मर्कूस 9:18 - थुलुङ राई

¹⁸ मेरामका हुप्‍डु़लो क्‍वायु़ लेप्‍बोकु़, उ सिलामका जाजाब्‍लु़म पारु़, उ लि पु़, मा काकार्या दु़म्‍ल्‍या। मेम्‍मिमका गो इनीमा सीसिपामिमलाई मुनाङपेल ख्‍लुबेत्तोमी, लावो मेर्मिमका ख्‍लुमु मेचाप्‍मिवा।”

मर्कूस 9:18 Referans Kwoze

मर्कूस 11:23

आच्‍छाङा गो गानीनुङ र्‍वाङु, उहेमका उ त्‍वाकु नगोडा मेमुरु़, मा उ त्‍वाका र्‍वामिम रोथी र्‍वाक्‍साका थो़र लु़ माला ओराम पोप्‍चङलाई ‘गाना बुल्‍सामा दिरिदिनगोयु़ आल्‍सा’ र्‍वा माला मेरामकाम लागि मेम ङा दु़म।

मर्कूस 9:26

मेकोतिमा मे मुनाङपेल येस्‍तामा मे वोस्‍चो़लाई थि-थि रक्‍तोङा मेलामका लुक्‍ल्‍याड्‌डा, मा मेराम वोस्‍चो़ सिपा होप्‍मामङा दु़स्‍ता। ओराम ल्‍वाम्‍डिमा मेसिन्‍डा बाट्‌पामिमका वो ओराम ने सिडा रेछा र्‍वाक्‍पा मिम्‍सिम्‍डी।

मर्कूस 9:20

मेकोतिमा मेराम चो़च्‍चो़ येशूकाडा फिट्‌मिडी। मे मुनाङपेलका गुमीलाई ल्‍वास्‍तु़ मेडे मे चो़च्‍चो़ थि-थि रक्‍तु़मा क्‍वायु़ लेप्‍बोक्‍तु़। मेकोतिमा मेरामका उ सिलामका जाजाब्‍लु़म पार्तो पुलिएली बोमु चो़म्‍डु़।

मत्ती 17:16

मेम्‍मिमका गो गुलाई इनी सीसिपामिमकाडा रेत्तो, लावो मेर्मिमका गुलाई सबेन्‍मु मेचाप्‍मिवा।”

थु़र्मा 7:54

मेर्मिमका ओराम ल्‍वा थो़म्‍डी, मा छो़म उनी छोक्‍चो बक्‍ता, मा छोक्‍चोका उनी लि ख्रेन्‍मु चो़म्‍मिडी।

यहूदा 1:13

मेर्मिम ने दो़न्‍दो़न्‍या मेबाट्‌पा दिरिदिनकु बाबारिम होप्‍माम सो़। कुकु बाबारिमका जाजाब्‍लु़म ख्‍लुकु़मिम होङङा मेर्मिमका क्रो़मलु़पा खारी रेम्‍बोमी। मेर्मिम ताङताहेरथो़ लक्‍पा सोरलुङ होप्‍माम सो़, उहेमकाम लागि केकेयाम तुकुम्‍चिम हेल्‍लो लोवो रान्‍थाट्‌मा बु।

मत्ती 15:22

मेराम क्षेत्रडाम कोले कनानी वाङसामा मेसेम येशूकाडा रोक्‍तामा येत्तो आरे र्‍वाक्‍ताम-र्‍वाक्‍तामङा बु़डु़, “ङाचो़, दाऊदकु तारापाचो़, गोडला न-थो़म रेम्‍बेनी, आमा जाउमोचो़ मुनाङका हुप्‍डु़मा छो़म दु़खा ग्‍वाक्‍तु़म बु।”

मत्ती 8:12

लावो माम्‍चु़नीकु किब्‍दीडा हुमु बासिक्‍पा इस्राएलीमिम ने तुकुम्‍चिमगोडा घ्रोला सो़म्‍सिमी। मेगोडा मु़चु़मिम उनी लि ख्रेत्तो ख्राम्‍मी।”

मर्कूस 9:17

मे सेर्पा मु़चु़मिमगोडाम कोले मु़चु़का येशूनुङ र्‍वाक्‍ता, “ङाचो़, आमा तारापाचो़लाई जेमु मेग्‍वाक्‍पा मुनाङपेलका हुप्‍डु़म बु, मेम्‍मिमका इनीमाडा रेत्तोम बु।

मर्कूस 9:19

येशूका मेर्मिमलाई र्‍वाम्‍डी, “ए थो़र मान्‍थिम मु़चु़नी! गो गानीनुङ हाङको बुङु मा? गो गानीलाई हाङको इम्‍मु? मेराम वोस्‍चो़लाई आसि फिट्‌नी।”