मर्कूस 7:25 - थुलुङ राई

²⁵ मेकोतिलोङा कोङ मेसेमका मेराम ल्‍वा थो़स्‍तु़, मेम्‍मिमका रोक्‍तामा येशूकु खेल चु़म्‍डु़मा सेव साड्‌डु़, हेङालोने मेरामकु याक्‍के जाउमो चो़ मुनाङपेलका हुप्‍डु़म बाइडा।

मर्कूस 7:25 Referans Kwoze

मत्ती 15:22

मेराम क्षेत्रडाम कोले कनानी वाङसामा मेसेम येशूकाडा रोक्‍तामा येत्तो आरे र्‍वाक्‍ताम-र्‍वाक्‍तामङा बु़डु़, “ङाचो़, दाऊदकु तारापाचो़, गोडला न-थो़म रेम्‍बेनी, आमा जाउमोचो़ मुनाङका हुप्‍डु़मा छो़म दु़खा ग्‍वाक्‍तु़म बु।”

लूका 17:16

मेकोतिमा येशूका मेरामलाई सबेट्‌मिडिमका गुमीलाई आलासो़ ग्‍वाक्‍तो उनी खेल चु़म्‍डु़। मेराम सामरियाडाम मु़चु़ बाइडा।

मर्कूस 5:33

मेकोतिमा मे मेसेमका उ त्‍वापलाई हाम दु़स्‍ताम बु र्‍वाक्‍पा चडु़। मेम्‍मा येशूकाडा रोक्‍तामा उनीमा खेल चु़म्‍डु़मा ङिमुका रुक्‍तोङा आच्‍छाङाकाम खोत्‍ले ल्‍वा गुमीनुङ सो़यु़डु़।

मर्कूस 1:40

कोले जोन बेट्‌पा मु़चु़का क्रचु़खुम बेत्तो येशूनुङ, “गानी न बोनी माला गोलाई नु़बेन्‍मु चाम्‍ङिनी” र्‍वाक्‍ताम-र्‍वाक्‍तामङा बु़डु़।

मर्कूस 7:24

मेकोतिमा येशू मेलामका बम्‍डिमा टुरोस नुङ सीदोनथो़ लम्‍डी, मा कोङ नेमगोनो हुम्‍डी। ओराम ल्‍वा सु़का वो मेथो़मिनु़ र्‍वाक्‍पा उनी न बाइडा, लावो गुमी मेल्‍वाला सो़सिसाका बुमु मेचाप्‍मिवा।

मर्कूस 7:26

मेराम सिरियाकु फोनिकेडा गस्‍ताम ग्रीक वाङसामा मेसेम बाइडा। मेराम मेसेमका गुमीनुङ, “आमा जाउमो चो़कु रो़मलामका मुनाङपेल कोल्‍साट्‌नी” र्‍वाक्‍ताम-र्‍वाक्‍तामङा बु़डु़होम बाइडा।