मर्कूस 7:15 - थुलुङ राई

¹⁵ पाखालाम मु़चु़कु गोनो हुसाका गुलाई मेसेपा दु़म्‍बेट्‌पा हाम वो मिबु, लावो मु़चु़लामका पाखानो लुक्‍पामिमकाङा गुलाई मेसेपा दु़म्‍बेडु़।

मर्कूस 7:15 Referans Kwoze

तीतस 1:15

न-गो सेपा मु़चु़मिमकाम लागि खोत्‍लेङा सेपा दु़म। लावो मेजो़पा न-गोनुङमा नुङ थो़र मेलु़पा मु़चु़मिमकाम लागि ने हाम वो सेपा मेदु़म। हेङालोने मेर्मिमकु न नुङ नेप्‍चीङा मेजो़पा दु़स्‍ताम बु।

हिब्रू 13:9

खाल-खालकाम हेल्‍लो वो मेथो़म्‍मा सीसिडा मेब्‍लो़म्‍सिट्‌नी। हेङालोने पोमु-डुमुकु दुथाममिम डु़म्‍लाका मेएँ, लावो माम्‍चु़नीकु दिदामका इनीमा न-गो बन्‍सिमिम जो़पा दु़म। मेप्‍माम डु़म्‍लाका सु़लाई वो जो़पा दु़स्‍ताम मिबु।

हिब्रू 9:10

माम्‍चु़नीलाई ग्‍वाक्‍मा ङादोम बेसी ने पोमु-डुमु नुङ सो़ल्‍सिमु डु़म्‍ला कोङङा सो़। माम्‍चु़नीकु लाले लाम्‍दी मेरोक्‍थु़मसम्‍म मेराम होम्‍साका लाम्‍दिमु लागि मेर्मिम ने मिरो़मकु नियममिम कोङङा बाइडा।

मत्ती 12:34

लु-फेले बेपा ब्‍लो होप्‍माम मु़चु़नी, इनी त्‍वापङा मेजो़पा बुनी, मा हेसाका जो़पा ल्‍वा जेमु चाम्‍नी मा? हेङालोने हेप्‍माम ल्‍वा न-गोडा बु, मेरामङा सिका वो जे।

रोमी 14:17

हेङालोने माम्‍चु़नीकु किब्‍दी र्‍वाक्‍मा पोमु-डुमुकाम लागि मेएँ, लावो माम्‍चु़नी-पेललाम रोक्‍पा जो़पा न-गो, न-भ्रसी, मा सेपा दु़म्‍साका गेर्सी द्‍वाक्‍तो बुमु सो़।

१ कोरिन्थी 10:25

सो़ भ्रेन्‍खोपडा भ्रेट्‌मा उहेम सो़ लोवो ओराम सासेट्‍मा डे मेएँ र्‍वाक्‍साका हिलाहिसी मेबेसाका पेनी।

थु़र्मा 10:28

पत्रुसका मेर्मिमनुङ र्‍वाक्‍ता, “वाङसामामिमनुङ घ्रो़म्‍मु, बुमु गुकु यहूदीलाई डु़म्‍लाका मेग्‍वाकी र्‍वाक्‍पा ल्‍वा गानी खोत्‍लेका जो़होमका चनिमिम ङा बु। लावो आथा उहेम मु़चु़लाई वो मेसेपा नुङ घ्राम्‍लु़पा मिम्‍सी मेनु़ र्‍वाक्‍साका माम्‍चु़नीका गोलाई रेम्‍बेट्‌ङिडिमिम बु।

मत्ती 15:16

गुमीका र्‍वाम्‍डी, “हाम आथावो गानी थेसिमेथेट्‌निवाम?

मर्कूस 7:14

गुमीका आथावो मे मु़चु़मिमलाई उनीमाथो़ येट्‌मिडिमा र्‍वाम्‍डी, “गानी खोत्‍लेका गो र्‍वाङुमिम ल्‍वा थो़नी, मा थेसिथेट्‌नी।

मर्कूस 7:16

उहेमकाम थो़मु न बु, मेरामका थो़सु़नु़।”