मर्कूस 9:41 - थुलुङ राई

⁴¹ उहेमका गानी ख्रीष्‍टकु मु़चु़ मिम्‍सीमा आमा नङडा को कान्‍चु़रे कु कोङङा लोवो डुमु ग्‍वानी माला आच्‍छाङा गो गानीनुङ र्‍वाङु, मेरामका पुरस्‍कार ल्‍वासु़।”

मर्कूस 9:41 Referans Kwoze

मत्ती 10:42

मेम्‍मा कोङनिमका ओ याक्‍के मु़चु़मिमगोडाम कोलेलाई आमा सीसिपा मिम्‍साका को कान्‍चु़रे छक्‍पा कु कोङङा लोवो डुमु ग्‍वाकु़ माला, आच्‍छाङा गो गानीनुङ र्‍वाङु, मेरामका पुरस्‍कार ल्‍वासु़ङा।”

मत्ती 25:40

“मेकोतिमा हपका मेर्मिमलाई र्‍वा, ‘आच्‍छाङा गो गानीलाई र्‍वाङु, गानी ओ आमा जाउमो, तारापा वा-ल्‍वाकमिमगोडाम खोत्‍लेडाम याक्‍के कोलेलाई ओराम बेन्‍निमङा गानी गोलाई बेङ्‌डिनिम सो़।’

२ कोरिन्‍थी 10:7

गानी ने इनी मिक्‍सीलामडा बाट्‌पा कोङङा रेम्‍नी। कोङनिम मु़चु़का गो ने ख्रीष्‍टकाम र्‍वाक्‍साका जो़होमका थो़रलु़डाम बु माला, गुकु वो गु होप्माम ङा ख्रीष्‍टकाम सो़ र्‍वाक्‍पा ल्वा गुका मिम्‍नु़।

१ कोरिन्थी 15:23

लावो सिमुलाम बग्‍गेसी आरेसाका पेन्‍तिका दु़म: ख्रीष्‍ट ने ङादो सिट्‌पा मा होङङा माम्‍चु़नीका ख्रीष्‍टलाई खोत्‍लेडाम ङादो सिमुलाम फम्‍डी, मेम्‍मा ख्रीष्‍ट योमिलो ख्रीष्‍टनुङ हेमकेम बाट्‌पा खोत्‍लेलाई माम्‍चु़नीका सिमुलाम फमी।

रोमी 14:15

गानी पोनिमिम पोमुथोकका थो़रलु़पा वा-ल्‍वाकमिमकु न नो़ माला गानी मेर्मिमलाई रिखाम बोनिमिम मेदु़म। ख्रीष्‍ट उनी त्‍वापङा सिसाका सेल्‍मिडिम मु़चु़लाई इनीमा पेसी-डुसीकु ल्‍वाका पुयु़मेलुबेट्‍नु़।

रोमी 8:9

आच्‍छाङा माम्‍चु़नीकु पेल गानीगोडा बुमी माला गानी त्‍वाकु मिरो़मगोडाम साखामडा मेएँ माम्‍चु़नी-पेलकु साखामगोडा दु़म्‍नी। कोङनिमनुङ ख्रीष्‍टकु पेल मिबु माला गु ख्रीष्‍टकाम दु़म्‍मु ङा मेचाप्‍सु़।

गलाती 5:24

येशू ख्रीष्‍टकु मु़चु़मिमका छु़लबेपा त्‍वाकु बादु़खाम नुङ मेम बोमुम बुमु माल्‍पा मेजो़पा न-गो ने क्रूसडा चेट्‌मिडिम बु।

गलाती 3:29

गानी ख्रीष्‍टकाम माला गानी अब्राहामकु चो़-चु़सु़, मा माम्‍चु़नीका याचे जेम्‍डिम ल्‍वाकु खुन्‍चु़म ल्‍वापा सो़।

१ कोरिन्थी 3:23

गानी ख्रीष्‍टकाम, मेम्‍मा ख्रीष्‍ट ने माम्‍चु़नीकाम सो़।

मर्कूस 4:10

येशू उनी त्‍वापङा बाम्‍डिलो उनी सीसिपामिम नुङ उनी फार्डा बाट्‌पा मु़चु़मिमका गुमीनुङ सो़म्‍डिम सीसि-सो़म्‍दीकु दुथाम हिलाबेम्‍डी।