मर्कूस 8:22 - थुलुङ राई

²² मेकोतिमा येशूनुङ उनी सीसिपामिम बेथसेदा देलडा रोम्‍फाम्‍डी। मु़चु़मिमका मेसिन्‍डा मिक्‍सीका मेल्‍वापा कोले मु़चु़ उनीमाडा रेट्‌मिडी, मा मेरामलाई लु़प्‍नी र्‍वाम्‍डिम-र्‍वाम्‍डिमङा बेम्‍डी।

मर्कूस 8:22 Referans Kwoze

मत्ती 11:21

“ए खोराजीन शहरडाम मु़चु़नी, गानी ने हाउरेमा, ए बेथसेदा शहरडाम मु़चु़नी, गानी हाउरेमा, हेङालोने गानीगोडा बेउतोम यु़मखारीमिम टुरोस शहर नुङ सीदोन शहरडाम मेजो़पा मु़चु़मिमगोडा बेउवा माला मेर्मिमका उनी छु़लमिम मिम्‍सिसाका ख्‍लोम्‍सिम्‍वाम रेम्‍बोमु माकेङा जिलेम फम्‍सिप्‍मिवा, मा फोका क्‍लम्‍सिप्‍मिवा।

मर्कूस 6:45

मे मु़चु़मिम मेलामका थु़र्तो बेम्‍डिलो ङा येशूका उनी सीसिपामिमलाई कुबी-बोक्‍साडला हुबेट्‌मिडी, मा गुमीडाम ङादोङा होनो होम्‍बुनोम बेथसेदाथो़ थु़र्ल्‍याम्‍डी।

लूका 10:13

“ए खोराजीन शहरडाम मु़चु़नी, गानीलाई वाइतो, ए बेथसेदा शहरडाम मु़चु़नी, गानीलाई वाइतो, गानीगोडा बेम्‍मा यु़म खारीमिम टुरोस नुङ सीदोन शहरडा बेपाका माला मेसिन्‍डाम मु़चु़मिमका हापा ङादो ङा जिलेम फसिट्‌मिवा, मा फोका क्‍लसिक्‍साका उनी छु़लमिम न-गोलामका मिम्‍सिसाका ख्‍लोसिट्‌मिवाम रेम्‍बेमिवा।

यूहन्‍ना 12:21

गालीलडाम बेथसेदाडा बाट्‌पा फिलिपकाडा मेर्मिम रोम्‍डिमा आरे र्‍वाम्‍डिम-र्‍वाम्‍डिमङा बेम्‍डी, “ङाचो़, येशूलाई क्रो़म्‍मु आकीमा न बु।”

यूहन्‍ना 1:44

फिलिप वो अन्‍द्रियास नुङ पत्रुसकु देल बेथसेदाडामङा बाइडा।

मर्कूस 2:3

मेकोतिलोङा ब्‍ललेका ल्‍वा-खेल सोक्‍पा कोले मु़चु़ कुर्मिडिमा उनीमाडा रेट्‌मिडी।

मत्ती 8:15

गुमीका मेराम मेसेमकु ल्‍वा लु़प्‍मिडी, मा डार्चु़मोका गुलाई डिट्‌ल्‍याट्‌डु़। मेकोतिमा गु बक्‍तामा येशूकु चापे-डुपे बु़डु़।

मत्ती 9:29

मेकोतिमा गुमीका मेर्चिपकु मिक्‍सी लु़प्‍मिडिमा र्‍वाम्‍डी, “गाची थो़र लु़च्‍चिम होङङा इची मिक्‍सीका ल्‍वापा दु़म्‍ची।”

मत्ती 8:3

गुमीका उनी ल्‍वा हम्‍मिडिमा मेराम मु़चु़लाई लु़प्‍मिडी। मेम्‍मा र्‍वाम्‍डी, “गो न बेउ, गाना सेपा दु़म्‍नानु़।” मेकोतिलोङा मेरामकु जोन हेम्‍ल्‍यासिड्‌डा।

लूका 9:10

थु़र्मामिमका जो़पा-सेला थो़बेट्‌मिडिमा ख्‍लोसिम्‍डिम चङडा मेर्मिमका बेम्‍डिम खोत्‍ले खारीकु दुथाम येशूनुङ सो़म्‍डी। येशू मेर्मिमनुङ कोयोङा बेथसेदा र्‍वाक्‍मा शहरडा लम्‍डी।

मत्ती 14:36

मेर्मिमका उनी हुम-येकु जु़जु़कोङङा लोवो लु़म्‍मु ग्‍वाक्‍की र्‍वाम्‍डिम-र्‍वाम्‍डिमङा बेम्‍डी। मेम्‍मा सु़-सु़का लु़प्‍मिडी, मेर्मिम खोत्‍ले सम्‍डी।

मर्कूस 3:10

हेङालोने येशूका छो़म सेर्पामिमलाई सबेट्‌मिडिमका खोत्‍ले नो़पामिमका गुमीलाई लु़म्‍मु र्‍वाक्‍साका क्‍र्‍वाम्‍सिम्‍डिम बाम्‍डी।