मर्कूस 8:33 - थुलुङ राई

³³ लावो येशू ख्‍लोम्‍सिडिमा उनी सीसिपामिमथो़ रेप्‍तो पत्रुसलाई आरेसाका भुर्मिडी, “शैतान, गोलामका लस्‍ल्‍याडा, हेङालोने इमा न माम्‍चु़नीलाममिम मेएँ, मु़चु़लाममिम रेछा।”

मर्कूस 8:33 Referans Kwoze

मत्ती 4:10

मेकोतिमा येशूका शैतानलाई र्‍वाम्‍डी, “शैतान, ओलामका लस्‍ल्‍याडा, हेङालोने माम्‍चु़नीकु सिजेमडा र्‍यामा बु: ‘गाना इमा मिप्रङमा माम्‍चु़नीलाई कोङङा डोक्‍पु मिम्‍साका सेव साडा, मा उनीमा कोङङा लाले-पाङके बे’।”

१ यूहन्‍ना 2:15

सु़म्‍दिसेरलाई लोवो सु़म्‍दिसेरडा बाट्‌पामिमलाई लोवो रिखाम मेबेनी। कोङनिमका सु़म्‍दिसेरलाई रिखाम बु़ माला माम्‍चु़नी पापलाई गुका रिखाम मेबु़।

फिलिप्‍पी 3:19

मेर्मिमकु लखोप ने पुयु़लुक्‍पाथो़, मेर्मिमकु मिरो़मका हाम मालु़ मेराम होम्‍साका बुमी-दोमी, मा मेर्मिम उनी क्रो़मलु़मु बासिक्‍पा ल्वाडा डोक्‍पु लिम्‍सिमी। मेर्मिमकु न सुबुडा बाट्पा ल्‍वामिमडा बु।

रेम्‍बेट्‌मिडिम ल्‍वा 3:19

उहेम-उहेमलाई गो रिखाम बेउमी, मेर्मिमलाई गो भुरुमी मा सीमु लागि यालु़मी। मेम्‍मिमका इमा सो हन्‍बेडा, मेजो़पा खारी बोमु डिसाका माम्‍चु़नीथो़ ख्‍लोसा।

१ पत्रुस 4:1

मेम्‍मिमका ख्रीष्‍टका उनी मिरो़मडा दु़खा ल्‍वाम्‍डी, गानी वो गुमी होप्‍मामङा दु़खा इम्‍मु नडा झो़म्‍जो़ल्‍सिट्‌नी। हेङालोने उहेमका मिरो़मडा दु़खा ल्‍वास्‍तु़म बु मेरामका छु़ल बोमु डिड्‌डु़म बु।

१ तिमोथी 5:20

छु़ल बेपामबाट्‌पामिमलाई थो़रलु़पामिम खोत्‍लेकु ङादोडा भुरामी, मा आरे बोनामिमका वाङमिम वो ङिमी।

१ कोरिन्थी 5:5

मेराम मु़चु़लाई शैतानकु ल्‍वाड्‌डा ग्‍वाक्‍नी। मेम्‍मा मेरामकु छु़ल बेपा मिरो़म ने पुयु़लुनु़ मा ङाचो़का निया बोमिमिमनेम उमा पेल सेल्‍सिनु़।

लूका 22:61

मेकोतिलोङा ङाचो़ येशू ख्‍लोसिम्‍डिमा पत्रुसलाई रेप्‍मिडी। “थामा नेमसोसोका स्‍वारेपो ओमु ङादो गाना गोलाई सु खेप मेछेपु र्‍वाना” र्‍वाक्‍साका येशूका गुलाई र्‍वाम्‍डिम ल्‍वा पत्रुसका मिम्‍डु़।

मर्कूस 3:34

मे उनी होनो-आथो़ गन्‍तासिट्‌पामिमलाई रेप्‍तोङा र्‍वाम्‍डी, “रेप्‍नी, ओर्मिम ङा आमा माम नुङ आमा ल्‍वाकमिम,

मर्कूस 3:5

येशूका मे लुङ होप्‍माम उनी न ल्‍वाम्‍डिमका उनी गो नो़डा, मा उनी छोक्‍छोका होनो-आथो़ रेप्‍मिडी। मेम्‍मा मेरामलाई र्‍वाम्‍डी, “इमा ल्‍वा थङा।” मेकोतिमा मेरामका उमा ल्‍वा थङडु़, मा उमा ल्‍वा ङादोम होप्‍माङा नु़ल्‍याड्‌डा।

मत्ती 15:23

लावो येशूका गुलाई हाम वो मेर्‍वाक्‍मिवा। उनी सीसिपामिमका आरे र्‍वाम्‍डिम र्‍वाम्‍डिमङा बेम्‍डी, “ओ मेसेमलाई थु़र्सोट्‌नी, हेङालोने ओरामका इकी चङचङ स्‍याका-स्‍याका र्‍वाहोम बु।”

तीतस 1:13

मेर्मिमकु माम्‍चु़नीलाम-जेपा मु़चु़का सो़यु़डु़म ल्‍वा आच्‍छाङा सो़। मेम्‍मिमका मेर्मिमलाई छो़म ख्‍र्‍वाकामी, मा मेर्मिम छो़म डोक्‍पु थो़रनुङमा दु़म्‍मिनु़।

लूका 9:55

लावो येशू पिख्‍लोम्‍सिम्‍डिमा मेर्चिपलाई भुर्मिडी।

लूका 4:8

येशूका मेरामलाई र्‍वाम्‍डी, “माम्‍चु़नीकु सिजेमडा र्‍याक्‍मा बु, ‘गाना इमा मिप्रङमा माम्‍चु़नीलाई सेव साडा, मा उनीमा कोङङा लाले-पाङके बे’।”

मत्ती 16:23

पत्रुसथो़ ख्‍लोम्‍सिम्‍डी, मा येशूका र्‍वाम्‍डी, “शैतानका बु़मिम होङङा बोमु डिडा। माम्‍चु़नीकु न होङङा बोमु गाना गोलाई भोम्‍मु माल्‍ङिमिम बु। हेङालोने माम्‍चु़नीका मिम्‍मिमिम होङङा गाना मेमिम्‍ना, मु़चु़का मिम्‍मिमिम होङङा मिम्‍ना।”