मर्कूस 7:37 - थुलुङ राई

³⁷ ओराम ल्‍वाम्‍डिमा मु़चु़मिम छो़म ङाङाया दु़म्‍मिडी। मेकोतिमा र्‍वाम्‍डी, “गुमीका बेम्‍डिम खोत्‍ले जो़पा नु़पा ङा बु। गुमीका ने मेथो़पालाई थो़पा, मा मेजेपालाई जेमुचापा बनेबोमी रेछा।”

मर्कूस 7:37 Referans Kwoze

मर्कूस 6:51

मेकोतिमा गुमी मेर्मिम बाट्‌पा कुबी-बोक्‍साडा हुम्‍डी मेडे ब्‍लोजु़ वो फुन्‍मु डिथाड्‌डु़। मेम्‍मिमका मेर्मिम ङाङाया दु़म्‍मिडी।

मर्कूस 5:42

मेकोतिलो ङा मेराम चो़च्‍चो़ बक्‍ल्‍याड्‌डा, मा होनो आथो़ लाम्‍दिमु चो़म्‍डु़। मेम्‍लो गु को-न (१२) थकाम बाइडा मेराम ल्‍वाम्‍डिलो मेसिन्‍डा बाट्‌पामिम खोत्‍ले ङा ङाङाया दु़म्‍मिडी।

मर्कूस 4:41

मेर्मिम छो़म ङिम्‍डी, मा उनी त्‍वाप-त्‍वापडाङा र्‍वाबोमु चो़म्‍मिडी, “हेप्‍माम डे गुमी ने! गुमीका र्‍वामिम ने ब्‍लोजु़ नुङ दिरिदिनका वो थो़मी रेछा!”

मर्कूस 2:12

मेकोतिलोङा मेराम मु़चु़ बक्‍ल्‍याड्‌डा, मा उ प्‍लान-कोम्‍सु़नुङ खोत्‍लेका रेप्‍मिडि होङङा मेलामका लस्‍ल्‍याड्‌डा। मेम्‍मिमका मेर्मिम खोत्‍लेङा ङाङाया दु़म्‍मिडी, मा “आरेप्‍माम ने हेल्‍लो वो ल्‍वाम्‍मा मेबायावा!” र्‍वाक्‍तोङा माम्‍चु़नीकु नङ कोम्‍डी।

थु़र्मा 14:11

पावलका बु़डु़म ओराम खारी सेर्पा मु़चु़मिमका ल्‍वाम्‍डिमा मेर्मिमका लुकोनिया ल्‍वाडा डोक्‍पु लो़लामका आरे र्‍वाम्‍डी, “नो़पमिम मु़चु़ लिम्‍सिम्‍डिमा इकीमाडा योम्‍डी रेछा।”

लूका 23:41

गुची ने ख्‍ल्‍याम्‍या बेच्‍चिमका सिमु घ्रेट्‌पाङा बुची, लावो गुमीका ने आरेप्‍माम मेजो़पा खारी ने हाम वो बेम्‍डिम मिबु।”

मर्कूस 1:27

मेसिन्‍डाम खोत्‍ले मु़चु़मिमका मेराम ल्‍वाम्‍डिमा ङाङाया दु़म्‍मिडी, मा उनी त्‍वाप-त्‍वापडाङा, “हाम डे आरेप्‍माम? ओराम ने आच्‍छाङाकाम लाले सीसि डे रेछा! मा ओरामका ने उ मुलु़गोनोम होम्‍साकाङा मुनाङपेलमिमलाई वो भुरु़मी रेछा! मा मेर्मिमका वो ओरामका र्‍वामिम थो़मी रेछा!” र्‍वाबेम्‍डी।

मत्ती 9:32

मेर्चिप लक्‍चिम चङडा मुनाङका हुप्‍डु़मा उ सि मेजेपा दु़स्‍ताम कोले मु़चु़ येशूकाडा रेट्‌मिडी।

मर्कूस 7:36

येशूका मेर्मिमलाई र्‍वाम्‍डी, “मामा सो़! ओराम ल्‍वा सु़नुङ वो मेसो़नी वो।” लावो गुमीका हाङको मेर्मिमलाई मेम बेम्‍थाल्‍मिडी, मेकोति छो़म ङा हापा मेर्मिमका मेराम ल्‍वा सो़म्‍थाल्‍मिडी।

मर्कूस 8:1

आथावो कोखेप छो़म सेर्पा मु़चु़मिम खोम्‍सिम्‍डी। मेकोतिमा मेर्मिमनुङ बाट्‌पा पोमु थोक वो खोत्‍लेङा हुक्‍ल्‍याड्‌डा। मेम्‍मिमका येशूका उनी सीसिपामिम उनीमाथो़ येट्‌मिडिमा र्‍वाम्‍डी,