मर्कूस 7:9 - थुलुङ राई

⁹ गुमीका मेर्मिमलाई र्‍वाम्‍डी, “माम्‍चु़नीकु डु़म्‍ला कोर्थो़ जु़ल्‍साका इनीमा बेप-पापका बेम्‍खेम्‍डिम होङङा बोमु गानी छो़म थेट्‌पा बुनी।

मर्कूस 7:9 Referans Kwoze

गलाती 2:21

माम्‍चु़नीकु दिदाम गो हाम ना हामकाम मेमिम्‍पु। हेङालोने डु़म्‍लाका माम्‍चु़नीकु ङादोडा मुमा मान्‍थिम दु़म्‍बेडु़ माला येशू ख्रीष्‍ट क्रूसडा चेन्‍ला सो़सिम्‍डिम ने हाम ना हामकाम दु़म।

मर्कूस 7:13

आरेसाका गानी इनीमा बेप-पापका बेम्‍खेम्‍डिम होम्‍साका बोनिमा माम्‍चु़नीकु सिजेम ने हाम ना हामकाम दु़म्बेनी। आरेप्‍माम ङा वाङमिम वो गानी छो़म बोनी।”

मर्कूस 7:3

हेङालोने फरिसीमिम नुङ खोत्‍ले यहूदीमिमका उनीमा बेप-पापका बेम्‍खेम्‍डिम होम्‍साका ल्‍वा मेसोल्‍थु़म मेपोमी।

२ थेसलोनिकी 2:4

माम्‍चु़नीकु कोर्थो़लाम नुङ मु़चु़मिमका सो़रलोले बोमिमिम ङाटाकु कोर्थो़लाम मेराम ब। मेम्‍साका गु उ त्‍वाप ने माम्‍चु़नीकु सो़रनेम गोडा डोक्‍पु लिसिमा गन, मा माम्‍चु़नी गोङा र्‍वा।

रोमी 3:31

थो़रलामका माम्‍चु़नीकु ङादोडा जो़पा न-गोकाम दु़म्सी माला हाम माम्‍चु़नीकु डु़म्‍ला ने हाम ना हामकाम दु़म मा? मेम ने मेएँ, लावो आच्‍छाङा उनीमा डु़म्‍ला होम्‍साका डे दोसीहोम बुइमिम दु़म।

मर्कूस 7:5

मेकोतिमा फरिसीमिम नुङ यहूदीमिमकु डु़म्‍ला सीपा पातु़म्‍रीमिमका गुमीनुङ हिलाबेम्‍डी, “हेङा इनीमा सीसिपामिमका बेप-पापका बेम्‍खेम्‍डिम होम्‍साका मेबेसाका मेसेपा ल्‍वाका ङा पोमिमिम?”

२ कोरिन्‍थी 11:4

कोङनिम मु़चु़ इनीमाडा रोम्‍डिमा गुकु र्‍वाक्‍तोकोमडाम वो वाङमिङा येशूकु दुथाम सो़म्‍डी माला गानी गेर्सी द्‍वाक्‍तो थो़नी रेछा। ङादो गानी ल्‍वान्‍निम पेल नुङ जो़पा-सेलाडाम वो वाङमिङा पेल नुङ वाङमिङा सेला गानी जो़होमका ङा रनी रेछा!

गलाती 1:14

यहूदी डु़म्‍लागोडाम गोनुङ कोयोम मु़चु़मिमगोडाम गो खोत्‍लेडाम लाम बसिक्‍पामा बेप-पापमिमकु डु़म्‍ला बोमुडा छो़म आमा सो हन्‍पा बाइडा।