मर्कूस 9:42 - थुलुङ राई

⁴² “गोडला थो़र लु़पा ओर्मिम याक्‍केमिमगोडाम कोलेलाई उहेमका छु़ल बेबेडु़, मेरामलाई ने उ लक्‍चाडा कोले डोक्‍पु खुरुक लुङ चेन्‍मुमा दिरिदिनगोयु़ घ्रोम्‍सोमु ङा जो़पा दु़म्‍सावा।

मर्कूस 9:42 Referans Kwoze

मत्ती 18:6

“लावो उहेमका गोडला थो़रलु़पा आरेप्माम याक्‍केमिमगोडाम कोलेलाई छु़ल बेबेडु़, मेरामकु लक्‍चाडा खुरुक लुङ चेसाका घ्‍लु़म्पा दिरिदिनगोयु़ घ्रोम्‍सोमु मेरामकाम लागि छो़म जो़पा दु़म।

मत्ती 18:10

“चङचङया बानी, ओ याक्‍केमिमगोडाम कोलेलाई वो हाम ना हामकाम मेमिम्‍नी। हेङालोने गो गानीलाई र्‍वाङु, मेर्मिमकु पाह्रीचो़मिम पाह्रीलाम आमा पापकु ङादोडा हेल्‍लो लोवो पाह्रीला बुमिम बुमी।

२ कोरिन्‍थी 6:3

आकीमा खारीडा सु़का वो मेजो़पा मुमा मेबेन्‍किमिनु़ र्‍वाक्‍साका गुकु सु़काम वो लाम्‍दीडा खेल तुक्‍पा मेजु़ल्‍कु।

रोमी 16:17

द्‍वादीबुङ वा-ल्‍वाकनी, गानीगोडा गो-फ दु़म्‍पा मा रिबुसी किन्‍बेट्‍पा मु़चु़मिमडाम चङचङया बानी र्‍वाक्‍साका गो गानीलाई छो़म र्‍वाङु। मेर्मिमका इनीमा सीसिकु कोर्थो़लाम जेमी। मेप्‍माम मु़चु़मिमडाम वाङ बानी।

रोमी 14:13

मेम्‍मिमका गुइ सु़लाई वो मुमा बेसी मेनु़। गानी त्‍वाकु थो़रलु़पा वा-ल्‍वाकमिमगोडा छु़ल रेट्‍पा नुङ मेर्मिमलाई मेजो़पा बेपा ल्‍वा हेल्‍लो वो मेबेउ र्‍वाक्‍पा न बेनी।

२ पत्रुस 2:2

हापा मु़चु़मिमका मेर्मिमकु क्रो़मलु़पा लाम्‍दी लाम्‍दिमी मा आच्‍छाङाकु लाम्‍दीकु दुथाम मु़चु़मिमका मेजो़पा र्‍वामी।

थु़र्मा 9:4

गु क्‍वायु़ झार्स्‍ता, मा आरे र्‍वाक्‍पा लो़लाम थो़स्‍तु़, “शाऊल, शाऊल, गाना हेङा आमा थो़मतेर्नामिम?”

१ तिमोथी 5:14

मेम्‍मिमका स्‍वालामे अर्दोमेमिमलाई आथावो लालीकुन्‍दा बोमु ग्‍वाक्‍साका, चो़मिम कमु, उनी नेम जो़होमका रेम्‍मु सीडामी। मेम्‍साका इकीमा कोर्थो़लाम बक्‍पामिमका इकीमा दुथाम मेजो़पा जेमुलाम मेल्‍वामिनु़ र्‍वाक्‍पा आमा न बु।

फिलिप्‍पी 1:10

मेम्‍साका खोत्‍लेडाम जो़पा हाम बु मेराम थेसिथेन्‍मु चाप्‍नी, मा येशू ख्रीष्‍ट योमिमिम नेमसम्‍म गानी मेजो़पा खारी मेबेपा नुङ मुमा बेन्‍ला सो़सिक्‍पा मेदु़म्‍निनु़।

रोमी 15:21

माम्‍चु़नीकु सिजेमडा आरेसाका र्‍याक्‍मा बु, “उनीमा दुथाम उहेमलाई हेल्‍लो वो थो़बेट्‍मा मिबु, मेर्मिमका गुमीलाई ल्‍वामी, मा उनीमा दुथाम उहेमका हेल्‍लो वो थो़म्डिम मिबु मेर्मिमका थो़मिमा थेसिथेन्‍मी।”

मत्ती 17:27

लावो मेर्मिमकु छोक्‍चो फम्‍सामु इकी न मिबु, मेम्‍मिमका गाना दिरिदिनयु़ लक्‍सामा कार्चा ओप्‍डा। मे इमा कार्चाडा ख्‍यासिक्‍पा ङादोम ङोकु सि ह्‌वाका, मा इमा नुङ आमा लागि कर सोमु लिट्‍पा मतोकु कोले सिक्‍का डार्ना। मेराम लडामा इमा नुङ आमा कर सोका।”