मर्कूस 6:32 - थुलुङ राई

³² मेकोतिमा येशू नुङ उनी सीसिपामिम मेल्‍वाहोमका उनी त्‍वाप कोङङा कुबी-बोक्‍साडा हुम्‍डिमा मेल्‍वाखोप्‍डा लम्‍डी।

मर्कूस 6:32 Referans Kwoze

मर्कूस 6:45

मे मु़चु़मिम मेलामका थु़र्तो बेम्‍डिलो ङा येशूका उनी सीसिपामिमलाई कुबी-बोक्‍साडला हुबेट्‌मिडी, मा गुमीडाम ङादोङा होनो होम्‍बुनोम बेथसेदाथो़ थु़र्ल्‍याम्‍डी।

मर्कूस 4:36

सेर्पा मु़चु़मिमनुङ ब्‍र्‍वाम्‍सिम्‍डिमा येशू उहेम कुबी-बोक्‍साडला हुम्‍डिम बाइडा मेरामडलाङा उनीमा सीसिपामिमनुङ लम्‍डी, मा वाङमिम कुबी-बोक्‍सामिम मेर्मिममनुङङा लम्‍डिम बाइडा।

मर्कूस 3:9

मे सेर्पा मु़चु़मिमका गुमीलाई मेचिम्मिनु़ र्‍वाक्‍साका उनीमा सीसिपामिमलाई कोले कुबी-बोक्‍सा रेन्‍बेट्‌मिडी।

मर्कूस 6:33

लावो छो़म सेर्पा मु़चु़मिमका येशूनुङ उनी सीसिपामिम लक्‍तोङा बेपा ल्‍वाम्‍डी, मा छेट्‌मिडी वो। मेम्‍मिमका खोत्‍ले शहरलामका दाला-दाला ओन्‍तो लम्‍डी, मा येशू नुङ उनी सीसिपामिमडाम वो ङादो रोम्‍थिम्‍डी।

मर्कूस 6:51

मेकोतिमा गुमी मेर्मिम बाट्‌पा कुबी-बोक्‍साडा हुम्‍डी मेडे ब्‍लोजु़ वो फुन्‍मु डिथाड्‌डु़। मेम्‍मिमका मेर्मिम ङाङाया दु़म्‍मिडी।

यूहन्‍ना 6:1

मेरामकु किचो़ चङडा, येशू गालील दिरिदिनकु होम्‍बुनो (मेरामलाई तिबेरियास दिरिदिन वो र्‍वामी) लम्‍डी।