मर्कूस 7:14 - थुलुङ राई

¹⁴ गुमीका आथावो मे मु़चु़मिमलाई उनीमाथो़ येट्‌मिडिमा र्‍वाम्‍डी, “गानी खोत्‍लेका गो र्‍वाङुमिम ल्‍वा थो़नी, मा थेसिथेट्‌नी।

मर्कूस 7:14 Referans Kwoze

मत्ती 15:10

येशूका सेर्पा मु़चु़लाई उनीमाडा रेट्‌मिडिमा र्‍वाम्‍डी, “गो हाम र्‍वाङु, थो़निमा थेसिथेट्‌नी।

थु़र्मा 8:30

फिलिप मेरामकाडा ओन्‍तो लस्‍ता, मा मेराम मु़चु़का यशैयाका र्‍याक्‍तु़म खाजेमलाम डात्तोङा लेड्‌डु़म फिलिपका थो़स्‍तु़, मा मेरामनुङ हिलाबु़डु़, “गानी डात्तोङा लेनिमिम सिजेम थेसिथेनी?”

लूका 12:1

मेकोतिलोङा छो़म सेर्पा मु़चु़मिम खोम्‍सिम्‍डिमका मेर्मिम उनी त्‍वाप-त्‍वापङा देम्‍बेत्तोङा लेट्‌मिडिम बाइडा। येशूका उनी सीसिपामिमलाई ङादो र्‍वामु चो़म्‍मिडी, “गानी फरिसीमिमकु लङखामडाम चङचङया बानी वो। मे लङखाम र्‍वाक्‍मा ने मु़चु़मिमकु मिक्‍सीलामडा जो़पा लिसिक्‍पा मेर्मिमकु खारी सो़।

मर्कूस 7:13

आरेसाका गानी इनीमा बेप-पापका बेम्‍खेम्‍डिम होम्‍साका बोनिमा माम्‍चु़नीकु सिजेम ने हाम ना हामकाम दु़म्बेनी। आरेप्‍माम ङा वाङमिम वो गानी छो़म बोनी।”

मर्कूस 7:15

पाखालाम मु़चु़कु गोनो हुसाका गुलाई मेसेपा दु़म्‍बेट्‌पा हाम वो मिबु, लावो मु़चु़लामका पाखानो लुक्‍पामिमकाङा गुलाई मेसेपा दु़म्‍बेडु़।