मर्कूस 6:34 - थुलुङ राई

³⁴ येशू कुबी-बोक्‍सालामका पाखाथो़ लुम्‍डिलो मेसिन्‍डा छो़म सेर्पा मु़चु़मिम ल्‍वाम्‍डी। मेर्मिम ल्‍वाम्‍डिमा छो़म उनी थो़म भ्रो़स्‍ता, हेङालोने मेर्मिम रेपा-क्रिपा मु़चु़ मान्‍थिम भेन्‍दामिम होप्‍माम बाम्‍डी। मेकोतिमा मेर्मिमलाई छो़म सेर्पा ल्‍वामिम सीमु चो़म्‍मिडी।

मर्कूस 6:34 Referans Kwoze

मत्ती 9:36

सेर्पा मु़चु़ ल्‍वाम्‍डिमा छो़म उनी थो़म भ्रो़स्‍ता, हेङालोने रेपा-क्रिपा मु़चु़ मान्‍थिम भेन्‍दामिम होप्‍माम दु़खा ल्‍वापा नुङ ख्‍लो़पा मान्‍थिम मेर्मिम बाम्‍डी।

लूका 9:11

लावो ओराम ल्‍वा चम्‍डिमा सेर्पा मु़चु़मिम येशूकु चङचङ लम्‍डी। गुमीका मेर्मिमलाई हुनाखाना बेम्‍डिमा माम्‍चु़नीकु किब्‍दीकु दुथाम थो़बेट्‌मिडी, मा सु़ मु़चु़मिमलाई सबेन्‍मु बासिक्‍पा बाइडा मेर्मिमलाई सबेट्‌मिडी।

हिब्रू 4:15

इकीमा खोत्‍लेडाम डोक्‍पु ङाउ डु़म्‍लाचो़ इकी मेचाप्‍सीडा रेम्‍मु मेचाम्‍निनी र्‍वाक्‍पा मेबुमी। गुइ होम्‍साकाङा गुमी वो खोत्‍ले ल्‍वाडा न-छाम्‍ला सो़म्‍सिम्‍डिम बाइडा। लावो गुमीका ने छु़ल मेबेमिवा।

मत्ती 14:14

कुबी-बोक्‍साडलाम पाखाथो़ येशू लुम्‍डिलो मेसिन्‍डा हापा सेर्पा मु़चु़ ल्‍वाम्‍डी, मा उनी थो़म भ्रो़स्‍ता। मेम्‍मा नो़पा मु़चु़मिमलाई सबेट्‌मिडी।

हिब्रू 2:17

मेम्‍मिमका खोत्‍ले ल्‍वाडा गुमी उनी त्‍वाकु मु़चु़मिम होप्‍मामङा दु़म्‍मु बास्‍ता। मेम्‍मा मु़चु़मिमका बेम्‍डिम छु़लकु दुथाम पाचो बिमु लागि माम्‍चु़नीकु ङादोडा गुमी न-थो़मनुङमा नुङ थो़रलु़इमिम डोक्‍पु डु़म्‍लाचो़ दु़म्‍मिडी।

मत्ती 15:32

मेकोतिमा येशूका उनी सीसिपामिमलाई येट्‌मिडिमा र्‍वाम्‍डी, “ओर्मिम मु़चु़मिमडाम आमा थो़म भ्रो़। ओर्मिम गोनुङ बुमिमिम आनेप सुलेम दु़स्‍ता, मा ओर्मिमनुङ पोमु-डुमु हाम वो मिबु। ओर्मिमलाई मान्‍जाङा थु़र्सोमु आमा न मिबु, मेएँ माला ने, क्रु़मका उनी न दाममा लाम्‍दीडा घ्‍लो़बुम्‍सिमी।”

मर्कूस 6:33

लावो छो़म सेर्पा मु़चु़मिमका येशूनुङ उनी सीसिपामिम लक्‍तोङा बेपा ल्‍वाम्‍डी, मा छेट्‌मिडी वो। मेम्‍मिमका खोत्‍ले शहरलामका दाला-दाला ओन्‍तो लम्‍डी, मा येशू नुङ उनी सीसिपामिमडाम वो ङादो रोम्‍थिम्‍डी।

मर्कूस 6:35

नेम्‍था दु़म्‍मु खाप्‍डु़लो येशूकु सीसिपामिम उनीमाडा रोम्‍डिमा र्‍वाम्‍डी, “गुइ सु़ वो मेबाट्‍पा खोमडा बुइ, मा आथा ने दुङमा वो र्‍यामु दु़म्‍स्‍तु़।

मर्कूस 8:1

आथावो कोखेप छो़म सेर्पा मु़चु़मिम खोम्‍सिम्‍डी। मेकोतिमा मेर्मिमनुङ बाट्‌पा पोमु थोक वो खोत्‍लेङा हुक्‍ल्‍याड्‌डा। मेम्‍मिमका येशूका उनी सीसिपामिम उनीमाथो़ येट्‌मिडिमा र्‍वाम्‍डी,

मर्कूस 8:2

“ओर्मिम मु़चु़मिम रेपुमिलो छो़म आ थो़म भ्‍र्यो, हेङालोने ओर्मिम गोनुङ बुमिमिम आनेप सुलेम दु़स्‍ता, मा ओर्मिमनुङ पोमुथोक हाम वो मिबु।