मर्कूस 9:22 - थुलुङ राई

²² ओरामलाई ओराम मुनाङपेलका याङलो मुड्‌डा, याङलो कुड्‌डा घ्रोक्‍साका राप्‍राङा सेडु़मिम बु, मेम्‍मिमका गानी हे-हाम बोमु चाम्‍नी माला, इनीमा नथो़मका ख्‍लो़किनी।”

मर्कूस 9:22 Referans Kwoze

लूका 7:13

येशूका अर्दोमेलाई ल्‍वाम्‍डिमा छो़म उनी थो़म भ्रो़स्‍ता, मा गुमीका मे मेसेमलाई र्‍वाम्‍डी, “मेख्राप्‍डा।”

मर्कूस 5:19

लावो येशूका मेरामलाई गुमीनुङ लमु मेग्‍वाक्‍मिवा, मा र्‍वाम्‍डी, “गाना इमा नेम लक्‍सा, मा इमा लागि ङाचो़का हाङको छो़म खारी बेम्‍डिम बु, मा हाङकोम न-थो़म रेम्‍बेम्‍डिम बु, मेर्मिम खोत्‍लेङा इमा नेमडाममिमनुङ सो़या।”

मत्ती 20:34

मेर्चिपडाम येशूकु थो़म भ्रो़स्‍ता, मा मेर्चिपकु मिक्‍सी लु़प्‍मिडी। मेर्चिप उची मिक्‍सीका ल्‍वापा दु़म्‍ल्‍याक्‍ची, मा गुमीनुङ लाम्‍दिच्‍ची।

मत्ती 14:31

येशूका दालाङा उनी ल्‍वा हम्‍मिडिमा गुलाई रो़पझेट्‌मिडी, मा र्‍वाम्‍डी, “गाना याक्‍के थो़रनुङमा मु़चु़, हेङा इमा नड्‌डा मुर्सिट्‌नाम?”

मत्ती 9:28

येशू नेमगोनो हुम्‍डिमा मे मिक्‍सीका मेल्‍वापाचिप वो मेसिन्‍डा रोक्‍फाच्‍ची। मेम्‍मा येशूका मेर्चिपलाई हिलाबेम्‍डी, “गो गाचीलाई मिक्‍सीका ल्‍वापा दु़म्‍बेन्‍मु चाम्‍निची र्‍वाक्‍साका हाम गाची थो़र लु़ची?” मेर्चिपका गुमीनुङ र्‍वाक्‍ची, “थो़र लु़चु़कु।”

मत्ती 8:2

मेम्‍मा जोनका बेटपा कोले मु़चु़ उनीमाडा रोक्‍तामा उनी ङादोडा क्रचु़खुम बेत्तो आरे र्‍वाक्‍ताम-र्‍वाक्‍तामङा बु़डु़, “ङाचो़, गानी न बोनी माला गोलाई सेपा दु़म्‍बेन्‍मु चाम्‍ङिनी।”

मत्ती 17:15

“ङाचो़, आमा तारापाचो़डला न-थो़म रेम्‍बेनी, हेङालोने मेरामलाई धामुलामका बेड्‌डु़म बु, मा छो़म दु़खा ल्‍वास्‍तु़म बु। याङलो गु मुगोडा हु, याङलो कुगोडा हु।

मर्कूस 9:21

गुमीका मे चो़च्‍चो़कु पापनुङ हिलाबेम्‍डी, “हेलो आथाम ओरामलाई आरे दु़स्‍ताम?” मेरामकु पापका र्‍वाक्‍ता, “चो़च्‍चो़लो आथामङा,

मर्कूस 9:23

येशूका मेरामलाई र्‍वाम्‍डी, “गाना हेङा चाम्‍नी माला र्‍वानामिम? थो़रलु़पाका बोमु मेचाप्‍सु़मिम ने हाम वो मिबु।”