मर्कूस 7:13 - थुलुङ राई

¹³ आरेसाका गानी इनीमा बेप-पापका बेम्‍खेम्‍डिम होम्‍साका बोनिमा माम्‍चु़नीकु सिजेम ने हाम ना हामकाम दु़म्बेनी। आरेप्‍माम ङा वाङमिम वो गानी छो़म बोनी।”

मर्कूस 7:13 Referans Kwoze

मर्कूस 7:9

गुमीका मेर्मिमलाई र्‍वाम्‍डी, “माम्‍चु़नीकु डु़म्‍ला कोर्थो़ जु़ल्‍साका इनीमा बेप-पापका बेम्‍खेम्‍डिम होङङा बोमु गानी छो़म थेट्‌पा बुनी।

तीतस 1:14

मेम्‍मा यहूदीमिमकाम हाम ना हामकु ल्‍वाडा नुङ येशू ख्रीष्‍टकु दुथाममिम सीसि थो़मु मेद्‌वाक्‍पा मु़चु़मिमका र्‍वामिमिम ल्‍वाडा न मेसोमिनु़।

मर्कूस 7:3

हेङालोने फरिसीमिम नुङ खोत्‍ले यहूदीमिमका उनीमा बेप-पापका बेम्‍खेम्‍डिम होम्‍साका ल्‍वा मेसोल्‍थु़म मेपोमी।

मत्ती 15:6

आरेसाका मेर्मिमका उनी माम-पापलाई डोक्‍पु बोमु मेबासी र्‍वाक्‍पा गानी सीनी। इनी बेप-पापमिमका बेम्‍खेम्‍डिम डु़म्‍ला होङङा बोमु लागि माम्‍चु़नीकु सिजेम गानी फाल्‍निम बु।

गलाती 5:21

नो़ मेनु़मु, डु़सेवा दु़म्‍मु, नसीहोम बोम्‍बाल्‍मु मा आरेप्‍मामङा वाङमिम खारी बोमु। आरेप्‍माम खारी बेपाका ने माम्‍चु़नीकु किब्‍दीगोडा हुमु मेल्‍वासु़। मेम्‍मिमका गानी चङचङया बानी र्‍वाक्‍साका ङादो वो र्‍वाङ्‍डोम बाइडा, मा ओम्‍लो वो र्‍वाक्‍तोङा बेउ।

मर्कूस 7:5

मेकोतिमा फरिसीमिम नुङ यहूदीमिमकु डु़म्‍ला सीपा पातु़म्‍रीमिमका गुमीनुङ हिलाबेम्‍डी, “हेङा इनीमा सीसिपामिमका बेप-पापका बेम्‍खेम्‍डिम होम्‍साका मेबेसाका मेसेपा ल्‍वाका ङा पोमिमिम?”

मर्कूस 7:12

आरेसाका गानी मेरामलाई उ माम-पापकु दुथाम हाम वो बोमु मेग्‍वानी।

मर्कूस 7:14

गुमीका आथावो मे मु़चु़मिमलाई उनीमाथो़ येट्‌मिडिमा र्‍वाम्‍डी, “गानी खोत्‍लेका गो र्‍वाङुमिम ल्‍वा थो़नी, मा थेसिथेट्‌नी।

गलाती 1:14

यहूदी डु़म्‍लागोडाम गोनुङ कोयोम मु़चु़मिमगोडाम गो खोत्‍लेडाम लाम बसिक्‍पामा बेप-पापमिमकु डु़म्‍ला बोमुडा छो़म आमा सो हन्‍पा बाइडा।