मर्कूस 7:18 - थुलुङ राई

¹⁸ गुमीका मेर्मिमलाई र्‍वाम्‍डी, “आकोति वो थेसिमेथेनिमिम? पाखालामका मु़चु़गोनो हुपा हामका वो गुलाई मेसेपा दु़म्‍मेबेडु़ र्‍वाक्‍पा गानी आथावो थेसिमेथेनी?

मर्कूस 7:18 Referans Kwoze

हिब्रू 5:11

ओरामकु दुथाम हापा र्‍वामु बासिक्‍पा ल्‍वा बु, लावो गानी थेसिमेथेट्‌पा बुनिमिमका थेसिथेन्‍बेन्‍मु मेझापा बु।

लूका 24:25

येशूका मेर्चिपलाई र्‍वाम्‍डी, “ए नेप्‍ची मान्‍थिम मु़चु़चिप, माम्‍चु़नीलाम-जेपामिम खोत्‍लेका र्‍वाम्‍डिम ल्‍वाडा थो़र बोमु गाचीलाई छो़म छो़स्‍ताम बु।

मत्ती 16:11

गानीलाई गो सो़बेमकु दुथाम र्‍वाङडोम मेएँ र्‍वाक्‍साका गानी हेङा थेसिमेथेनिमिम? मेम्‍मिमका गो आथावो र्‍वाङु, फरिसीमिम नुङ सदुकीमिमकु लङखामडाम वाङ बानी।”

१ कोरिन्थी 3:2

गो गानीलाई दु़दु़ ग्‍वानिनी, डोमु मेझापा पोमु मेग्‍वानिनिवा, हेङालोने मेराम पोमु चापा मेबानिवा, आथावो गानी चाप्‍निम मिबु।

यूहन्‍ना 3:10

येशूका गुलाई र्‍वाम्‍डी, “गाना ने यहूदीमिमकु डोक्‍पु सीपा मु़चु़, मा ओराम ल्‍वा आथावो थेसिमेथेनामिम?

मर्कूस 4:13

मेकोतिमा येशूका मेर्मिमलाई र्‍वाम्‍डी, “गानी ओराम सीसि-सो़म्‍दीङा थेसिमेथेनी माला वाङमी खोत्‍ले सीसि-सो़म्‍दीमिम हेसाका थेसिथेनी मा?

मत्ती 15:11

सिलामका हाम हु मेरामका मु़चु़लाई मेसेपा मेबु़, लावो सिलामका हाम ल्‍वा पाखानो लु, मेरामका मु़चु़लाई मेसेपा बु़।”

मर्कूस 7:17

मेकोतिमा मे सेर्पा मु़चु़मिम डिट्जो़ल्‍साका येशू कोङ नेमगोनो हुम्‍डिलो उनीमा सीसिपामिमका सीसि-सो़म्‍दीकु दुथाम हिलाबेम्‍डी।

मर्कूस 7:19

हेङालोने मेराम मु़चु़कु गोगोनो मेएँ ख्‍वाचेपगोनो ल, मा मेलामका पाखानो लुल्‍या।” (आरेसाका खोत्‍ले पोमुथोकमिम सेपाङा दु़म र्‍वाक्‍साका गुमीका र्‍वाम्‍डी।)