मर्कूस 7:35 - थुलुङ राई

³⁵ मेकोतिलो ङा मेरामकु नोफ्‍ला होल्‍यासिट्‌डा, मा उमा लेम भ्रोल्यासिड्‌डा, मा मेराम जो़होमका जेमु चो़म्‍डु़।

मर्कूस 7:35 Referans Kwoze

मर्कूस 2:12

मेकोतिलोङा मेराम मु़चु़ बक्‍ल्‍याड्‌डा, मा उ प्‍लान-कोम्‍सु़नुङ खोत्‍लेका रेप्‍मिडि होङङा मेलामका लस्‍ल्‍याड्‌डा। मेम्‍मिमका मेर्मिम खोत्‍लेङा ङाङाया दु़म्‍मिडी, मा “आरेप्‍माम ने हेल्‍लो वो ल्‍वाम्‍मा मेबायावा!” र्‍वाक्‍तोङा माम्‍चु़नीकु नङ कोम्‍डी।

मत्ती 11:5

मिक्‍सीका मेल्‍वापामिमका मिक्‍सीका ल्‍वाम्‍डिम, मा खेल सोक्‍पामिम लाम्‍दिम्‍डिम बु। जोन बेट्‌पामिम सम्‍डिम बु। नोफ्‍लाका मेथो़पामिमका थो़मी, सिपा मु़चु़मिम सिमुलाम बम्‍गेम्‍डिम बु, मा उनी हाम वो मेबाट्‌पामिमका माम्‍चु़नीकु जो़पा-सेला थो़त्तोङा लेन्‍मी।

मर्कूस 7:34

मेकोतिमा पाह्रीथो़ रेप्‍मिडिमा धु़प्‍पा साम खेत्तोङा मेरामलाई र्‍वाम्‍डी, “इफ्‍फाता” मेराम “होल्‍ल्‍यासिडा” र्‍वाक्‍मा।

मर्कूस 7:36

येशूका मेर्मिमलाई र्‍वाम्‍डी, “मामा सो़! ओराम ल्‍वा सु़नुङ वो मेसो़नी वो।” लावो गुमीका हाङको मेर्मिमलाई मेम बेम्‍थाल्‍मिडी, मेकोति छो़म ङा हापा मेर्मिमका मेराम ल्‍वा सो़म्‍थाल्‍मिडी।