मर्कूस 7:34 - थुलुङ राई

³⁴ मेकोतिमा पाह्रीथो़ रेप्‍मिडिमा धु़प्‍पा साम खेत्तोङा मेरामलाई र्‍वाम्‍डी, “इफ्‍फाता” मेराम “होल्‍ल्‍यासिडा” र्‍वाक्‍मा।

मर्कूस 7:34 Referans Kwoze

यूहन्‍ना 11:41

मेर्मिमका सु़लु़मकु ख्रेमलुङ रिल्‍मिडी। मेकोतिमा येशूका पाह्रीथो़ रेप्‍मिडिमा र्‍वाम्‍डी, “पाआ, गो र्‍वाङडोम ल्‍वा गानी थो़ङसाङडिनिमकाम लागि आलासो़।

मर्कूस 6:41

येशूका मे ङोले सो़बेम नुङ नले ङो रम्‍डिमा पाह्रीथो़ रेप्‍मिडी, मा जि ग्‍वाम्‍डी। मेकोतिमा मे सो़बेममिम चम्‍डी, मा मु़चु़मिमलाई दो़न्साट्नी र्‍वाक्‍साका उनी सीसिपामिमलाई ग्‍वाम्‍डी। मेम्‍मा मे नले ङो वो गुमीका मेर्मिम खोत्‍लेनुङ दो़म्‍डी।

मर्कूस 5:41

मेकोतिमा गुमीका मे चो़च्‍चो़कु ल्‍वाडा जेट्‌मिडिमा मेरामलाई र्‍वाम्‍डी, “तालिता कुमी” मेराम र्‍वाक्‍मा “ए यु़म्‍पी! गो गानालाई र्‍वाङु, बका।”

थु़र्मा 9:34

पत्रुसका मेरामनुङ र्‍वाक्‍ता, “ए एनियास, येशू ख्रीष्‍टका गानालाई सबेनामी। बका, मा इमा प्‍लान फका।” मेकोतिलोङा मेराम हुबक्‍ता।

यूहन्‍ना 11:33

येशूका मरियम ख्रापा मा गुनुङ रोक्‍पा यहूदीमिम वो ख्राप्‍मिडिम ल्‍वाम्‍डी। मेम्‍मा गुमी उनीमा न-गोडा छो़म मेभ्रम्‍सिप्‍मिवा, मा ङाली डम्‍डी।

मर्कूस 15:34

नेम्‍फुम सु जेस्‍तालो येशूका आरे र्‍वाम्‍डिमा डोक्‍पु लो़लामका येम्‍डी, “इलोई, इलोई, लामा सबखथनी?” ओराम र्‍वाक्‍मा, “ए आमा माम्‍चु़नी, ए आमा माम्‍चु़नी, हेङा गानी गोलाई ङेट्‌ङिडिनिम?”

मर्कूस 8:12

उनी गोनो धु़प्‍पा साम खेत्तोङा गुमीका र्‍वाम्‍डी, “आथामबिलिम मु़चु़मिमका हेङा छेखोप रेम्‍मु माल्‍मिमिम? आच्‍छाङा गो गानीलाई र्‍वाङु, आथामबिलिम मु़चु़का उहेम वो छेखोप रेम्‍मु मेल्‍वामी।”

थु़र्मा 9:40

मेर्मिम खोत्‍लेलाई पाखानो ख्‍लुक्‍तु़मिमा पत्रुसका क्रचु़खुम बु़डु़, मा सो़म्‍दी बु़डु़। मेकोतिमा मे सिपा रो़मथो़ ख्‍लोसिड्‌डामा र्‍वाक्‍ता, “तबीता, बका!” मा तबीताका उ मिक्‍सी ह्‌वाक्‍तु़। मेम्‍मा मेरामका पत्रुसलाई ल्‍वास्‍तु़मा बक्‍तामा गन्‍डा।

यूहन्‍ना 11:43

गुमीका आरे र्‍वामु दु़म्‍मिडिमा डोक्‍पु लो़लामका येम्‍डी, “लाजरस, पाखा लुका।”

हिब्रू 4:15

इकीमा खोत्‍लेडाम डोक्‍पु ङाउ डु़म्‍लाचो़ इकी मेचाप्‍सीडा रेम्‍मु मेचाम्‍निनी र्‍वाक्‍पा मेबुमी। गुइ होम्‍साकाङा गुमी वो खोत्‍ले ल्‍वाडा न-छाम्‍ला सो़म्‍सिम्‍डिम बाइडा। लावो गुमीका ने छु़ल मेबेमिवा।

यूहन्‍ना 17:1

येशूका आरे र्‍वामु दु़म्‍मिडिमा पाह्रीथो़ रेप्‍साका सो़म्‍दी बेम्‍डी: “पाआ, थारी रोक्‍फाड्‌डाम बु। इनीमा तारापाचो़कु यु़म झ्‍वाक्‍नी, मा तारापाचो़का इनीमा यु़म झ्‍वाक्‍नु़।

यूहन्‍ना 11:38

येशू आथावो मेभ्रम्‍सिप्‍मिवा, मा सु़लु़मथो़ लम्‍डी। मेराम सु़लु़म बुडखुमगोडा बाइडा। मेराम सु़लु़म कोले लुङका ड्‌याक्‍मा बाइडा।

यूहन्‍ना 11:35

येशू ख्राप्‍मिडी।

लूका 19:41

येशू यरूशलेम फार्डा रोम्‍फाम्‍डी, मा मे शहर ल्‍वाम्‍डिमा ख्राप्‍मिडी,

लूका 18:42

मेकोतिमा येशूका मेराम मु़चु़लाई र्‍वाम्‍डी, “गाना इमा मिक्‍सीका ल्‍वानानु़। गोडला बेन्‍नाम इमा थो़रका नु़बेट्‌नाम बु।”

लूका 7:14

मेकोतिमा येशूका मे सिपा मु़चु़ जु़ल्‍मा बाकस फार्डा लम्‍डिमा लु़प्‍मिडी, मा मे सिपा मु़चु़ कुर्पामिम येम्‍सिम्‍डी। गुमीका मेरामलाई र्‍वाम्‍डी, “ए छारी, गो गानालाई र्‍वाङु, बका!”

मर्कूस 1:41

येशूकु थो़म ङा भ्रो़स्‍तामका गुमीका मेरामलाई लु़म्‍मु उनी ल्‍वा लक्‍तोङा र्‍वाम्‍डी, “गो न बेउ, गाना नु़या।”

मर्कूस 7:35

मेकोतिलो ङा मेरामकु नोफ्‍ला होल्‍यासिट्‌डा, मा उमा लेम भ्रोल्यासिड्‌डा, मा मेराम जो़होमका जेमु चो़म्‍डु़।