51 मेकोतिमा गुमी मेर्मिम बाट्पा कुबी-बोक्साडा हुम्डी मेडे ब्लोजु़ वो फुन्मु डिथाड्डु़। मेम्मिमका मेर्मिम ङाङाया दु़म्मिडी।
मेकोतिमा येशू बम्डिमा ब्लोजु़लाई वाय बाया र्वाम्डी, मा दिरिदिनकु बाबारिमलाई वो र्वाम्डी, “वाय बाया” मेम्मिमका ब्लोजु़ फुन्मु डिड्डु़, मा मेसिन्डा वाय-वाय दु़स्ता।
मेम्मा मेर्मिमका गुमीलाई कुबी-बोक्साडला हुबेन्मु न बेम्डी। मेकोतिलोङा मेर्मिम लक्तोङा बेम्डिम बायडा मेर्मिम हुम्डिम कुबी-बोक्सा रोक्थिल्याड्डा।
ओराम ल्वाम्डिमा मु़चु़मिम छो़म ङाङाया दु़म्मिडी। मेकोतिमा र्वाम्डी, “गुमीका बेम्डिम खोत्ले जो़पा नु़पा ङा बु। गुमीका ने मेथो़पालाई थो़पा, मा मेजेपालाई जेमुचापा बनेबोमी रेछा।”
मेकोतिमा येशू नुङ उनी सीसिपामिम मेल्वाहोमका उनी त्वाप कोङङा कुबी-बोक्साडा हुम्डिमा मेल्वाखोप्डा लम्डी।
मेकोतिलो ङा मेराम चो़च्चो़ बक्ल्याड्डा, मा होनो आथो़ लाम्दिमु चो़म्डु़। मेम्लो गु को-न (१२) थकाम बाइडा मेराम ल्वाम्डिलो मेसिन्डा बाट्पामिम खोत्ले ङा ङाङाया दु़म्मिडी।
मेर्मिम छो़म ङिम्डी, मा उनी त्वाप-त्वापडाङा र्वाबोमु चो़म्मिडी, “हेप्माम डे गुमी ने! गुमीका र्वामिम ने ब्लोजु़ नुङ दिरिदिनका वो थो़मी रेछा!”
मेकोतिलोङा मेराम मु़चु़ बक्ल्याड्डा, मा उ प्लान-कोम्सु़नुङ खोत्लेका रेप्मिडि होङङा मेलामका लस्ल्याड्डा। मेम्मिमका मेर्मिम खोत्लेङा ङाङाया दु़म्मिडी, मा “आरेप्माम ने हेल्लो वो ल्वाम्मा मेबायावा!” र्वाक्तोङा माम्चु़नीकु नङ कोम्डी।
मेसिन्डाम खोत्ले मु़चु़मिमका मेराम ल्वाम्डिमा ङाङाया दु़म्मिडी, मा उनी त्वाप-त्वापडाङा, “हाम डे आरेप्माम? ओराम ने आच्छाङाकाम लाले सीसि डे रेछा! मा ओरामका ने उ मुलु़गोनोम होम्साकाङा मुनाङपेलमिमलाई वो भुरु़मी रेछा! मा मेर्मिमका वो ओरामका र्वामिम थो़मी रेछा!” र्वाबेम्डी।
ओराम ल्वा थो़म्डिमा येशू ङाङाया दु़म्मिडी, मा उनी चङचङ बिक्तोङा बेपा मु़चु़मिमनुङ र्वाम्डी, “आच्छाङा गो गानीलाई र्वाङु, इस्राएलीमिम खोत्लेगोडा आरेप्माम डोक्पु थो़र गो ल्वाउतोम मिबु।