मर्कूस 8:31 - थुलुङ राई

³¹ गुमीका आरे र्‍वाम्‍डिमा सीमु चो़म्‍मिडी, “ओराम मिनीचो़का छो़म दु़खा ल्‍वामु, थेट्‌पा चक्‍पामिम, ङाउ डु़म्‍लाचो़मिम नुङ पातु़म्‍रीमिमलामका नाप्‍छु़न्‍ला सो़सिमु, मा सेन्‍ला सो़सिमु बासी। मेकोतिमा सुलेम नेम सिमुलाम बम्‍गेमु बासी।”

मर्कूस 8:31 Referans Kwoze

थु़र्मा 7:35

“इस्राएलीमिमका ‘गानालाई निया बेपा नुङ साखाम थो़पा दु़म्‍मु सु़का थुट्‌ना’ र्‍वाक्‍साका नाप्‍छु़ट्‌मिडिम ओराम मोशालाई माम्‍चु़नीका झोरीडा रेम्‍बेसिक्‍पा पाह्रीचो़लामका साखामचो़ नुङ बोपा-थार्पा मु़चु़ थुसाका थु़र्मिडिम बाइडा।

यूहन्‍ना 2:19

येशूका मेर्मिमलाई र्‍वाम्‍डी, “ओराम सो़रनेमलाई फाल्‍नी, मा गो ओरामलाई सुलेमका आथावो बनेबेउसोक्‍पु।”

लूका 24:26

यु़म-झ्‍वाक्‍सी डार्मु ङादो हाम ख्रीष्‍टका खोत्‍ले उ दु़खा इम्‍मु बासिक्‍पा मेबायावा मा?”

लूका 17:25

लावो ङादो गुका हापा दु़खा इम्‍मु बासी, मा आथामबिलिम मु़चु़मिमलामका नाप्‍छु़न्‍ला सो़म्‍सिमु बासी।

मर्कूस 12:10

हाम गानी माम्‍चु़नीकु सिजेमडा हेल्‍लो वो डाट्‌निम मिबु? ‘उहेम लुङ नेम बनेबेपामिमका पार्मिडी मेराम ङा सुरलुङ दु़स्‍ता,

मत्ती 21:42

येशूका मेर्मिमलाई र्‍वाम्‍डी, “माम्‍चु़नीकु सिजेमडा ओराम ल्‍वा हाम गानी हेल्‍लो वो डाट्‌निम मिबु? ‘नेम चिर्पा मु़चु़मिमका पार्मिडिम लुङङा नेमकु फारगोयु़म डोक्‍पु सुरलुङ दु़स्‍ता, मिप्रङमाका आरे बेम्‍डी, इकीमा मिक्‍सीलामडा ओराम ङाङाया दु़म्‍सीमिम बु।’

मत्ती 12:40

हेङालोने डोक्‍पु ङोकु ख्‍वाचेपगोनो योना सु नेम्‍फु-सिन्‍था बाइडा, मेम्साकाङा सुलेम नेम्‍फु-सिन्‍था मिनीचो़ वो सुबुगोयु़ दु़म।

१ कोरिन्थी 15:4

मा गुमीलाई क्‍लु़म्‍मिडी, मा माम्‍चु़नीकु सिजेम होम्‍साका सुलेमनेम माम्‍चु़नीका गुमीलाई सिमुलाम फम्‍डी,

लूका 24:44

गुमीका मेर्मिमलाई र्‍वाम्‍डी, “गो ङादो गानीनुङ बाङडोलो मोशाकु डु़म्‍लाडा, माम्‍चु़नीलाम-जेपामिमकु खाजेमडा नुङ कोमु काम्‍सोकु खाजेमडा आमा दुथाम र्‍वाक्‍मा खोत्‍ले ल्‍वा रोम्‍थिमुङा बासी” र्‍वाङ्‌डोमा सो़उतोम बाइडा।

यूहन्‍ना 12:48

गोलाई मेद्‌वाक्‍पा, मा आमा सिजेम मेथो़पामिमकाम लागि नियाचो़ बुमी, मेराम गो ङादो जेङ्‌डोम ल्‍वाका हुक्‍पा थारीनेम मेराम मु़चु़लाई मुमा बेडु़।

मत्ती 27:63

मा र्‍वाम्‍डी, “ङाचो़, मेराम लुचो़ नु़पा बाइडालो ‘सुलेमका सिमुलाम बम्‍गेङु’ र्‍वाक्‍ताम आकी नडा बु।