मर्कूस 9:1 - थुलुङ राई

¹ मेकोतिमा गुमीका मेर्मिमलाई र्‍वाम्‍डी, “आच्‍छाङा गो गानीलाई र्‍वाङु, आसि येम्‍तासिट्‌पामिमडाम याङ-याङका माम्‍चु़नीकु किब्‍दी यु़मनुङ योक्‍पा मेल्‍वाथु़म उनीमा साम मेल।”

मर्कूस 9:1 Referans Kwoze

लूका 9:27

आच्‍छाङा गो गानीलाई र्‍वाङु, आसिन्‍डा येम्‍सिक्‍पामिमगोडाम कोङ-कोङका माम्‍चु़नीकु किब्‍दी मेल्‍वाथु़म उनी साम मेल।”

हिब्रू 2:9

लावो गुइ येशूलाई ल्‍वासी, गुमी घरिकोङकाम लागि पाह्रीचो़मिमडाम याक्‍के दु़म्‍मिडी। मेम्‍मा माम्‍चु़नीकु दिदामका खोत्‍लेकाम लागि गुमीलाई सिप्‍डा थु़र्मिडी। येशूकाङा सिमु दु़खा इम्‍मिडिमका माम्‍चु़नीलामका यु़म झ्‍वाक्‍सी नुङ डोक्‍पु बेसीकु मुकुट ल्‍वाम्‍डी।

लूका 22:30

मेकोतिमा गो किब्‍दी थो़पुमिम थारीका गानी गोनुङङा पोनी-डुनी, मा हपकु गन्‍खोपडा गन्‍साका माम्‍चु़नीकु मु़चु़मिमडला गोनुङ साखाम थो़पा दु़म्‍नी।”

मर्कूस 13:30

आच्‍छाङा गो गानीनुङ र्‍वाङु, ओर्मिम खोत्‍ले मेदु़म्‍थु़म आथामबिलिम मु़चु़मिम वो मेदाम्‍मी।

मत्ती 25:31

“मिनीचो़ खोत्‍ले पाह्रीचो़मिमनुङ उ यु़म-झ्‍वाक्‍सीडा यो, मा हप दु़ममा डोक्‍पु उ गन्‍खोपडा गन।

लूका 22:18

हेङालोने गो गानीलाई र्‍वाङु, माम्‍चु़नीका साखाम मेथो़थु़मसम्‍म आथाडा आनो गो अङ्‍गूरकु बिलाम मेडु।”

लूका 2:26

मा “मिप्रङमाकु ख्रीष्‍ट मेल्‍वाथु़मसम्‍म इमा साम मेल” र्‍वाक्‍साका माम्‍चु़नी-पेलका गुलाई रेम्‍बेम्‍डिम बाइडा।

मर्कूस 13:26

मेकोतिलो मु़चु़मिमका मिनीचो़ खासेडा यु़म नुङ यु़म-झ्‍वाक्‍सीडा योक्‍तोङा बेपा ल्‍वामी।

मत्ती 24:30

“मेकोतिमा मिनीचो़ योक्‍तोङा बेपा छेखोप धामुला रेम्‍बेसी, मा खोत्‍ले मु़चु़मिम ख्राम्‍मी-दुमी। मेम्‍मा धामुलाम खासेडलामका यु़म नुङ यु़म-झ्‍वाक्‍सीडा मिनीचो़ योक्‍तोङा बेपा मेर्मिमका ल्‍वामी।

मत्ती 16:28

आच्‍छाङा गो गानीलाई र्‍वाङु, आसिन्‍डा येम्‍तासिक्‍पामिमगोडाम कोङ-कोङका मिनीचो़लाई हपकु साखाम थो़ड्‌डा योक्‍तोङा बेपा मेल्‍वाथु़मसम्‍म उनी साम मेल।”

यूहन्‍ना 21:23

मेम्‍मिमका मेराम सीसिपा मेसि र्‍वाक्‍पा ल्‍वा सीसिपामिमगोडा फोन्‍सिड्‌डा। लावो गु मेसि र्‍वाक्‍साका येशूका र्‍वाम्‍डिम मेबायावा। गुमीका ने आरे र्‍वाम्‍डिम बाइडा, “गो मेख्‍लोसिक्‍थु़मसम्‍म गु सामनुङमा बुनु़म बुनु़ र्‍वाक्‍पा आमा न बु गानालाई हाम दु़स्‍ता?”