मर्कूस 7:27 - थुलुङ राई

²⁷ गुमीका मेराम मेसेमलाई र्‍वाम्‍डी, “ङादो त्‍वाकु चो़च्‍चो़मिमलाई पोमु ग्‍वामु बासी, हेङालोने चो़च्‍चो़मिमकु सो़बेम रोमुमा ख्‍लेबामिमलाई घ्रोक्‍सासी मेनु़।”

मर्कूस 7:27 Referans Kwoze

थु़र्मा 22:21

“गुमीका गोनुङ र्‍वाम्‍डी, ‘मेलामका लक्‍सा, गो गानालाई हापा होनोवा बाट्‌पा वाङसामामिमकाडा थु़र्नी’।”

मत्ती 10:5

येशूका मे को-न (१२) थु़र्मामिमलाई आरे बेम्‍डिमा थु़र्मिडी, “वाङसामामिमकाडा मेलक्‍नी, मा सामरीमिमकु शहरडा मेहुनी।

मत्ती 7:6

“सेपा थोकमिम ख्‍लेबामिमलाई मेग्‍वाक्‍नी, मेएँ माला ने मेर्मिमका गानीलाई घ्रमु माल्‍निमी। हापा थिकाम दिरिल्यमिम ब्‍वामिमकु ङादोडा मेफोट्‍नी, मेर्मिमका मेरामलाई देम्मिमा हाम ना हामकाम बनेबोमी।”

एफिसी 2:12

मेराम थारीका गानी ख्रीष्‍टडाम वाङ बान्‍नी। गानी माम्‍चु़नीका छेट्‌मिडिम सामा इस्राएलीनुङ हेमकेमङा मेबाट्‌पा वाङ नेब्‍दीलाम रोक्‍पा मु़चु़ होप्‍माम बान्‍नी, मा माम्‍चु़नीका मेर्मिमनुङ जेम्‍डिम याचे गानी मेचन्‍थाल्‍निवा, मा गानी सु़म्‍दिसेरडा बान्‍निलो हाम हुम ल्‍वामु न मेबेपा मा माम्‍चु़नी मान्‍थिम बान्‍नी।

रोमी 15:8

गो गानीनुङ र्‍वाङु, माम्‍चु़नीका यहूदीमिमलाई मेर्मिमकु बेप-पापनुङ याचे जेम्‍डिम ल्‍वा आच्‍छाङा र्‍वाक्‍साका रेम्‍बोमु लागि ख्रीष्‍ट यहूदीमिमकु डु़ल्‍चो़ दु़म्‍मिडिम सो़।

मर्कूस 7:26

मेराम सिरियाकु फोनिकेडा गस्‍ताम ग्रीक वाङसामा मेसेम बाइडा। मेराम मेसेमका गुमीनुङ, “आमा जाउमो चो़कु रो़मलामका मुनाङपेल कोल्‍साट्‌नी” र्‍वाक्‍ताम-र्‍वाक्‍तामङा बु़डु़होम बाइडा।

मर्कूस 7:28

मेराम मेसेमका र्‍वाक्‍ता, “मेम ने, मेमङा जो़पा दु़म, लावो टेबलकु गोयु़ बाट्‌पा ख्‍लेबामिमका वो चो़च्‍चो़मिमका डमिम सो़बेमकु प्‍वाक्‍चो़लमिम ने पोमी।”