मर्कूस 6:12 - थुलुङ राई

¹² मेकोतिमा मेर्मिम लम्‍डिमा मु़चु़मिम उनी छु़ललामका ख्‍लोसिमिनु़ र्‍वाक्‍तो जो़पा-सेला सो़मु चो़म्‍मिडी।

मर्कूस 6:12 Referans Kwoze

मत्ती 4:17

मेम्‍लो आथाम येशूका आरे र्‍वाक्‍तो जो़पा-सेला थो़बेन्‍मु चो़म्‍मिडी, “इनी छु़लमिमलामका माम्‍चु़नीडा ख्‍लोन्‍सिट्‌नी, हेङालोने पाह्री-किब्‍दी फार्डाङा रोक्‍फाड्‌डाम बु।”

थु़र्मा 20:21

यहूदीमिम नुङ ग्रीकमिमलाई इनीमा त्‍वाकु छु़लमिम न-गोलामका मिम्‍सिसाका माम्‍चु़नीडा ख्‍लोन्‍सिट्‌नी, मा ङाचो़ येशूडा थो़रलु़नी र्‍वाक्‍साका र्‍वाङ्‌डोम बु।

थु़र्मा 11:18

मे यहूदी थो़रलु़पामिमका ओराम थो़म्‍डिमा फमु डिट्‌मिडी। मेर्मिमका आरे र्‍वाक्‍तो माम्‍चु़नीकाम नङ कोम्‍डी, “माम्‍चु़नीका वाङसामामिमलाई वो गुमीथो़ ख्‍लोसिक्‍पा, मा सेल्‍सिक्‍पा जो़पा थारी ग्‍वाम्‍डी रेछा।”

थु़र्मा 2:38

पत्रुसका मेर्मिमनुङ र्‍वाक्‍ता, “इनी छु़लमिम इनी नगोलामका ङा मिम्‍सिट्‌निमा ख्‍लोन्‍सिट्‌नी, मा इनी छु़ल हेम्‍मु येशू ख्रीष्‍टकु नङडा गानी खोत्‍लेका कु-रु़दु़म रनी। मेकोतिमा गानी राप्लावा ल्‍वानी, मेराम ने माम्‍चु़नी-पेल सो़।

लूका 13:3

गो गानीलाई र्‍वाङु, मेम ने मेएँ सो़, इनी छु़लमिम इनी न-गोलामका मिम्‍सिसाका माम्‍चु़नीडा मेख्‍लोन्‍सिट्‌निवा माला गानी वो खोत्‍ले मेम्‍साकाङा पुयु़लुनी।

लूका 11:32

निया दु़म्मिम नेम निनवे शहरडाम मु़चु़मिम बमिमा ओर्मिम मु़चु़लाई मुमा बेन्‍मी। हेङालोने योनाका माम्‍चु़नीका सो़बेट्‌मिडिम सिजेम थो़बेड्‌डु़मिलो मेर्मिमका उनी छु़ल न-गोलामका मिम्‍सिम्‍डिमा माम्‍चु़नीडा ख्‍लोसिम्‍डी। लावो आसिन्‍डा रेप्‍नी, योनाडाम वो घ्‍ल्‍वापा कोले बु।

मत्ती 3:8

मेम्‍मिमका इनी छु़लमिमलामका माम्‍चु़नीडा ख्‍लोन्‍सिट्‌निम रेम्‍बेपा खारी बेनी।

मत्ती 3:2

“छु़ललाम ख्‍लोन्‍सिट्‌नी, हेङालोने पाह्री-किब्‍दी रोम्‍फामुङा खाप्‍डु़म बु।”

थु़र्मा 26:20

ङादो दमस्‍कसडा, मा यरूशलेमडा मा खोत्‍ले यहूदिया नेब्‍दीडा बाट्‌पामिमलाई, मा वाङसामामिमलाई वो इनीमा छु़ल इनीमा न-गोलामका मिम्‍सिट्‌निमा माम्‍चु़नीडा ख्‍लोन्‍सिट्‌नी, मा मेराम ल्‍वा इनीमा खारीडा रेम्‍बेनी बेउतोमी।

