मर्कूस 9:24 - थुलुङ राई

²⁴ मेकोतिलोङा मे वोस्‍चो़कु पापका येस्‍तामा र्‍वाक्‍ता, “गो थो़र लु़ङु, लावो आमा थो़रमेलु़सीडा ख्‍लो़ङिनी।”

मर्कूस 9:24 Referans Kwoze

लूका 17:5

उनी थु़र्मामिमका ङाचो़नुङ र्‍वाम्‍डी, “आकीमा थो़र बर्बेसाट्‌की।”

हिब्रू 12:2

इकीमा थो़र चो़म्‍पा मा बेप्‍सोक्‍पा येशूडला इकीमा मिक्‍सी बिइ। गुमीका उनीमा ङादोडा जु़ल्‍मा न-भ्रसिसीकाम लागि क्रो़मलु़सीमिम हाम होङङा मेलु़साका क्रूसडलाम दु़खा इम्‍मिडी। मेम्‍मा साखाम थो़मिम बुमिमिम माम्‍चु़नीकु जो़पलाम गन्‍तासिट्‌मी।

एफिसी 2:8

माम्‍चु़नीकु दिदामकाङा गानी थो़र बेन्‍नी मा सेल्‍सिट्‌नी। इनी त्‍वापङा सेल्‍सिट्‌निम ने मेएँ, लावो ओराम सेल्‍सी ने माम्‍चु़नीका न बेम्‍डिमा मेडेङा ग्‍वाक्‍निमिम बु।

२ थेसलोनिकी 1:11

ओराम ल्‍वा नडा मिम्‍साका गुकु हेल्‍लो लोवो सो़म्‍दी बोकुमिम बुकु, माम्‍चु़नीका गानीलाई उनीमा किब्‍दीगोडा हुमु घ्रेट्‌पा दु़म्‍बेनिमिनु़। मेम्‍मा गानी इनीमा नका नुङ थो़रका बेन्‍निम खोत्‍ले खारीमिम उनीमा यु़मलामका दु़म्‍नु़।

२ थेसलोनिकी 1:3

वा-ल्‍वाकनी, इनीमा लागि गुकु हेल्‍लो लोवो माम्‍चु़नीलाई आलासो़ ग्‍वामुङा बासी। ओराम जो़पा दु़म, हेङालोने ख्रीष्‍टडा गानी छो़म थो़रलु़त्तो लनिम बु, मा वाङमिम मु़चु़नुङ वो छो़म रिखाम बेबोनिमिम बु।

फिलिप्‍पी 1:29

गानी ख्रीष्‍टकाम लागि गुमीडला थो़र लु़मु कोङङा मेएँ, लावो उनीमा लागि दु़खा वो ल्‍वानी र्‍वाक्‍साका गुमीका ग्‍वाक्‍निम बु।

२ कोरिन्‍थी 2:4

आमा गो छो़म ख्राप्‍तो आमा न मेभ्रसिक्‍तो नुङ छो़म प्‍ल डक्‍तो गानीलाई मेराम सेलाखाजेम र्‍याक्‍तोम बाइडा। गो इनीमा न नो़बेन्‍मु माल्‍तोम मेएँ, लावो गो गानीलाई हाङकोम रिखाम बोनिनी मेराम गानीलाई चबेन्‍मु आमा न बाइडा।

हिब्रू 5:7

येशू सु़म्‍दिडा बाम्‍डिलो ख्राप्‍तो येत्तो प्‍ल आल्‍साका त्‍वाप सिमुलाम सेल्‍मु चापा माम्‍चु़नी नुङ छो़म र्‍वाम्‍डी मा सो़म्‍दी बेम्‍डी। मेम्‍मा माम्‍चु़नीका उनीमा सो़म्‍दी थो़म्‍डी, हेङालोने येशू याक्‍के दु़म्‍साका माम्‍चु़नीलाई डोक्‍पु मिम्‍मिडिम बाइडा।

थु़र्मा 10:31

मा र्‍वाक्‍ता, ‘कर्नेलियस, माम्‍चु़नीका इमा सो़म्‍दी थो़म्डिम बु, मा उनी हाम वो मेबाट्‌पामिमलाई खाप्‍ची ग्‍वानामिम गुमीका मिम्‍मिडिम बु।

२ तिमोथी 1:4

गाना ख्राम्‍नामिम नेम्‍फु सिन्‍था गो मिम्‍पु, मा गानालाई छो़म क्रो़म्‍मु आमा न बु। गो गानालाई क्रो़म्‍नी माला छो़म गेर्सी द्‌वामु।

लूका 7:44

मेकोतिमा मेराम मेसेमथो़ हिसिम्‍डिमा येशूका सिमोनलाई र्‍वाम्‍डी, “ओराम मेसेमलाई रेप्‍डा! गो इमा नेमडा रोङडो, गाना खेल सो़ल्‍पा कु वो मेग्‍वाक्‍ङिवा, लावो ओराम मेसेमका ने उ प्‍लका आमा खेल सो़ल्‍साङ्‌डी, मा उ सेमका बङ्‌साङडी।

लूका 7:38

मा गु येशूकु चङलामका रोक्‍तामा उनी खेल फार्डा येम्‍स्‍तामा, उ प्‍ल येशूकु खेलडला डस्‍तु़, मा उ बुइडलाम सेमका बक्‍साक्‍तो उनी खेलडा चुप बु़डु़, मा भ्रपा मुर्नेम्‍पा तेलका क्‍लमु चो़म्‍डु़।

हिब्रू 12:17

गानी चनी, मेराम जि-वा ल्‍वामु गुका न बु़डु़ लोवो मेल्‍वासु़वा। गुका उ प्‍ल आल्‍तो मेराम माल्‍लु़ लोवो गुका बु़ल्‍याड्‌डु़म ल्‍वा ख्‍लोमु थारी मेल्‍वासु़वा।

थु़र्मा 10:19

पत्रुसका मिक्‍सीलामकु दुथाम आथावो मिम्‍डु़म बाइडालो माम्‍चु़नी-पेलका गुनुङ र्‍वाम्‍डी, “रेप्‍डा, सुले मु़चु़मिमका गानालाई माल्‍तोङा बोनामी।

मर्कूस 9:23

येशूका मेरामलाई र्‍वाम्‍डी, “गाना हेङा चाम्‍नी माला र्‍वानामिम? थो़रलु़पाका बोमु मेचाप्‍सु़मिम ने हाम वो मिबु।”

मर्कूस 9:25

मे सेर्पा मु़चु़मिम ओन्‍तो बिक्‍पा ल्‍वाम्‍डिमका येशूका मे मुनाङपेललाई आरे र्‍वाम्‍डिमा भुर्मिडी, “ए मेजेबेट्‌पा नुङ मेथो़बेट्‌पा मुनाङपेल, गो गानालाई र्‍वाङु, गाना मेराम वोस्‍चो़लामका लुक्‍ल्‍याडा, मा मेरामकाम गोनो आथाडाम आनो हाम्‍सी वो मेहुङा।”