मर्कूस 7:31 - थुलुङ राई

³¹ येशू टुरोस शहरलामका लुम्‍डिमा, सीदोन नुङ डेकापोलिस क्षेत्र दु़म्‍तो गालील दिरिदिनथो़ लम्‍डी।

मर्कूस 7:31 Referans Kwoze

मर्कूस 5:20

मेकोतिमा मेराम मेलामका लस्‍तामा येशूका गुडला हा-हाम बेम्‍डिम बाइडा, मेर्मिम खोत्‍ले ङा डेकापोलिसडाम खोत्‍ले मु़चु़मिमनुङ सो़मु चो़म्‍डु़। मेराम ल्‍वा थो़पा मु़चु़मिम खोत्‍ले ङा ङाङाया दु़म्‍मिडी।

मत्ती 4:25

मेकोतिमा गालील, डेकापोलिस, यरूशलेम, खोत्‍ले यहूदिया नुङ यर्दन ब्‍लोकुकु होम्बुथो़म छो़म सेर्पा मु़चु़ येशूनुङ लाम्‍दिम्‍डी।

मर्कूस 7:24

मेकोतिमा येशू मेलामका बम्‍डिमा टुरोस नुङ सीदोनथो़ लम्‍डी, मा कोङ नेमगोनो हुम्‍डी। ओराम ल्‍वा सु़का वो मेथो़मिनु़ र्‍वाक्‍पा उनी न बाइडा, लावो गुमी मेल्‍वाला सो़सिसाका बुमु मेचाप्‍मिवा।

मत्ती 11:21

“ए खोराजीन शहरडाम मु़चु़नी, गानी ने हाउरेमा, ए बेथसेदा शहरडाम मु़चु़नी, गानी हाउरेमा, हेङालोने गानीगोडा बेउतोम यु़मखारीमिम टुरोस शहर नुङ सीदोन शहरडाम मेजो़पा मु़चु़मिमगोडा बेउवा माला मेर्मिमका उनी छु़लमिम मिम्‍सिसाका ख्‍लोम्‍सिम्‍वाम रेम्‍बोमु माकेङा जिलेम फम्‍सिप्‍मिवा, मा फोका क्‍लम्‍सिप्‍मिवा।

मत्ती 4:18

गालील दिरिदिनकु फारभाल येशू लाम्‍दित्तोङा लेट्‌मिडिम बाइडा। मेम्‍लो गुमीका पत्रुस र्‍वाक्‍मा सिमोन नुङ उ ल्‍वाक अन्‍द्रियासलाई गालील दिरिदिनगोयु़ पालुङ ओप्‍तोङा लेट्‌पा ल्‍वाम्‍डिची। हेङालोने मेर्चिप ङो सेट्‌पा मु़चु़ बाच्‍ची।

मर्कूस 7:30

मेराम मेसेम नेम रोक्‍थिड्‌डालो उमा याक्‍के जाउमो चो़ मुनाङपेलका बासी ङा डिथाड्‌डु़म बाइडा, मा खाटडला अम्‍ल्‍याट्‌पा बाइडा।