़पा सो़र्मुनुङमा, ङाटा सेव साट्पा नुङ खोत्ले लिमाचो़मिम ने गन्धक वाक्तोङा बेपा ङिमलु़पा मुकु भुल्मु गोडा दु़म्मी। ओराम ननोम सिसि सो़।”
