21 हेङालोने मेजो़पा न, नाम्सु़रु़, खुमु, सेन्मु, वाङमिम मेसेमनुङ अम्पा न बोमु,
हेङालोने न-गोलामकाङा मेजो़पा न, मु़चु़ सेट्पा, नाम्सु़रु़, वाङमी मेसेमनुङ अम्बाल्पा, खुपा, लिमा थेट्पा, मा डक्साका जेपा ल्वामिम लुमी।
इमा मेजो़पा न-गोलामका ख्लोसा मा माम्चु़नीडा सो़म्दी बे। गाना मिम्नाम मेजो़पा ल्वा गुमीका हेम्सानामी डे।
मेर्मिमका हाम मिम्तोङा लेन्मी र्वाक्पा ल्वा येशूका चम्डिमा र्वाम्डी, “गानी हेङा इनी नडा आरेप्माम मेजो़पा मिम्निमिम?
हाम गानी इनी त्वाप-त्वापगोडाङा चोमिक्सी बेसाका मेजो़पा नका निया बेपा मेदु़म्निवा मा?
मेकोतिमा गुमीका मेर्मिमलाई र्वाम्डी, “गानी मु़चु़मिमकु ङादोडा माम्चु़नीकु न-गो होप्माम दु़म्साका रेम्बेपा लिन्सिनी, लावो माम्चु़नीका इनी न-गोडाम ल्वा चमी। मु़चु़मिमका डोक्पु मिम्मिमिम ने माम्चु़नीकु ङादोडा हाम ना हामकाम दु़म।
छु़लका खाप रेप्डु़मा गोलाई आमा नगोडा खोत्ले खालकाम रारी बेबेट्ङिडी। डु़म्ला मेबायावाम माला ने छु़ल सिडाम कोतिम ङा दु़म।
मे ये-द मेभ्रेथु़म वो इमा त्वाकाम ङा बाइडा, मा भ्रेट्नाम खउलुङ वो इमाङा बाइडा, मा आरेप्माम खारी बेपा ल्वा हेसाका इमा नड्डा रोक्ता? गाना मु़चु़नुङ मेएँ, माम्चु़नीनुङ लिमा थेट्नाम बु।”
गुइ कोबिलि इकीमा मिरो़मडाम बादीखाम होम्साका दोस्थाल्ली। मेम्लो डु़म्लाका इकीमा न होम्साका दोमु लागि गुइलाई कोमुमा छु़लथो़ लाम बबेसाका गुइगोडा सिमुलाम रेथाल्लु़।
कोबिलि गुइ वो नेप्ची मान्थिम नुङ र्वाकिमिम मेथो़पा बाइडी। लु-फेले बेला सो़सिक्पा, मेजो़पा नकाम नुङ नसीहोम बिइबाल्ली। नो़ मेनु़पा, नाचु़रनुङमा, मेद्वाला सो़सिक्पा, मा मेद्वाबेपा बाइडी।
गुमीका र्वाम्डी, “मु़चु़लामका पाखानो हाम लु, मेरामका ङा मेसेपा दु़म्बेडु़।
रारी, मेजो़पा बेसी, लिमा, वाङमिम मेसेमनुङ अम्पा न, सु़ङखार, डक्साका जेमु, डोक्पुलिम्सिमु, नेप्ची मान्थिम दु़म्मु ओर्मिम खोत्ले मु़चु़कु गोलामका लुमी।
मेम्मिमका ङादो सु़म्दिसेरडाम मु़चु़मिम बान्निलो बेन्निम मेजो़पा इनी न सेट्नी। मेर्मिम ने, नाम्सु़रु़ बेसी, घ्राम्लु़पा खारी बेसी, वाङमिम मेसेमनुङ छो़म अमअम द्वाक्पा न, मेजो़पा खारी बेपा न, रारी बेसी। रारी बोमु ने ङाटा सेव सान्मु होप्मामङा सो़।