मर्कूस 8:32 - थुलुङ राई

³² आरेसाका गुमीका ओराम ल्‍वा थेसिथेट्‌पा बेसाका र्‍वाम्‍डी। लावो ओराम थो़स्‍तु़मा पत्रुसका गुमीलाई कोर्थो़ लडु़मिमा आरे मेर्‍वाक्‍नी बु़डु़मी।

मर्कूस 8:32 Referans Kwoze

मत्ती 16:22

पत्रुसका गुमीलाई कोर्थो़ लडु़मा भुर्तो र्‍वाक्‍ता, “माम्‍चु़नीका आरे मेबोमिनु़। ङाचो़, गानीडला आरेप्‍माम हेल्‍लो वो मेदु़म।”

यूहन्‍ना 16:25

“ओर्मिम ल्‍वा गो गानीलाई सीसि-सो़म्‍दीलामका र्‍वाङडोम बु। थारी रोक्‍तोङा लेडु़, ओराम सीसि-सो़म्‍दीडा गो गानीलाई मेर्‍वाङु, लावो आमा पापकु दुथाम गो गानीलाई जो़होमका सो़उ।

यूहन्‍ना 16:29

मेकोतिमा उनी सीसिपामिमका र्‍वाम्‍डी, “ओम्‍लो गानी सीसि-सो़म्‍दीलामका मेएँ जो़होमका जेनिम बुनी।

यूहन्‍ना 18:20

येशूका र्‍वाम्‍डी, “सु़म्‍दिसेरडा खोत्‍लेकु ङादोडा गो जेङडोम बु। यहूदीमिम खोम्‍सिमिमिम घ्रो़म्‍दीनेममिम नुङ सो़रनेमबाडे गो हेल्‍लो लोवो सीत्तोमी। थसिक्‍साका गो हाम वो र्‍वाङडोम मिबु।

लूका 10:40

लावो मार्थाका पोमु-डुमुकु उनी चापे-डुपेमिम बोमुका उ न जेस्‍ताम बाइडा। मेम्‍मा गु येशूकाडा रोक्‍तामा र्‍वाक्‍ता, “ङाचो़, चापे-डुपेमिमकु खारी बोमुडा आमा ल्‍वाकका गोलाई आ त्‍वाप ङा बेङ्‌डिम बु, हाम गानी ओराम मेल्‍वानी? मेरामलाई गानी र्‍वाङसाङ्‌निका, मा गु रोनु़मा गोलाई ख्‍लो़ङिनु़।”

मर्कूस 4:38

गुमी ने मे कुबी-बोक्‍साकु चङनो कोले कोम्‍सु़डला उनी बुइ ल्‍वाम्‍थाम्‍डिमा अम्‍चेट्‌पा बाम्‍डी। मेम्‍मिमका सीसिपामिमका, “ङाचो़, हाम गुकु सिमु खाम्‍कुलो वो गानी गुकुलाई मेरेम्‍किनी?” र्‍वाक्‍तोङा फम्‍डी।

यूहन्‍ना 10:24

यहूदीमिम उनी होनो-आथो़लाम खोम्‍सिम्‍डिमा हिलाबेम्‍डी, “हाम्‍सिसम्‍म गुकुलाई इनीमा दुथाम सो़मुडाम थनिमिम? गानी ख्रीष्‍टङा माला गुकुनुङ जो़होमका सो़नी।”

यूहन्‍ना 11:14

मेम्‍मिमका येशूका मेर्मिमलाई जो़होमका र्‍वाम्‍डी, “लाजरस सिडा।