मर्कूस 9:25 - थुलुङ राई

²⁵ मे सेर्पा मु़चु़मिम ओन्‍तो बिक्‍पा ल्‍वाम्‍डिमका येशूका मे मुनाङपेललाई आरे र्‍वाम्‍डिमा भुर्मिडी, “ए मेजेबेट्‌पा नुङ मेथो़बेट्‌पा मुनाङपेल, गो गानालाई र्‍वाङु, गाना मेराम वोस्‍चो़लामका लुक्‍ल्‍याडा, मा मेरामकाम गोनो आथाडाम आनो हाम्‍सी वो मेहुङा।”

मर्कूस 9:25 Referans Kwoze

थु़र्मा 16:18

मेरामका हापा थारीसम्‍म आरेङा बु़डु़होम बाइडा। मेकोतिमा उ र्‍वा ओड्‌डामा पिख्‍लोसित्तो पावलका मे मुनाङपेललाई र्‍वाक्‍ता, “येशू ख्रीष्‍टकु नङडा गो र्‍वाङु, गाना मेरामलामका लुक्‍ल्‍याडा।” मेकोतिलोङा मेराम मुनाङपेल लुक्‍तामा लस्‍ल्‍याड्‌डा।

लूका 9:42

येशूकाडा मे स्‍वाला मु़चु़ बिक्‍तो-बिक्‍तोङा मुनाङपेलका क्‍वायु़ लेप्‍बोक्‍तु़, मेम्‍मा काकार्या बु़डु़। लावो येशूका मे मुनाङपेललाई भुर्मिडी, मेम्‍मा स्‍वाला मु़चु़लाई सबेट्‌मिडिमा उ पापलाई ग्‍वाम्‍डी।

मर्कूस 9:15

मे सेर्पा मु़चु़मिमका गुमीलाई ल्‍वाम्‍डी मेडे ङाङाया दु़म्‍मिडी, मा ओन्‍तो लम्‍डिमा सेव साट्‌मिडी।

मत्ती 17:18

येशूका मे स्‍वालागोडाम मुनाङलाई भुर्मिडी, मा मुनाङका गुलाई डिड्‍डु़। मेम्‍मा मे स्‍वाला सस्‍ल्‍याड्‌डा।

यहूदा 1:9

डोक्‍पु पाह्रीचो़ मिखाएलका वो मोशाकु सिपा मिरो़मकु दुथाम शैताननुङ फइडालो गुलाई डक्‍साका जेत्तो मुमा बेन्‍मु मेचाप्‍साका आरे र्‍वाक्‍ताम बाइडा, “ङाचो़का गानालाई भुर्नामिनु़।”

लूका 11:14

कोलेम येशूका उ सि मेजेपा मु़चु़कुगोलामका मुनाङ कोल्‍मिडी। मे मुनाङ लुक्‍साका लस्‍तामा मे मु़चु़ जेमु चो़म्‍डु़। ओराम ल्‍वाम्‍डिमा मु़चु़मिम ङाङाया दु़म्‍मिडी।

लूका 8:29

हेङालोने येशूका मुनाङपेललाई मेराम मु़चु़लामका लुकामा लस्‍ल्‍याडा बेम्‍डिम बाइडा। मेराम मु़चु़लाई हापाखेपङा मुनाङपेलका उ ल्‍वाड्‌डा बु़डु़म बाइडा। मेराम मु़चु़लाई ल्‍वा नुङ खेलडा सेल रिवाका बसाका मु़चु़मिमका लम्‍थाल्‍मिडी। लावो सेल रिवा ङा फ्‍यास्‍थाल्‍लु़। मेकोतिमा मुनाङपेलका मेरामलाई र्‍याङगो-र्‍याङगोथो़ लथाल्‍लु़।

लूका 4:41

हापा मु़चु़मिमलामका मुनाङपेल आरेसाका येत्तो लुम्‍डी, “गानी माम्‍चु़नीकु तारापाचो़ सो़।” लावो येशूका मे मुनाङपेलमिमलाई को सि वो जेमु मेग्‍वाक्‍मिवा, हेङालोने मेर्मिमका गुमी ख्रीष्‍ट र्‍वाक्‍साका छेट्‌मिडिम बाइडा।

लूका 4:35

मेकोतिमा येशूका मे मुनाङपेललाई साखामनुङ भुर्मिडिमा र्‍वाम्‍डी, “लिवा बाया, मेरामलामका लुक्‍ल्‍याडा।” मेकोतिलोङा मेराम मु़चु़लाई सेर्पा मु़चु़मिमकु थेतेडा लेप्‍बोक्‍जो़ल्‍लु़, मा मुनाङपेल लुक्‍तामा लस्‍ता। लावो मेराम मु़चु़लाई हाम वो मेदु़प्‍सावा।

मत्ती 12:22

मेकोतिमा मु़चु़मिमका कोले मु़चु़लाई येशूकाडा रेट्‌मिडी। मेराम मु़चु़लाई मुनाङका हुप्‍डु़मका जेमु मेचापा नुङ उ मिक्‍सीका मेल्‍वापा बाइडा। येशूका मेराम मु़चु़लाई सबेट्‌मिडी, मा जेमु चापा नुङ ल्‍वापा दु़स्‍ता।

मर्कूस 9:24

मेकोतिलोङा मे वोस्‍चो़कु पापका येस्‍तामा र्‍वाक्‍ता, “गो थो़र लु़ङु, लावो आमा थो़रमेलु़सीडा ख्‍लो़ङिनी।”

मर्कूस 9:26

मेकोतिमा मे मुनाङपेल येस्‍तामा मे वोस्‍चो़लाई थि-थि रक्‍तोङा मेलामका लुक्‍ल्‍याड्‌डा, मा मेराम वोस्‍चो़ सिपा होप्‍मामङा दु़स्‍ता। ओराम ल्‍वाम्‍डिमा मेसिन्‍डा बाट्‌पामिमका वो ओराम ने सिडा रेछा र्‍वाक्‍पा मिम्‍सिम्‍डी।