मर्कूस 7:4 - थुलुङ राई

⁴ मेर्मिम बजारलाम रोमिमा मेसो़ल्‍सिसाका मेपोमी। आरेप्‍मामङा वाङमी वो हापा ङा बेप-पापलोम बेम्‍खेम्‍डिम बु, मेर्मिमका कान्‍चु़रे, सोजाम-मोजाम नुङ बुलुकु सोजाममिम मेक्‍लो़थु़म मेपोमी।

मर्कूस 7:4 Referans Kwoze

हिब्रू 9:10

माम्‍चु़नीलाई ग्‍वाक्‍मा ङादोम बेसी ने पोमु-डुमु नुङ सो़ल्‍सिमु डु़म्‍ला कोङङा सो़। माम्‍चु़नीकु लाले लाम्‍दी मेरोक्‍थु़मसम्‍म मेराम होम्‍साका लाम्‍दिमु लागि मेर्मिम ने मिरो़मकु नियममिम कोङङा बाइडा।

मत्ती 23:25

“गानी डु़म्‍ला सीपा पातु़म्‍रीमिम नुङ फरिसीमिम ने हाउरेमा, मिनी मिक्‍सीलामडा जो़पा लिसिक्‍पा गानी, कान्‍चु़रे नुङ थालकु डलामका ने क्‍लो़नी, लावो इनी गोलामका रारी नुङ त्‍वाकाम नकु कोकोक्‍सीका देम्‍पा दु़म।

याकूब 4:8

माम्‍चु़नीकु ङादोडा लक्‍नी, मेम्‍मा गुमी वो इनीमा ङादोडा रोमी मा गानीनुङ कोयोङा बुमी। माम्‍चु़नीकु सिजेम होम्‍साका मेदोपा छु़लचो़नी, इनी ल्‍वा सेपा बेनी। माम्‍चु़नी नुङ सु़म्‍दिसेर निफिथो़ङा न जु़ल्‍पा मु़चु़नी, इनीमा न-गो सेपा बेनी।

यूहन्‍ना 2:6

यहूदीमिमकाम सेपा दु़म्‍मु लागि सो़ल्‍सिक्‍पा डु़म्‍ला बाइडा। मेरामकाम लागि लुङकाम रुले (६) कु जु़ल्‍खोप मेसिन्‍डा बाइडा। मेर्मिम खोत्‍लेडा लेत धु़मडाम को सङ न धु़म लिटरसम्‍म हिसिक्‍पा बाइडा।

१ यूहन्‍ना 1:7

माम्‍चु़नी ओलडा बुमिमिम होङङा गुइ वो ओलडा बुइ-दोसी माला कोलेकाम कोङमीडला इकीमा हेमकेम दु़म। मेम्‍मा उनीमा तारापाचो़ येशूकु सिसिका खोत्‍ले इकीमा छु़लडाम गुइलाई छेको-छेको बेसा।

मत्ती 27:24

हाम वो बोमु मेझापा, मेरामडाम ने मु़चु़मिम येमु-दुमुमा ङाल्‍मु खाप्‍मिमिम पिलातसका ल्‍वास्‍तु़। मेम्‍मा गुका कु रङडु़मा सेर्पा मु़चु़कु ङादोडा उ ल्‍वा सो़ल्‍साका र्‍वाक्‍ता, “ओराम मु़चु़ सेन्‍मुडा गो हाम वो ख्‍लो़त्तोम मिबु, इनी त्‍वापङा चन्‍सिट्‌नी।”

यूहन्‍ना 3:25

मेकोतिलोङा सेपा दु़म्‍मु सो़ल्‍सिक्‍पा डु़म्‍लाकु दुथाम यूहन्‍नाकु सीसिपामिम नुङ कोङनिम यहूदीमिम खाल्‍बेम्‍डी।

मत्ती 23:26

मिक्‍सीका मेल्‍वापा फरिसीनी, ङादो थाल नुङ कान्‍चु़रे उ गोलामका क्‍लो़ट्‌नी, मा मेरामकु डलामका छेको-छेको दु़म।

मर्कूस 7:8

माम्‍चु़नीका बेनी र्‍वामिम होङङा मेबेसाका बेप-पापका बेम्‍खेम्‍डिम मु़चु़कु बेसी कोङङा गानी बोनी।”