मर्कूस 7:23 - थुलुङ राई

²³ ओर्मिम खोत्‍ले मेजो़पामिम मु़चु़कु गोलामका लुमी, मा मेर्मिमका ङा मु़चु़लाई मेसेपा दु़म्‍बेडु़मी।”

मर्कूस 7:23 Referans Kwoze

मर्कूस 7:15

पाखालाम मु़चु़कु गोनो हुसाका गुलाई मेसेपा दु़म्‍बेट्‌पा हाम वो मिबु, लावो मु़चु़लामका पाखानो लुक्‍पामिमकाङा गुलाई मेसेपा दु़म्‍बेडु़।

तीतस 1:15

न-गो सेपा मु़चु़मिमकाम लागि खोत्‍लेङा सेपा दु़म। लावो मेजो़पा न-गोनुङमा नुङ थो़र मेलु़पा मु़चु़मिमकाम लागि ने हाम वो सेपा मेदु़म। हेङालोने मेर्मिमकु न नुङ नेप्‍चीङा मेजो़पा दु़स्‍ताम बु।

१ कोरिन्थी 3:17

कोङनिमका माम्‍चु़नीकु सो़रनेम पुयु़लुकु़ माला माम्‍चु़नीका वो मेरामलाई पुयु़लुबेन्‍मी। हेङालोने माम्‍चु़नीकु सो़रनेम सेपा दु़म मा मेराम सो़रनेम गानीङा सो़।

यहूदा 1:8

मेप्‍मामङा इनी थेतेगोडा हुपा ओर्मिम मु़चु़ वो बुमी। मेर्मिम मु़चु़ ङिमा म्‍वामिमिम होम्‍साका दोमी मा छु़लका उनी त्‍वापलाई घ्राम्‍लु़पा बनेबोमी। मेर्मिमका माम्‍चु़नीकु साखाम मेद्‌वामी मा पाह्रीचो़मिमकु जो़प्‍सीकु दुथाम डक्‍साका जेमी।

मर्कूस 7:18

गुमीका मेर्मिमलाई र्‍वाम्‍डी, “आकोति वो थेसिमेथेनिमिम? पाखालामका मु़चु़गोनो हुपा हामका वो गुलाई मेसेपा दु़म्‍मेबेडु़ र्‍वाक्‍पा गानी आथावो थेसिमेथेनी?

मर्कूस 7:20

गुमीका र्‍वाम्‍डी, “मु़चु़लामका पाखानो हाम लु, मेरामका ङा मेसेपा दु़म्‍बेडु़।

मर्कूस 7:22

रारी, मेजो़पा बेसी, लिमा, वाङमिम मेसेमनुङ अम्‍पा न, सु़ङखार, डक्‍साका जेमु, डोक्‍पुलिम्‍सिमु, नेप्‍ची मान्‍थिम दु़म्‍मु ओर्मिम खोत्‍ले मु़चु़कु गोलामका लुमी।

मर्कूस 7:24

मेकोतिमा येशू मेलामका बम्‍डिमा टुरोस नुङ सीदोनथो़ लम्‍डी, मा कोङ नेमगोनो हुम्‍डी। ओराम ल्‍वा सु़का वो मेथो़मिनु़ र्‍वाक्‍पा उनी न बाइडा, लावो गुमी मेल्‍वाला सो़सिसाका बुमु मेचाप्‍मिवा।