मर्कूस 5:6 - थुलुङ राई

⁶ मेरामका येशूलाई होनोवाम ङा ल्‍वास्‍तु़मा ओन्‍तो लस्‍तामा क्रचु़खुम बेत्तोङा गुमीलाई सेव साड्‌डु़।

मर्कूस 5:6 Referans Kwoze

याकूब 2:19

माम्‍चु़नी कोले कोङङा बुमी र्‍वाक्‍साका गानी थो़र लु़नी, मेराम जो़पाङा सो़। मुनाङपेलमिमका वो मेराम थो़रलु़मी, मा उनी ङिमुका रुडु़मी।

लूका 4:41

हापा मु़चु़मिमलामका मुनाङपेल आरेसाका येत्तो लुम्‍डी, “गानी माम्‍चु़नीकु तारापाचो़ सो़।” लावो येशूका मे मुनाङपेलमिमलाई को सि वो जेमु मेग्‍वाक्‍मिवा, हेङालोने मेर्मिमका गुमी ख्रीष्‍ट र्‍वाक्‍साका छेट्‌मिडिम बाइडा।

थु़र्मा 16:17

मेराम मेसेम पावल नुङ आकी चङचङ लाम्‍दिडामा आरे र्‍वाक्‍तो येस्‍ता, “ओर्मिम मु़चु़ खोत्‍लेडाम घ्‍ल्‍वापा माम्‍चु़नीकु डु़ल्‍चो़मिम सो़, मा ओर्मिमका गानीलाई हेसाका सेल्‍सिमु चाम्‍नी र्‍वाक्‍पा ल्‍वा सो़प्‍डा रोम्‍डिम बु।”

मर्कूस 5:5

मेराम नेम्‍फु-सिन्‍था पोप्‍चङ नुङ सु़लु़मदुबाडे येत्तो-दुक्‍तो, उ त्‍वाका त्‍वापलाई ङा लुङका पार फक्‍तो लाम्‍दिथाल्‍ला।

मर्कूस 5:7

मेकोतिमा मेरामका डोक्‍पु लो़लामका येत्तोङा र्‍वाक्‍ता, “खोत्‍लेडलाम साखामनुङमा माम्‍चु़नीकु चो़ येशू, गानी गोलाई हाम बोमु माल्‍ङिनिमिम? गो माम्‍चु़नीकु नङडा र्‍वाङु, गोलाई दु़खा मेग्‍वाङनी।”