मर्कूस 6:6 - थुलुङ राई

⁶ मेर्मिम थो़र मेलु़मिवामडाम येशू ङाङाया दु़म्‍मिडी। मेकोतिमा गुमी देलबाडे सीत्तोङा लम्‍डी।

मर्कूस 6:6 Referans Kwoze

मत्ती 9:35

येशू खोत्‍ले शहर-शहर, देल-देल नुङ मेर्मिमकु घ्रो़म्‍दीनेममिमबाडे सीत्तो नुङ पाह्री-किब्‍दीकु दुथाम जो़पा-सेला थो़बेत्तो खिर्सिम्‍डी। मेम्‍मा खोत्‍ले खालकाम सोमोरीनुङमा नुङ नो़पा मु़चु़मिमलाई सबेट्‌मिडी।

मत्ती 8:10

ओराम ल्‍वा थो़म्‍डिमा येशू ङाङाया दु़म्‍मिडी, मा उनी चङचङ बिक्‍तोङा बेपा मु़चु़मिमनुङ र्‍वाम्‍डी, “आच्‍छाङा गो गानीलाई र्‍वाङु, इस्राएलीमिम खोत्‍लेगोडा आरेप्‍माम डोक्‍पु थो़र गो ल्‍वाउतोम मिबु।

लूका 13:22

येशू देल-देल नुङ शहर-शहरबाडे खिर्सिक्‍तो नुङ सीत्तो गुमी यरूशलेमथो़ लक्‍तोङा बेम्‍डी।

थु़र्मा 10:38

माम्‍चु़नीका नासरतडाम येशूलाई उनीमा पेल नुङ यु़मका थुट्‌मिडी। गुमी जो़पा खारी बेत्तो नुङ मुनाङका हुपामिमलामका मुनाङ ख्‍लुक्‍तो लाम्‍दिम्‍डी, हेङालोने माम्‍चु़नी गुमीनुङ बाम्‍डी।

यूहन्‍ना 9:30

मेराम मु़चु़का र्‍वाक्‍ता, “हेप्‍माम हेल्‍लो वो मेथो़म्‍मा ल्‍वा, गुमी बालामका रोम्‍डिम मेराम मेचनी, लावो गुमीका आमा मिक्‍सी होर्साङ्‌डिमी।

मत्ती 4:23

येशूका घ्रो़म्‍दीनेममिमबाडे सीत्तो नुङ माम्‍चु़नीकाम किब्‍दीकु दुथाम जो़पा-सेला थो़बेत्तो, मा खोत्‍ले खालकाम सोमोरी नुङ नो़पा मु़चु़मिमलाई सबेत्तो गालीलडाम खोत्‍लेथो़ खिर्सिम्‍डी।

लूका 4:44

मेकोतिमा गुमीका यहूदियाडाम घ्रो़म्‍दीनेममिमबाडे वो जो़पा-सेला थो़बेट्‌मिडी।

लूका 4:31

मेकोतिमा येशू गालीलडाम कोले कफर्नहुम शहरयु़ योम्‍डी। मेम्‍मा ङेम्‍सिमुनेम गुमीका मु़चु़मिमलाई सीमु चो़म्‍मिडी।

मर्कूस 1:39

मेकोतिमा येशू घ्रो़म्‍दीनेमबाडे जो़पा-सेला थो़बेत्तो नुङ मुनाङपेलमिम ख्‍लुक्‍तो खोत्‍ले गालीलङा खिर्सिम्‍डी।

मर्कूस 10:1

मेकोतिमा येशू यर्दन ब्‍लोकु होनोहोम्‍बु यहूदियाथो़ लम्‍डी। लावो सेर्पा मु़चु़मिम आथावो उनीमाडा खोम्‍सिम्‍डी मा गुमीका मेर्मिमलाई ङादोम होम्‍साकाङा सीट्‌मिडी।