मर्कूस 9:29 - थुलुङ राई

²⁹ गुमीका मेर्मिमलाई र्‍वाम्‍डी, “आरेप्‍माम ने सो़म्‍दीडाम वाङमी हामका वो ख्‍लुमु मेझाम।”

मर्कूस 9:29 Referans Kwoze

याकूब 5:15

माम्‍चु़नीडा थो़रलु़साका बिइमिम सो़म्‍दीका नो़पामिम समी, मा माम्‍चु़नीका ङादोम होप्‍मामङा मेर्मिमलाई दु़म्‍बेन्‍मी। मेरामका छु़ल बु़डु़म बु लोवो गुमीका उमा छु़ल हेम्‍सामी।

मत्ती 17:20

गुमीका मेर्मिमलाई र्‍वाम्‍डी, “इनी थो़र याक्‍के बुमिमका। आच्‍छाङा गो गानीलाई र्‍वाङु, रायाकु मा हेप्‍माम याक्‍के वो थो़र गानीनुङ बु माला ओराम पोप्‍चङलाई ‘ओलामका हेम्‍ल्‍यासिडा’ र्‍वानी माला मेराम हेम्‍ल्‍यासी। गानी बोमु मेचाम्‍निमिम हाम वो मिबु।

एफिसी 6:18

हेल्‍लो लोवो सो़म्‍दी बेनी, माम्‍चु़नीनुङ ख्‍लो़ला सो़न्‍सिट्‌नी। खोत्‍ले थारीका माम्‍चु़नी-पेलनुङ दु़म्‍साका सो़म्‍दी बेनिम बानी। ओर्मिम ल्‍वा नडा जु़ल्‍साका चङचङया दु़म्‍तो कुदु़मार सो़म्‍दी बेनी, मेम्‍मा खोत्‍ले थो़रलु़पामिमकाम लागि सो़म्‍दी बेनी।

२ कोरिन्‍थी 12:8

गो ओराम हेम्‍सिनु़ र्‍वाक्‍साका ङाचो़नुङ सु खेप गो छो़म र्‍वाङडो।

२ कोरिन्‍थी 11:27

गो छो़म मेझापा नुङ घ्रु़म्‍पा खारी बेउतो मा हापा खेप मेअम्‍ङुवा। गो क्रु़म कोडा सिङडो मा हापा खेपङा पोमुडुमु मान्‍थिम दु़म्‍ङोडो। ये-सेम मान्‍थिम दु़म्‍ङोडो मा जुका क्रो़न्‍ङिडी।

लूका 11:26

मेकोतिमा मे मुनाङपेलका उ त्‍वापडाम वो छो़म मेजो़पा येतले (७) मुनाङपेलमिमलाई रेड्‌डु़मा रोक्‍ता, मा मेर्मिम खोत्‍ले मेराम मु़चु़गोनो हुमी मा बुमी। मेम्‍मा मेराम मु़चु़ ङादो दु़स्‍तामडाम वो चङडा छो़म मेजो़पा दु़म।”

१ कोरिन्थी 9:27

आ त्‍वाका त्‍वापलाई योपु, मा जो़होमका जु़लु, मेएँ माला ने वाङमिमलाई जो़पा-सेला थो़बेट्‌पुमिमिम चङडा गो पुरस्‍कार ल्‍वामु मेघ्रेट्‌पा दु़म्‍ङु।

थु़र्मा 14:23

मेर्चिपका मेर्मिमकु मण्‍डली-मण्‍डलीडा एल्‍डरमिम थुच्‍चिमी। मेकोतिमा सो़म्‍दी नुङ उपास बात्तो मेर्मिमका थो़र लु़म्‍डिम माम्‍चु़नीकु ल्‍वाडा मेर्मिमलाई पार्जो़ल्‍चिमी।

मत्ती 12:45

मे मुनाङपेल लमा उ त्‍वापडाम वो छो़म मेजो़पा येतले (७) मुनाङपेलमिमलाई रेडु़, मा मेर्मिम मे मु़चु़गोनो हुमिमा बुमी। मेम्‍मा मेराम मु़चु़ ङादो दु़स्‍तामडाम वो चङडा छो़म मेजो़पा दु़म। आथामबिलिम मेजो़पा मु़चु़मिमलाई वो मेमङा दु़म।”

२ कोरिन्‍थी 6:5

गुकु याल्‍ला सो़सित्तोको, चला सो़सित्तोको मा मु़चु़मिमलाम मेजो़पा बेला सो़सित्तोको, ब्राम्‍दु़ल्‍वा बेत्तोको, सिन्‍था अम्‍मु मेल्‍वाकुवा मा क्रु़मङा बात्तोको।

मत्ती 17:21

[लावो उपास बासाका नुङ सो़म्‍दी बेसाका कोङङा आरेप्‍माम मुनाङ ने कोल्‍मु झाम।]”

मर्कूस 9:28

मेकोतिमा येशू नेमगोनो बाम्‍डिम थारीका उनीमा सीसिपामिमका उनी त्‍वाप ङा बाम्‍डिलो आरे र्‍वाम्‍डिमा हिलाबेम्‍डी, “हेङा गुकु मेरामलाई ख्‍लुमु मेचाप्‍कुवाम?”

मर्कूस 9:30

मेकोतिमा येशू नुङ उनी सीसिपामिम मेलामका लुम्‍डिमा गालील दु़म्‍तो लम्‍डी। गुमी बान्‍थो़ बुमी र्‍वाक्‍साका सु़का वो मेथो़मिनु़ र्‍वाक्‍पा येशूकु न बाइडा।