मर्कूस 9:19 - थुलुङ राई

¹⁹ येशूका मेर्मिमलाई र्‍वाम्‍डी, “ए थो़र मान्‍थिम मु़चु़नी! गो गानीनुङ हाङको बुङु मा? गो गानीलाई हाङको इम्‍मु? मेराम वोस्‍चो़लाई आसि फिट्‌नी।”

मर्कूस 9:19 Referans Kwoze

यूहन्‍ना 20:27

मेम्‍मा गुमीका थोमालाई र्‍वाम्‍डी, “इमा ब्रेप्‍चो आसिन्‍डा फिका, मा आमा ल्‍वा रेप्‍डा। इमा ल्‍वा फिडामा आमा फेटफेटगोनो फिका। इमा नडा मेमुर्सा, थो़रलु़या।”

मर्कूस 16:14

चङडा को-कोङ (११) सीसिपामिम ग्रुला पेप्‍डा गन्‍मिडिलो येशू मेर्मिमकाडा ल्‍वाला सो़सिम्‍डी। मेकोतिमा लुङ होप्‍माम मेर्मिमकु नगो नुङ मेर्मिम थो़रमेलु़मिवामडाम गुमी छो़म भुर्मिडी, हेङालोने येशू सिमुलाम बम्‍गेम्‍डिमा गुमीलाई ल्‍वापामिमकु ल्‍वाडा मेर्मिम थो़र मेलु़मिवाम बाइडा।

लूका 24:25

येशूका मेर्चिपलाई र्‍वाम्‍डी, “ए नेप्‍ची मान्‍थिम मु़चु़चिप, माम्‍चु़नीलाम-जेपामिम खोत्‍लेका र्‍वाम्‍डिम ल्‍वाडा थो़र बोमु गाचीलाई छो़म छो़स्‍ताम बु।

लूका 9:41

येशूका मेर्मिमलाई र्‍वाम्‍डी, “ए थो़रमेलु़पा नुङ लु़म्‍ला मेबेडिचो़नी, गो हाम्‍सिसम्‍म गानीनुङ बुङु, मा हाम्‍सिसम्‍म इम्‍मु? इमा तारापाचो़ आसिन्‍डा फिडा।”

मत्ती 17:17

मेकोतिमा येशूका र्‍वाम्‍डी, “ए मेजो़पा नुङ थो़र मान्‍थिम मु़चु़नी, गो हाम्‍सिसम्‍म गानीनुङ बुङु मा? हाम्‍सिसम्‍म गानीलाई इम्‍मु? मे स्‍वालालाई आमाडा फिट्‌नी।”

यूहन्‍ना 12:27

“आमा न-गो छो़म मेभ्रसिक्‍पा बु, मा गो हाम र्‍वामु? ‘ए पाआ, ओराम थारीका गोलाई सेल्‍ङिनी’ र्‍वामु? मेएँ, दु़खा ल्‍वामुकाम लागिङा ओराम थारीडा गो रोङ्‌डोम।

मर्कूस 9:18

मेरामका हुप्‍डु़लो क्‍वायु़ लेप्‍बोकु़, उ सिलामका जाजाब्‍लु़म पारु़, उ लि पु़, मा काकार्या दु़म्‍ल्‍या। मेम्‍मिमका गो इनीमा सीसिपामिमलाई मुनाङपेल ख्‍लुबेत्तोमी, लावो मेर्मिमका ख्‍लुमु मेचाप्‍मिवा।”

मर्कूस 9:20

मेकोतिमा मेराम चो़च्‍चो़ येशूकाडा फिट्‌मिडी। मे मुनाङपेलका गुमीलाई ल्‍वास्‍तु़ मेडे मे चो़च्‍चो़ थि-थि रक्‍तु़मा क्‍वायु़ लेप्‍बोक्‍तु़। मेकोतिमा मेरामका उ सिलामका जाजाब्‍लु़म पार्तो पुलिएली बोमु चो़म्‍डु़।