मर्कूस 7:1 - थुलुङ राई

¹ कोलेम यरूशलेमलामका योक्‍पा फरिसीमिम नुङ यहूदीमिमकु डु़म्‍ला सीपा पातु़म्‍रीमिम येशूकु होनोलाम-आथो़लाम खोम्‍सिम्‍डी।

मर्कूस 7:1 Referans Kwoze

मर्कूस 3:22

यरूशलेमलामका योक्‍पा यहूदीमिमकु डु़म्‍ला सीपा पातु़म्‍रीमिमका र्‍वाम्‍डी, “मेरामनुङ बालजिबुल मुनाङ बु, मा गुका मुनाङकु ङाउकाङा मु़चु़मिमकु गोलामका मुनाङमिम ख्‍लुकु़मी।”

लूका 5:17

कोलेम येशूका मु़चु़मिमलाई सीत्तोङा लेट्‌मिडिम बाइडा। गालील नुङ यहूदियाडाम खोत्‍ले देलडाम मा यरूशलेमलामका रोक्‍पा फरिसीमिम नुङ यहूदीकु डु़म्‍ला सीपा पातु़म्‍रीमिम मेसिन्‍डा रोम्‍डिमा गन्‍तासिट्‌मिडिम बाइडा। मेकोतिलो नो़पामिम सबेट्‌पा यु़म माम्‍चु़नीका येशूलाई ग्‍वाम्‍डिम बाइडा।

मर्कूस 7:2

येशूकु कोङ-कोङ सीसिपामिमका, मेसेपा ल्‍वाका, मेराम र्‍वाक्‍मा ल्‍वा मेसो़ल्‍साका ङा पेम्‍डिम मेर्मिमका ल्‍वाम्‍डी।