मर्कूस 6:14 - थुलुङ राई

¹⁴ हेरोद हपका येशूकु दुथाम थो़स्‍तु़, हेङालोने उनीमा नङ खोत्‍लेथो़ फोन्‍स्‍ताम बाइडा। मेम्‍लोका कोङ-कोङका र्‍वाम्‍डी, “ओ ने कु-रु़दु़म ग्‍वाक्‍पा यूहन्‍ना डे सिमुलाम बक्‍गेड्‌डाम रोओ, मा डे आरेप्माम यु़म-खारी बु़।”

मर्कूस 6:14 Referans Kwoze

१ थेसलोनिकी 1:8

हेङालोने गानीलामका ङाचो़ येशूकु सिजेम खोत्‍ले माकेडोनिया नुङ अखैयाडा कोङङा थो़म्डिम मेएँ, लावो माम्‍चु़नीडा बेन्‍निम इनी थो़रकु दुथाम खोत्‍लेथो़ फोन्‍सिड्‌डाम बु। मेम्‍मा गानीलाई गुकु र्‍वामुम बुमु बासिक्‍पा वाङमिम ल्‍वा हाम वो मिबु।

लूका 13:31

मेकोतिलोङा कोङनिम फरिसीमिम रोम्‍डिमा गुमीलाई र्‍वाम्‍डी, “ओलामका वाङथो़ङा लक्‍नी, हेङालोने हेरोद पन्‍तियासका गानीलाई सेन्‍मु माल्‍लु़मिम बु।”

लूका 3:1

रोमी हप तिबेरियसका किब्‍दी थो़ड्‌डु़म को-ङो (१५) थ दु़स्‍ताम बाइडा। मेकोतिलोका पन्‍तियस पिलातस यहूदियाडाम साखामचो़ दु़स्‍ता। मेराम थारीका ङा हेरोद गालीलडाम साखामचो़ दु़स्‍ता, मा उमा तारापा ल्‍वाक फिलिप इतुरिया नुङ त्राखोनितिसडाम साखामचो़ दु़स्‍ता। लुसानियास अबिलेनेडाम साखामचो़ दु़स्‍ता।

मर्कूस 8:28

मेर्मिमका र्‍वाम्‍डी, “कोङ-कोङका कु-रु़दु़म ग्‍वाक्‍पा यूहन्‍ना, याङ-याङका एलिया, मा वाङमिमका माकेम माम्‍चु़नीलाम जेपागोडामङा कोले र्‍वामी।”

मर्कूस 1:45

लावो मेरामका गुमीका र्‍वाम्‍डिम होङङा मेबेसाका लस्‍तामा खोत्‍लेनुङ सो़मु चो़म्‍डु़, मा मेराम ल्‍वा खोत्‍लेथो़ फोन्‍स्‍ता। मेम्‍मिमका येशू देलबाडे ङादोम होम्‍साका मेबासाका मु़चु़का मेल्‍वाखोपबाडे कोङङा बुमु चो़म्‍मिडी। लावो मु़चु़मिम आथावो उनीमाडा खोत्‍लेलामका रोम्‍डिहोमङा बाम्‍डी।

मर्कूस 1:28

येशूकु दुथाम मेर्मिम ल्‍वा गालील होनो-आथो़ खोत्‍लेथो़ फोन्‍ल्‍यासिड्‍डा।

मत्ती 9:31

लावो मेर्चिप लक्‍ची, मा उनीमा दुथाम मेसिन्‍डा खोत्‍लेथो़ थो़बेट्‌ची।

लूका 9:19

मेकोतिमा सीसिपामिमका र्‍वाम्‍डी, “याङका कु-रु़दु़म ग्‍वाक्‍पा यूहन्‍ना र्‍वामी, याङका एलिया, मा वाङमिमका माके-माकेम माम्‍चु़नीलाम-जेपामिमगोडाम कोले बग्‍गेड्‌डाम रेछा र्‍वामी।”

हिब्रू 2:4

माम्‍चु़नीका वो छेखोपमिम, हापा खालकाम हेल्‍लो वो मेल्‍वाम्‍मा खारीमिम नुङ यु़मनुङमा खारीमिम रेम्‍बेसाका, मा उनी नकाङा मेर्मिमलाई दो़म्‍साम्‍डिम माम्‍चु़नी-पेलकु राप्‍लावामिमलाम ओराम ल्वा आच्‍छाङा र्‍वाक्‍साका रेम्‍बेम्‍डी।

लूका 7:17

येशूकु दुथाममिम ओराम ल्‍वा खोत्‍ले यहूदिया नुङ मेरामकु होनो-आथो़म खोत्‍ले देलबाडे फोन्‍सिड्‌डा।