मर्कूस 9:43 - थुलुङ राई

⁴³ इमा त्‍वाकु ल्‍वाकाङा छु़ल बेबेना माला, मेराम क्रिप्‍डामा घ्रोक्‍सोका, हेङालोने नले ल्‍वा बासाका वो खादीयु़म हेल्‍लो वो मेसिपा मुगोयु़ लमुडाम ल्‍वा मान्‍थिम ङा दु़म्‍साका हेल्‍लो मेसिपा त्‍वारो़म ल्‍वासिमिम पाह्रीगोनो हुमु जो़पा दु़म।

मर्कूस 9:43 Referans Kwoze

मत्ती 25:41

“मेकोतिमा हपका उ पेलाममिम मु़चु़मिमलाई र्‍वा, ‘माम्‍चु़नीलाम वाइतो ल्‍वापा मु़चु़नी, गोडाम होनो लक्‍नी। शैतान नुङ उ सेलाचो़मिमकाम लागि बनेदु़म्‍पा हेल्‍लो वो मेसिपा मुगोडा हुनी।

हिब्रू 12:1

उनी थो़र रेम्‍बेपा आरेप्‍माम सेर्पा मु़चु़ इकीमा होनोलाम-आथो़लाम बुमी। मेम्‍मिमका गुइलाई भोपा खोत्‍ले ल्‍वा नुङ हाम वो लु़मेलेसाकाङा आम्‍पा छु़ल पार्तो गुइलाई रेम्‍बेट्‌मा ओन्‍सीथो़ हाम वो मेर्‍वाक्‍साका इम्‍तो ओन्‍डी।

मत्ती 5:22

लावो गो गानीलाई र्‍वाङु, गानी कोङनिमनुङ छोक्‍चो बेन्‍नी माला देन्‍दे ल्‍वापा मु़चु़ दु़म्‍नी। कोङनिमलाई गानी ‘ओइबु’ र्‍वानी माला डोक्‍पु अदालतका गानीलाई देन्‍दे ग्‍वाक्‍पा मु़चु़ दु़म्‍नी। मेम्‍मा कोङनिमलाई गानी वाइतो बेट्‌नी माला खादीगोयु़म मुगोडा घ्रु़पा मु़चु़ दु़म्‍नी।

गलाती 5:24

येशू ख्रीष्‍टकु मु़चु़मिमका छु़लबेपा त्‍वाकु बादु़खाम नुङ मेम बोमुम बुमु माल्‍पा मेजो़पा न-गो ने क्रूसडा चेट्‌मिडिम बु।

मत्ती 3:12

स्‍याक्‍पा उनी स्‍वाफेमका जेप्‍सेर स्‍यामुङा खाप्‍मिमिम बु। मेम्‍मा गुमीका उनी देल्‍फु जो़होमका छिमी मा उनी जेप्‍सेर छेदेनेमडा खोप्‍साका जु़ल्‍मी, लावो होक्‍ते ने हेल्‍लो वो मेसिपा मुगोडा चामी।”

तीतस 2:12

मेराम दिदामका गुइलाई माम्‍चु़नीकु नङ मेकोसिक्‍पा ल्‍वामिम नुङ सु़म्‍दिसेरडाम मेजो़पा नमिम डिन्‍मु, मा त्‍वापलाई जो़होमका जु़ल्‍मु चापा, जो़पा दु़म्‍पा, मा माम्‍चु़नीकु लाम्‍दीडा लाम्‍दिसाका बुमु सीसा-चेसा।

कलस्‍सी 3:5

मेम्‍मिमका ङादो सु़म्‍दिसेरडाम मु़चु़मिम बान्‍निलो बेन्‍निम मेजो़पा इनी न सेट्‍नी। मेर्मिम ने, नाम्‍सु़रु़ बेसी, घ्राम्‍लु़पा खारी बेसी, वाङमिम मेसेमनुङ छो़म अमअम द्‌वाक्‍पा न, मेजो़पा खारी बेपा न, रारी बेसी। रारी बोमु ने ङाटा सेव सान्‍मु होप्‍मामङा सो़।

रोमी 8:13

हेङालोने इनीमा नसीहोमका दोनी माला गानी सिनी। लावो माम्‍चु़नी-पेलकु यु़मका इनीमा मिरो़मडाम बादु़खाम पार्नी माला गानी त्‍वारो़म ल्‍वानी,

लूका 14:13

लावो गाना ग्रुला पेप्‍डा उनी हाम वो मेबाट्‌पामिम, ल्‍वा-खेल ब्‍लेट्‌पा, मेचापामिमलाई, मा उनी मिक्‍सीका मेल्‍वापामिमलाई येडामी,

१ पत्रुस 2:1

मेम्‍मिमका खोत्‍ले मेजो़पा ल्‍वा, लिमा जेसी, मिनी मिक्‍सीलामडा जो़पा बेपा लिसिसी, नाचु़र नुङ डक्‍साका जेपा जेसीमिम पार्नी।

१ कोरिन्थी 9:27

आ त्‍वाका त्‍वापलाई योपु, मा जो़होमका जु़लु, मेएँ माला ने वाङमिमलाई जो़पा-सेला थो़बेट्‌पुमिमिम चङडा गो पुरस्‍कार ल्‍वामु मेघ्रेट्‌पा दु़म्‍ङु।

लूका 14:21

“मेकोतिमा डु़ल्‍चो़ ख्‍लोसिक्‍साका रोक्‍तामा नेमहपनुङ ओराम ल्‍वा सो़यु़डु़। मेम्‍मा उ नेमहपकु छोक्‍चो बक्‍तामा उ डु़ल्‍चो़लाई र्‍वाक्‍ता, ‘दाला लक्‍सामा शहरडाम डोक्‍पु याक्‍के लाम्‍दी-गुदीबाडेम उनी हाम वो मेबाट्‌पामिम, मेचापामिम, ल्‍वा-खेल ब्‍लेट्‌पामिम, मा मिक्‍सीका मेल्‍वापामिमलाई आसिन्‍डा रेडामी।’

मत्ती 17:27

लावो मेर्मिमकु छोक्‍चो फम्‍सामु इकी न मिबु, मेम्‍मिमका गाना दिरिदिनयु़ लक्‍सामा कार्चा ओप्‍डा। मे इमा कार्चाडा ख्‍यासिक्‍पा ङादोम ङोकु सि ह्‌वाका, मा इमा नुङ आमा लागि कर सोमु लिट्‍पा मतोकु कोले सिक्‍का डार्ना। मेराम लडामा इमा नुङ आमा कर सोका।”

मर्कूस 9:44

[खादीयु़ ने ना मु ङा सि, ना क्रोडिमिम ङा सिमी।]

लूका 3:17

स्‍याक्‍पा स्‍वाफेम उनीमा ल्‍वाडा बु। गुमीका उनीमा मा-के थेम्‍खोप देल्‍फु मेरामका सेसेया बोमिमा जेप्‍सेर उनीमा छेदेनेमडा जु़ल्‍मी। लावो होक्‍ते ने हेल्‍लो वो मेसिपा मुड्‍डा चामी।”