मर्कूस 8:29 - थुलुङ राई

²⁹ मेकोतिमा गुमीका मेर्मिमनुङ हिलाबेम्‍डी, “मा गानी ने गोलाई सु़ र्‍वानी?” पत्रुसका र्‍वाक्‍ता, “गानीङा ख्रीष्‍ट।”

मर्कूस 8:29 Referans Kwoze

१ यूहन्‍ना 4:15

कोङ मु़चु़का येशू माम्‍चु़नीकु तारापाचो़ र्‍वाक्‍साका थो़र बु़ माला माम्‍चु़नी मेराम मु़चु़नुङ दु़म्‍मी मा मेराम मु़चु़ माम्‍चु़नीडा दु़म।

१ यूहन्‍ना 5:1

उहेम मु़चु़का येशूङा ख्रीष्‍ट र्‍वाक्‍पा थो़र बु़, मेराम मु़चु़ माम्‍चु़नीकु चो़च्‍चो़ सो़। मेम्‍मा उहेम मु़चु़का पापलाई रिखाम बु़ उनीमा चो़मिमलाई वो मेरामका रिखाम बु़।

यूहन्‍ना 11:27

मार्थाका र्‍वाक्‍ता, “अँ ङाचो़, गो थो़रलु़ङु, ओराम सु़म्‍दिसेरडा योक्‍पा माम्‍चु़नीकु तारापाचो़ गानी ख्रीष्‍ट।”

लूका 9:20

मेम्‍मा गुमीका मेर्मिमलाई हिलाबेम्‍डी, “मा गानी गोलाई सु़ र्‍वानी?” पत्रुसका र्‍वाक्‍ता, “गानी माम्‍चु़नीका थु़र्निमिम ख्रीष्‍ट सो़।”

थु़र्मा 9:20

मेम्‍मा शाऊल घ्रो़म्‍दीनेममिमबाडे लस्‍तामा येशू ङा माम्‍चु़नीकु चो़ र्‍वाक्‍साका सीमु चो़म्‍डु़मी।

यूहन्‍ना 4:42

मेर्मिमका मे मेसेमलाई र्‍वाम्‍डी, “गाना र्‍वाक्‍नामका कोङङा गुकु थो़र बेत्तोकोम मेएँ, गुकु आकी त्‍वाकाङा थो़त्तोकोमका, मा गुमी आच्‍छाङा सु़म्‍दिसेरलाई सेल्‍पा मु़चु़ रेछा र्‍वाक्‍पा ल्‍वा चक्‍तोकोमका।”

१ पत्रुस 2:7

मेम्‍मिमका गानी उहेमका थो़रलु़नी, इनीमा लागि गुमी ने इनी डोक्‍पु दु़म्‍सी सो़, लावो थो़रमेलु़पामिमकाम लागि ने, “उहेम लुङ नेम चिर्पामिमका पार्मिडी, मेरामङा नेमकु फारगोयु़म डोक्‍पु लुङ दु़स्‍ता।”

यूहन्‍ना 6:69

गानी माम्‍चु़नीकु नङका साट्‌पा मु़चु़ र्‍वाक्‍साका गुकु चकु मा थो़र बोकु।”

थु़र्मा 8:36

मेर्चिप लाम्‍दीडा लक्‍तोङा बेच्‍चिलो कु बाट्‌पाडा रोक्‍फाट्‌ची। मेकोतिमा मे नपुंसकका र्‍वाक्‍ता, “रेप्‍नी, आसिन्‍डा कु बु रेछा। गोलाई कु-रु़दु़म रमु सु़का भोम्‍मु चाम्‍ङी मा?”

मर्कूस 4:11

गुमीका मेर्मिमलाई र्‍वाम्‍डी, “माम्‍चु़नीकु किब्‍दी हाम र्‍वाक्‍साका आच्‍छाङा छेपा सामा गानीलाई कोङङा ग्‍वाक्‍मा बु। लावो माम्‍चु़नीकु किब्‍दी पाखानोममिमलाई ने सीसि-सो़म्‍दीडा कोङङा खोत्‍ले गो सो़उ।

यूहन्‍ना 6:68

सिमोन पत्रुसका गुमीलाई र्‍वाक्‍ता, “ए ङाचो़, गुकु सु़काडा लमु मा? गानीनुङ मेसिपा त्‍वारो़मकु सिजेम बु।