मर्कूस 6:15 - थुलुङ राई

¹⁵ वाङमिमका र्‍वाम्‍डी, “ओराम ने एलिया डे रोओ।” आथावो वाङमिमका र्‍वाम्‍डी, “माके-माकेम माम्‍चु़नीलाम-जेपा मु़चु़मिम होप्‍मामङा कोले डे रोओ!”

मर्कूस 6:15 Referans Kwoze

मत्ती 21:11

सेर्पा मु़चु़का र्‍वाम्‍डी, “गुमी गालीलडाम नासरत देललामका बिम्‍डिम माम्‍चु़नीलाम-जेपा येशू।”

मर्कूस 8:28

मेर्मिमका र्‍वाम्‍डी, “कोङ-कोङका कु-रु़दु़म ग्‍वाक्‍पा यूहन्‍ना, याङ-याङका एलिया, मा वाङमिमका माकेम माम्‍चु़नीलाम जेपागोडामङा कोले र्‍वामी।”

मत्ती 16:14

मेर्मिमका र्‍वाम्‍डी, “याङका कु-रु़दु़म ग्‍वाक्‍पा यूहन्‍ना र्‍वामी, याङका एलिया र्‍वामी, मा याङका यर्मिया डे, माम्‍चु़नीलाम-जेपामिमगोडाम कोले डे र्‍वामी।”

यूहन्‍ना 9:17

मेर्मिमका मे मिक्‍सीका मेल्‍वापा बाइडाम मु़चु़लाई आथावो हिलाबेम्‍डी, “गुका इमा मिक्‍सी होर्साट्‌ना। गाना उमा दुथाम हाम र्‍वाना?” मेरामका र्‍वाक्‍ता, “गुमी माम्‍चु़नीलाम-जेपा कोङ मु़चु़।”

यूहन्‍ना 7:40

येशूकु सिजेम थो़पा कोङनिम मु़चु़का र्‍वाम्‍डी, “ओराम मु़चु़ ने आच्‍छाङा माम्‍चु़नीलाम-जेपाङा सो़।”

यूहन्‍ना 6:14

येशूका बेम्‍डिम यु़मखारी ल्‍वाम्‍डिमा मे मु़चु़मिमका र्‍वाम्‍डी, “सु़म्‍दिसेरडा रोक्‍पा माम्‍चु़नीलाम-जेपा मु़चु़ आच्‍छाङा गुमीङा रेछा।”

यूहन्‍ना 1:25

यूहन्‍नालाई हिलाबेम्‍डी, “गाना ख्रीष्‍ट वो मेएँ, एलिया वो मेएँ, माम्‍चु़नीलाम-जेपा मु़चु़ वो मेएँ माला हेङा मु़चु़मिमलाई कु-रु़दु़म ग्‍वानामिमिम?”

यूहन्‍ना 1:21

मेर्मिमका गुलाई हिलाबेम्‍डी, “मेएँ माला सु़ गाना? गाना माम्‍चु़नीलाम-जेपा एलिया?” यूहन्‍नाका मेएँ र्‍वाक्‍ता। मेर्मिमका हिलाबेम्‍डी, “हाम गाना गुकु लथान्‍कुमिम माम्‍चु़नीलाम-जेपा मु़चु़?” गुका मेएँ र्‍वाक्‍ता।

लूका 9:19

मेकोतिमा सीसिपामिमका र्‍वाम्‍डी, “याङका कु-रु़दु़म ग्‍वाक्‍पा यूहन्‍ना र्‍वामी, याङका एलिया, मा वाङमिमका माके-माकेम माम्‍चु़नीलाम-जेपामिमगोडाम कोले बग्‍गेड्‌डाम रेछा र्‍वामी।”

लूका 9:8

मा याङका “एलिया रोक्‍ताम” र्‍वाम्‍थाल्‍मिडी, मा वाङमिमका “माके-माकेम माम्‍चु़नीलाम-जेपामिमगोडाम कोले सिमुलाम बग्‍गेड्‌डाम” र्‍वाम्‍थाल्‍मिडी।

लूका 7:39

येशूलाई येट्‌पा फरिसीका ओराम ल्‍वास्‍तु़मा उ नड्‍डा आरे र्‍वाक्‍ता, “ओराम माम्‍चु़नीलाम-जेपा मु़चु़ माला ने हेप्‍माम मेसेमका गुलाई लु़प्‍तोङा लेडु़ र्‍वाक्‍साका चवा, हेङालोने मेराम ने छु़लचो़ मेसेम डे।”

लूका 7:16

मेकोतिमा मेर्मिम खोत्‍ले मु़चु़मिम ङिम्‍डी, मा माम्‍चु़नीकु नङ कोम्‍डी। मेम्‍मा र्‍वाम्‍डी, “माम्‍चु़नीलाम-जेपा कोले छो़म डोक्‍पु मु़चु़ इकीमाडा योम्‍डिम बु,” मा “माम्‍चु़नीका उनी त्‍वाकु मु़चु़मिमडला न-थो़म रेम्‍बेम्‍डिम बु।”

लूका 1:17

गुका त्‍वारो़मडा नुङ यु़मका एलिया होप्‍मामङा दु़म्‍साका ङाचो़डाम ङादो यो, मा उनीमा लाम्‍दी बनेबु़। गुका पाप नुङ चो़मिम दु़बेडु़मी, मा र्‍वाकिमिम मेथो़पामिमलाई माम्‍चु़नीका र्‍वामिमिम थो़पा मु़चु़कु नेप्‍चीथो़ ख्‍लोकु़मी। आरेसाका गुका ङाचो़कु मु़चु़मिमलाई उनीमा लागि ङा झो़म्‍सिबेट्‌जो़लु़मी।”

मर्कूस 6:16

हेरोदका ओराम थो़स्‍तु़मा र्‍वाक्‍ता, “हना, गो उ बुइ क्रिम्‍बेत्तोमिम यूहन्‍ना सिमुलामका बक्‍गेड्‌डाम?”