मर्कूस 8:11 - थुलुङ राई

¹¹ फरिसीमिम येशूकाडा रोम्‍डिमा गुमीनुङ हिलाहिसी बोमु चो़म्‍मिडी, मा उनीमा न छाम्‍मु लागि पाह्रीलाममिम कोङ छेखोप रेम्‍बेट्‌किनी र्‍वाम्‍डी।

मर्कूस 8:11 Referans Kwoze

१ कोरिन्थी 10:9

मेर्मिम गोडा याङका बेम्‍डिम होङङा गुइ ङाचो़कु न छाम्‍सी मेनु़। मेर्मिमका ङाचो़कु न छाम्‍मिडिमा मेर्मिमलाई ब्‍लोका सेड्‌डु़मिम बाइडा।

मत्ती 12:38

मेकोतिमा यहूदीमिमकु डु़म्‍ला सीपा पातु़म्‍रीमिम नुङ फरिसीमिम कोले-नले येशूकाडा रोम्‍डिमा र्‍वाम्‍डी, “माम्‍चु़नीलाम गानी यु़म ल्‍वान्‍निम र्‍वाक्‍पा गुकुनुङ रेम्‍बोमु हेल्‍लो वो मेल्‍वाम्‍मा छेखोप रेम्‍बेनी।”

यूहन्‍ना 4:48

येशूका मेरामलाई र्‍वाम्‍डी, “हेल्‍लो वो मेल्‍वानिवाम छेखोपमिम नुङ यु़मखारीमिम मेल्‍वाथु़मसम्‍म गानी हेल्‍लो वो थो़र मेबोनी।”

लूका 11:16

वाङमिमका ने मेजो़पा नका येशूकु न-छाम्‍मु माल्‍तो र्‍वाम्‍डी, “ओराम खारी माम्‍चु़नीकु यु़मलाम बेन्‍निम माला पाह्रीलाममिम हेल्‍लो वो मेल्‍वाम्‍मा कोले छेखोप रेम्‍बेनी।”

थु़र्मा 5:9

पत्रुसका र्‍वाक्‍ता, “गाची निफिका हेसाका डे माम्‍चु़नी-पेलनुङ लिमा थेन्‍मु मुलु़ बेच्‍ची? रेप्‍डा, इमा वोचु़लाई क्‍लु़म्‍पामिम लाम्‍चोकोडा ङा रोम्‍फाम्‍डिम बु, मा मेर्मिमका गाना वो मेम्‍साका ङा कुर्नामिमा पाखा लनामी।”

यूहन्‍ना 7:48

हाम ङाउमिमका डे फरिसीमिमगोडाम कोङनिमका डे गुडला थो़र लु़म्‍डिम बु?

यूहन्‍ना 6:30

मेर्मिमका गुमीनुङ र्‍वाम्‍डी, “गानी गुकुलाई हेप्‍माम यु़मखारी रेम्‍बोनी मा मेराम रेप्‍साका गुकु थो़रबोमु? गानी हाम बोमु चाम्‍नी?

लूका 10:25

कोले मोशाकु डु़म्‍ला छो़म थेट्‌पा मु़चु़का येशूकु न छाम्‍मु लागि गुमीनुङ आरे र्‍वाक्‍ता, “ङाचो़, हेल्‍लो वो मेसिपा त्‍वारो़म ल्‍वामु लागि गो हाम बोमु बासी?”

मर्कूस 12:15

गुकु कर सोमु बासी डे मेएँ?” येशूका मेर्मिमकु नगो चम्‍ल्‍याम्‍डिमका र्‍वाम्‍डी, “गानी हेङा आमा न छाम्‍निमिम? कोले दिनार आसि रेट्‌नी, मा गो रेपु।”

मर्कूस 2:16

फरिसीमिमडाम यहूदीमिमकु डु़म्‍ला सीपा पातु़म्‍रीमिमका गुमी छु़लचो़ नुङ कर फक्‍पामिमनुङ पेत्तोङाबेपा ल्‍वाम्‍डिमा येशूकु सीसिपामिमनुङ र्‍वाम्‍डी, “हेङा गुमीका छु़लचो़मिमनुङ, मा कर फक्‍पामिमनुङ वो कोयो बासाका पोमिमिम?”

मत्ती 22:23

मेनेमङा सदुकीमिम येशूकाडा रोम्‍डी। मु़चु़ सिमुलाम बगे र्‍वाक्‍साका मेर्मिम थो़र मेलु़म्‍थाल्‍मिवा। मेर्मिमका हिलाबेम्‍डी,

मत्ती 22:18

लावो येशूका मेर्मिमकु मेजो़पा न चम्‍डिमा र्‍वाम्‍डी, “ए मिनी मिक्‍सीलामडा जो़पा लिसिक्‍पा मु़चु़नी, गानी हेङा वायम डमु माल्‍ङिनिमिम?

मत्ती 22:15

मेकोतिमा फरिसीमिम मेलामका लम्‍डी, मा येशूका मेजो़पा हाम-हुम जेमिमिम ल्‍वाडा वायम डमु मुलु़ बेम्‍डी।

मत्ती 21:23

येशू सो़रनेमगोडा हुम्‍डी, मा सीत्तोङा लेट्‌मिडी। मेकोतिलो ङाउ डु़म्‍लाचो़मिम नुङ ङाउमिम उनीमाडा रोम्‍डिमा र्‍वाम्‍डी, “ओर्मिम खारीमिम सु़का इमा मुलु़गोनो जु़ल्‍लु़म बु मा गाना बोनामिम? गानालाई सु़का ओराम साखाम ग्‍वाक्‍ना?”

मत्ती 19:3

कोले-नले फरिसीमिम उनी न छाम्‍मु लागि रोम्‍डी। मेर्मिमका हिलाबेम्‍डी, “हाम कोङनिम मु़चु़का कोङनिम ल्‍वाकु दुथाम उ मोचु़लाई डिन्‍मु डु़म्‍लाका ग्‍वाकु़?”

यूहन्‍ना 8:6

येशूकु बुइडला मेजो़पा ल्‍वा उन्‍मु लागि हिलाहिसीलाम आम्‍मु मेर्मिमका आरे बेम्‍डिम बाइडा। लावो येशू कुम्‍सिम्‍डी, मा उनी ब्रेप्‍चोका क्‍वायु़ फुर्कुडा र्‍यामु चो़म्‍मिडी।

मर्कूस 9:16

मेकोतिमा येशूका उनी सीसिपामिमनुङ हिलाबेम्‍डी, “गानी मेर्मिमनुङ हाम र्‍वाबेत्तो बेन्‍नी?”