मर्कूस 6:21 - थुलुङ राई

²¹ हेरोदका गु गस्‍ताम-नेम मिम्‍मुकु दुथाममिम ग्रुला उमा डोक्‍पु मु़चु़मिम, सेनाडाम डोक्‍पु मु़चु़मिम नुङ गालीलडाम डोक्‍पु मु़चु़मिमलाई ग्‍वाक्‍तु़मिलो ङा हेरोदियासकु न होप्‍माम थारी रोक्‍फाड्‌डा।

मर्कूस 6:21 Referans Kwoze

रेम्‍बेट्‌मिडिम ल्‍वा 11:10

सुबुडा बाट्‌पा मु़चु़मिम ओर्चिप सिच्‍चिमका भ्रम्‍सिमी मा कोरमा थु़र्बेबेसाका गेर्सिमी। हेङालोने सुबुडा बाट्‌पामिमलाई माम्‍चु़नीलाम जेपा ओर्चिपका दु़खा ग्‍वाक्‍चिमिम बाइडा।

१ पत्रुस 4:3

वाङसामामिमका बोमु न बेम्‍डिम होङङा नाम्‍सु़रु़, वाङमिम मेसेमनुङ अम्‍पा न, डु़सेवा, एलेङगी बेसाका पेपा ग्रुलाडा नुङ घ्राम्‍लु़पा ङाटा सेव सासीडा गानी छो़म नेम ताबेट्‌नी।

लूका 3:1

रोमी हप तिबेरियसका किब्‍दी थो़ड्‌डु़म को-ङो (१५) थ दु़स्‍ताम बाइडा। मेकोतिलोका पन्‍तियस पिलातस यहूदियाडाम साखामचो़ दु़स्‍ता। मेराम थारीका ङा हेरोद गालीलडाम साखामचो़ दु़स्‍ता, मा उमा तारापा ल्‍वाक फिलिप इतुरिया नुङ त्राखोनितिसडाम साखामचो़ दु़स्‍ता। लुसानियास अबिलेनेडाम साखामचो़ दु़स्‍ता।

थु़र्मा 25:23

उ दिकाम हप अग्रिपास नुङ उमा जाउमो ल्‍वाक बरनिकी ब्‍ल्‍वासिक्‍चिमा कमाण्‍डरमिमनुङ शहरडाम डोक्‍पु मु़चु़मिमलाई ङादो चङडा जु़ल्‍चिमा घ्रो़म्‍दीगोडा रोक्‍ची। मेकोतिमा किब्‍दी साखामचो़ फेस्‍तसका पावललाई रेट्‌नी बु़डु़मी मा रेट्‌मिडी।