मर्कूस 8:17 - थुलुङ राई

¹⁷ येशूका ओराम चम्‍ल्‍याम्‍डिमका र्‍वाम्‍डी, “गानीनुङ सो़बेम मिबु र्‍वाक्‍साका गानी हेङा हिलाहिसी बेबोनिमिम? हाम गानी आथावो मेचनी? थेसिङा मेथेनी? हाम इनीमा न लुङ होप्‍माम दु़स्‍ताम बु?

मर्कूस 8:17 Referans Kwoze

मर्कूस 6:52

हेङालोने मेर्मिमका सो़बेमकु दुथाम हाम वो थेसिथेट्‌मिडिम मेबायावा। लावो मेर्मिमकु नगो लुङ होप्‍माम दु़स्‍ताम बाइडा।

मर्कूस 2:8

मेर्मिमका उनी नडा हाम मिम्‍तोङा बोमी र्‍वाक्‍पा येशूका चम्‍ल्‍याम्‍डी। मेम्‍मिमका मेर्मिमलाई र्‍वाम्‍डी, “हेङा गानी इनी नडा आरेप्‍माम मिम्‍सिनिमिम?

मर्कूस 3:5

येशूका मे लुङ होप्‍माम उनी न ल्‍वाम्‍डिमका उनी गो नो़डा, मा उनी छोक्‍छोका होनो-आथो़ रेप्‍मिडी। मेम्‍मा मेरामलाई र्‍वाम्‍डी, “इमा ल्‍वा थङा।” मेकोतिमा मेरामका उमा ल्‍वा थङडु़, मा उमा ल्‍वा ङादोम होप्‍माङा नु़ल्‍याड्‌डा।

रेम्‍बेट्‌मिडिम ल्‍वा 2:23

मेराम मेसेमकु चङचङ लाम्‍दिपामिमलाई गो सेट्‌पुमी। मेम्‍मा खोत्‍ले मु़चु़मिमकु न-गोडाम ल्‍वा चक्‍पा गोङा सो़ र्‍वाक्‍साका खोत्‍ले मण्‍डलीका ओराम ल्‍वा चमी। मेम्‍मा इनीमा बासी-दोसीलाम हाम ल्‍वामु घ्रेट्‌पा बुनी मेराम होम्‍साका गो गानी खोत्‍लेलाई ग्‍वानिनी।

यूहन्‍ना 21:17

गुमीका सु खेपडा र्‍वाम्‍डी, “यूहन्‍नाकु तारापाचो़ सिमोन, हाम गाना गोलाई रिखाम बोङी?” पत्रुसकाम छो़म उमा गो नो़डा, हेङालोने गुमीका सु खेप “हाम गाना गोलाई रिखाम बोङी?” र्‍वाक्‍साका हिलाबेम्‍डी। गुका गुमीलाई र्‍वाक्‍ता, “ङाचो़, गानी खोत्‍ले चनी, गो गानीलाई रिखाम बोनिनी र्‍वाक्‍पा चनी।” येशूका र्‍वाम्‍डी, “आमा भेन्‍दामिमलाई पोमु-डुमु ग्‍वाकामी।

यूहन्‍ना 16:30

गानी खोत्‍ले चनी, मा सु़का वो गानीनुङ हिलाबोमु मेबासी। गानी माम्‍चु़नीलामका योक्‍निम र्‍वाक्‍साका ओरामलामका गुकु थो़र बोकु।”

लूका 24:25

येशूका मेर्चिपलाई र्‍वाम्‍डी, “ए नेप्‍ची मान्‍थिम मु़चु़चिप, माम्‍चु़नीलाम-जेपामिम खोत्‍लेका र्‍वाम्‍डिम ल्‍वाडा थो़र बोमु गाचीलाई छो़म छो़स्‍ताम बु।

मर्कूस 16:14

चङडा को-कोङ (११) सीसिपामिम ग्रुला पेप्‍डा गन्‍मिडिलो येशू मेर्मिमकाडा ल्‍वाला सो़सिम्‍डी। मेकोतिमा लुङ होप्‍माम मेर्मिमकु नगो नुङ मेर्मिम थो़रमेलु़मिवामडाम गुमी छो़म भुर्मिडी, हेङालोने येशू सिमुलाम बम्‍गेम्‍डिमा गुमीलाई ल्‍वापामिमकु ल्‍वाडा मेर्मिम थो़र मेलु़मिवाम बाइडा।

मत्ती 15:17

गानी हाम पोनी, मेराम सिलामका ख्‍वाचेपगोयु़ ल, मा पाखा लु।

मत्ती 12:15

फरिसीमिमका हाम बोमु माल्‍तोङा लेन्‍मी मेराम ल्‍वा येशूका चम्‍डिमा मेलाम लम्‍डी। मेम्‍मा हापा मु़चु़ गुमीनुङ लाम्‍दिम्‍डी। मेर्मिमगोडाम नो़पामिम खोत्‍लेलाई गुमीका सबेट्‌मिडी।

मत्ती 16:7

मेर्मिमका उनी त्‍वाप-त्‍वापडा आरे र्‍वाबोमु चो़म्‍मिडी, “गुइ सो़बेम मेकुरिवामका गुमीका आरे र्‍वामिमिम रो ओ।”

मर्कूस 8:16

गुमीनुङ सो़बेम मेबुमिमका येशूका आरे र्‍वामिम र्‍वाक्‍साका मेर्मिमका उनी त्‍वाप-त्‍वापगोनो ङा र्‍वाबोमु चो़म्‍मिडी।