मर्कूस 7:2 - थुलुङ राई

² येशूकु कोङ-कोङ सीसिपामिमका, मेसेपा ल्‍वाका, मेराम र्‍वाक्‍मा ल्‍वा मेसो़ल्‍साका ङा पेम्‍डिम मेर्मिमका ल्‍वाम्‍डी।

मर्कूस 7:2 Referans Kwoze

थु़र्मा 10:28

पत्रुसका मेर्मिमनुङ र्‍वाक्‍ता, “वाङसामामिमनुङ घ्रो़म्‍मु, बुमु गुकु यहूदीलाई डु़म्‍लाका मेग्‍वाकी र्‍वाक्‍पा ल्‍वा गानी खोत्‍लेका जो़होमका चनिमिम ङा बु। लावो आथा उहेम मु़चु़लाई वो मेसेपा नुङ घ्राम्‍लु़पा मिम्‍सी मेनु़ र्‍वाक्‍साका माम्‍चु़नीका गोलाई रेम्‍बेट्‌ङिडिमिम बु।

रोमी 14:14

ङाचो़ येशूडा थो़र बेउतोमका गो ओराम ल्‍वा आच्‍छाङा चक्‍पु, बाम वो पोमुथोक त्‍वापङा मेसेपा मेदु़म। लावो कोङनिमका हाम-हुम पोमुथोक मेसेपा मिम्‍डु़ माला उमा लागि मेराम मेसेपा ङा दु़म।

थु़र्मा 11:8

“लावो गो र्‍वाङडो, ‘मेएँ ङाचो़, गो हेल्‍लो वो घ्रामलु़पा नुङ मेसेपा हाम वो पेउतोम मिबु।’

मत्ती 15:2

“हेङा इनीमा सीसिपामिमका बेप-पापमिमका बेम्‍खेम्‍डिम होम्‍साका मेबोमिमिम? हेङालोने मेर्मिमका पोमु ङादो उनी ल्‍वा मेसो़ल्‍मिवा।”

मर्कूस 7:5

मेकोतिमा फरिसीमिम नुङ यहूदीमिमकु डु़म्‍ला सीपा पातु़म्‍रीमिमका गुमीनुङ हिलाबेम्‍डी, “हेङा इनीमा सीसिपामिमका बेप-पापका बेम्‍खेम्‍डिम होम्‍साका मेबेसाका मेसेपा ल्‍वाका ङा पोमिमिम?”

लूका 11:38

लावो ग्रुला पोमु ङादो येशूका उनी ल्‍वा मेसो़ल्‍मिवाम ल्‍वास्‍तु़मा मे फरिसी ङाङाया दु़स्‍ता।

हिब्रू 10:29

मेम माला ने माम्‍चु़नीकु तारापाचो़लाई खेल गोयु़ देम्‍पा, गुलाई सेपा दु़म्‍बेड्‌डु़म सो़रख्रेप्‍सीकु सिसि मेसेपा दु़म्‍बेट्‌पा, मा दिदाम रेम्‍बेपा माम्‍चु़नी-पेललाई डक्‍पा मु़चु़ हाङको हापा इम्‍मु मेझापा देन्‍दे ल्‍वामुका घ्रेट्‌पा दु़म र्‍वाक्‍पा गानी लु़नी?

रेम्‍बेट्‌मिडिम ल्‍वा 21:27

घ्रामलु़पा मु़चु़, ङाटा सेव साट्‌पा क्रो़मलु़पा खारी बेपा नुङ लिमाचो़ मेराम शहर गोडा हाम्‍सी वो मेहुमी। लावो त्‍वारो़मकु खाजेम, भेन्‍दाचो़कु खाजेमडा नङ र्‍याक्‍मा मु़चु़मिम कोङङा मेगोनो हुमी।