मर्कूस 8:23 - थुलुङ राई

²³ गुमीका मे मिक्‍सीका मेल्‍वापालाई उमा ल्‍वाडा जेट्‌मिडिमा मे देललामका पाखानो लम्‍डी। मेकोतिमा मेरामकु मिक्‍सीडा थङकीका बेट्‌मिडिमा उनीमा ल्‍वा जु़ल्‍मिडी, मा र्‍वाम्‍डी, “कि-कि हाम-हुम ल्‍वाना?”

मर्कूस 8:23 Referans Kwoze

मर्कूस 7:33

गुमीका मेरामलाई मे सेर्पा मु़चु़मिमडाम वाङथो़ ङा लम्‍डिमा, उनीमा ब्रेप्‍चो मेरामकु नोफ्‍लागोनो फिम्‍डी। मेकोतिमा थक्‍सीबेम्‍डिमा मेरामकु लेमडा लु़प्‍मिडी।

मर्कूस 5:23

मेकोतिमा “आमा नानी सिमुङा खाप्‍डु़म बु। मेम्‍मिमका गानी बिक्‍नीमा गुडला इनीमा ल्‍वा जु़ल्‍नी। मेकोतिमा गु सनु़, मा नु़नु़” र्‍वाक्‍ताम-र्‍वाक्‍तामङा बु़डु़।

थु़र्मा 9:8

शाऊल क्‍वायु़म बक्‍ता, मा उ मिक्‍सी ह्‌वाक्‍तु़लो हाम वो मेल्‍वासु़वा। मेम्‍मिमका शाऊलनुङ लक्‍पा मु़चु़मिमका उ ल्‍वाड्‌डा झेट्‌मिडिमा दमस्‍कस शहरडा रेट्‌मिडी।

रेम्‍बेट्‌मिडिम ल्‍वा 3:18

मुड्‌डा चासाका जो़पा बेम्‍मा सो़ना आमालामका भ्रेया मा गाना खाप्‍चीचो़ दु़म्‍ना, फम्‍सिमु लागि बुबुयाम ये-सेम आमालामका भ्रेया मा इमा क्रो़मलु़पा खालिन्‍ते ख्रेमु चाम्‍ना, मा इमा मिक्‍सीडा फिमु दबाई आमालाम भ्रेया मा इमा मिक्‍सीका ल्‍वामु चाम्‍ना र्‍वाक्‍साका गो गानालाई मुलु़ ग्‍वानी।

हिब्रू 8:9

ओराम सो़रख्रेप्‍सी गो मेर्मिमकु बेप-पापनुङ सो़रख्रेप्‍तोम होप्‍माम मेदु़म। गो मेर्मिमकु ल्‍वाडा झेसाका क्रिउतोमिमा मिश्र नेब्‍दीलामका ख्‍लुक्‍खेत्तोमिम बाइडा। मिप्रङमाका र्‍वामी, मेर्मिमका आमा सो़रख्रेप्‍सीगोडा थो़रलु़इमिम दु़म्‍साका मेबामिवा, मेम्‍मिमका गो मेर्मिमकामथो़ न मेसोक्‍पुवा।

मर्कूस 8:24

मेकोतिमा मेरामका गेले रेप्‍तोङा र्‍वाक्‍ता, “मु़चु़मिम धक्‍सा होङङा बेपा लाम्‍दिपाम बाट्‌पा ल्‍वाउमी।”

मर्कूस 8:26

मेकोतिमा गुमीका मेरामलाई देलबाडे मेलुक्‍साका इमा नेम लक्‍सा बेम्‍डिमा थु़र्सोम्‍डी।

थु़र्मा 23:19

मे कमाण्‍डरका मेरामकु ल्‍वाड्‌डा झेड्‌डु़मा कोर्थो़ लक्‍साका हिलाबु़डु़, “गाना गोनुङ हाम सो़मु इमा न बु?”