थु़र्मा 3:19

मेम्‍मिमका इनीमा छु़ल न-गोलामका मिम्‍सिट्‌निमा ख्‍लोन्‍सिट्‌नी, मा इनीमा छु़ल हेम्‍सिनु़। मेकोतिमा इनीमा गेर्सिमु थारी माम्‍चु़नीलाम रोनु़,

लूका 24:47

मा छु़ल उनी न-गोलामका मिम्‍सिसाका माम्‍चु़नीडा ख्‍लोसिमुमा पाचो ल्‍वामु लागि यरूशलेमलामका चो़म्‍सिक्‍साका खोत्‍ले सामाडाम मु़चु़मिमलाई ख्रीष्‍टकु दुथाम थो़बेन्‍मुमि बासी।’

लूका 15:10

गो गानीलाई र्‍वाङु, आरेसाका उ त्‍वाकु छु़ल न-गोलामका मिम्‍सिक्‍साका माम्‍चु़नीडा ख्‍लोसिक्‍पा कोले छु़लचो़काम लागि पाह्रीला माम्‍चु़नी नुङ पाह्रीचो़मिम गेर्सिद्‌वामी।”

लूका 15:7

गो गानीलाई र्‍वाङु, मेम्‍साकाङा उनी छु़ल न-गोलामका मिम्‍सिमुमा माम्‍चु़नीडा ख्‍लोम्‍सिमु मेबासिक्‍पा माम्‍चु़नीकु मिक्‍सीलामडा जो़पा मिम्‍सिक्‍पा गु-गुले (९९) मु़चु़मिमडाम वो उ त्‍वाकु छु़ल न-गोलामका मिम्‍सिक्‍साका माम्‍चु़नीडा ख्‍लोसिक्‍पा कोले छु़लचो़काम लागि पाह्रीला खोत्‍ले छो़म गेर्सिट्‌मी।

लूका 13:5

मेम ने मेएँ सो़, गो गानीलाई आथावो र्‍वाङु, इनी छु़लमिम न-गोलामका मिम्‍सिसाका माम्‍चु़नीडा मेख्‍लोन्‍सिट्‌निवा माला गानी वो मेम्साका ङा पुयु़लुनी सो़।”

मर्कूस 1:15

गुमीका र्‍वाम्‍डी, “थारी रोम्‍फामु दु़म्‍स्‍तु़म बु, मा माम्‍चु़नीकु किब्‍दी वो फार्डा ङा रोक्‍फाड्‌डाम बु। मेम्‍मिमका इनी न ख्‍लोनी, मा जो़पा-सेलाडा थो़र लु़नी।”

मत्ती 11:20

मेकोतिमा येशूका हापा यु़मखारीमिम बेम्‍डिम शहरमिमकु कोर्थो़लाम जेम्‍डी। हेङालोने मेर्मिमका उनी छु़लमिम मिम्‍सिसाका ख्‍लोम्‍सिम्‍डिम मेबायावा।

मत्ती 9:13

‘हादी-बारा सासेन्‍मु मेएँ, न-थो़म रेम्‍बेबेनी र्‍वाक्‍पा गो न बेउ।’ र्‍वाक्‍साका माम्‍चु़नीकु सिजेमका र्‍वामु मालु़मिम ल्‍वा लक्‍निमा थेसिथेट्‌नी। माम्‍चु़नीकु मिक्‍सीलामडा जो़पा बुङु र्‍वाक्‍साका मिम्‍सिक्‍पा मु़चु़मिमलाई मेएँ, छु़लचो़ र्‍वाक्‍साका मिम्‍सिक्‍पा मु़चु़मिमलाई येड्‌डा गो योङडोम सो़।”

लूका 9:6

मेम्‍मिमका सीसिपामिम खोत्‍ले लम्‍डिमा जो़पा-सेला थो़बेत्तो नुङ नो़पा मु़चु़मिमलाई सबेत्तो देल-देलडा खिर्सिम्‍डी।

मर्कूस 1:3

कोङ लो़लाम राङ-राङयालामका ये, “माम्‍चु़नीकु लाम्‍दी ख्‍लुनी, मा उनी लाम धानी।”

मत्ती 11:1

येशूका को-न (१२) सीसिपामिमलाई ओराम सीसि र्‍वामु दु़म्‍मिडिमा गुमी मेलामका मेर्मिमकु शहरबाडे सीमु नुङ जो़पा-सेला थो़बेन्मु लागि लम्‍डी।