मर्कूस 7:6 - थुलुङ राई

⁶ मेम्‍मिमका गुमीका मेर्मिमलाई र्‍वाम्‍डी, “गानी मिनी मिक्‍सीलामडा जो़पा लिसिपामिमकु दुथाम यशैयाका माम्‍चु़नीलाम जेस्‍ताम जो़पाङा रेछा। गुका आरेसाका र्‍याक्‍तु़म बु: ‘ओर्मिमका गोलाई उनी सिका कोङङा जो़पा बोङिमी, लावो मेर्मिमकु न-गो ने गोडाम होनोङा बु।

मर्कूस 7:6 Referans Kwoze

तीतस 1:16

मेर्मिम मु़चु़का माम्‍चु़नीलाई छेत्तोकोम बु ने र्‍वामी, लावो उनी खारी बेसीलामका माम्‍चु़नीलाई मेछेमिमिम रेम्‍बोमी। मेर्मिम मु़चु़मिम माम्‍चु़नीलाई मेद्‌वाक्‍पा नुङ गुमीका र्‍वामिमिम मेथो़पा, मा जो़पा खारी हाम वो बोमु मेघ्रेट्‌पा सो़।

२ तिमोथी 3:5

माम्‍चु़नीकु सो़रलोले बेपा लिसिक्‍पा, लावो माम्‍चु़नीडा आच्‍छाङाका थो़रमेलु़पा दु़म्‍मी। तिमोथी, आरेप्‍माम मु़चु़मिमडाम वाङ बाया।

यूहन्‍ना 5:42

हेङालोने माम्‍चु़नीकु रिखाम गानीगोडा मिबु र्‍वाक्‍पा गो चक्‍पु।

यूहन्‍ना 15:24

मेर्मिमकु ङादोडा वाङमिम सु़का वो मेबेमिवाम खारीमिम गो मेबेउवाम माला मेर्मिम छु़लकु मुमा बेन्‍ला मेसो़सिप्‍मिवा। लावो मेर्मिमका यु़मखारीमिम ल्‍वाम्‍डिम बु, मा वो गो नुङ आमा पापलाई मेद्‌वाचिकी।

थु़र्मा 28:25

मेर्मिम उनी त्‍वाप-त्‍वापडा ङा गो फ दु़म्‍मिडी, मा मेलाम ब्‍र्‍वाम्‍सिमु खाप्‍मिडिलो मेर्मिमनुङ पावलका ओराम कोले ल्‍वा र्‍वाक्‍ता, “इनीमा ङाउ-खुउलाई माम्‍चु़नीलाम-जेपा यशैयाकु सिलामका माम्‍चु़नी-पेलका र्‍वाम्‍डिम ल्‍वा आच्‍छाङा रेछा: