मर्कूस 5:24 - थुलुङ राई

²⁴ मेम्‍मिमका येशू मेनुङ लम्‍डी। मेकोतिलो छो़म सेर्पा मु़चु़मिम वो उनी होनोलाम आथो़लाम क्‍र्‍वाङ-क्‍र्‍वाङ उन्‍बेत्तो गुमीनुङ लम्‍डी।

मर्कूस 5:24 Referans Kwoze

मर्कूस 5:31

उनी सीसिपामिमका र्‍वाम्‍डी, “आकोम छो़म सेर्पा मु़चु़मिमका इनीमा हानोलाम आथो़लाम क्‍र्‍वाङ-क्‍र्‍वाङ उन्‍बेत्तोङा बेपा ने ल्‍वानिमिमङा बु, मा वो ‘सु़का लु़प्‍ङिडी’ र्‍वानिमिम?”

लूका 7:6

ओराम थो़म्‍डिमा येशू मेर्मिमनुङ लम्‍डी। कप्‍तानकु नेम फार्डा येशू रोम्‍फाम्‍डिलो गुका उ ङोप्‍सो़मिमलाई येशूनुङ आरे र्‍वाबेड्‌डा थु़र्सोड्‌डु़, “ङाचो़, आमा नेमडा रोमु लागि दु़खा मेल्‍वानी, हेङालोने गानीलाई आमा नेमडा येन्‍मुका घ्रेट्‌पा गो मेबुङु।

मर्कूस 3:20

मेकोतिमा गुमी नेम लम्‍डिलो मेसिन्‍डा सेर्पा मु़चु़मिम आथावो खोम्‍सिम्‍डिमका येशूनुङ उनी सीसिपामिमका पोमु वो मेयु़ट्‌मिवा।

थु़र्मा 10:38

माम्‍चु़नीका नासरतडाम येशूलाई उनीमा पेल नुङ यु़मका थुट्‌मिडी। गुमी जो़पा खारी बेत्तो नुङ मुनाङका हुपामिमलामका मुनाङ ख्‍लुक्‍तो लाम्‍दिम्‍डी, हेङालोने माम्‍चु़नी गुमीनुङ बाम्‍डी।

लूका 19:3

गुका येशू सु़ रेछा र्‍वाक्‍साका रेम्‍मु माल्‍तोङा लेड्‌डु़, लावो गु कतिसो़ट्‌पा बाइडा, मा सेर्पा मु़चु़मिम बाम्‍डिमका गुका येशूलाई मेल्‍वासु़वा।

लूका 12:1

मेकोतिलोङा छो़म सेर्पा मु़चु़मिम खोम्‍सिम्‍डिमका मेर्मिम उनी त्‍वाप-त्‍वापङा देम्‍बेत्तोङा लेट्‌मिडिम बाइडा। येशूका उनी सीसिपामिमलाई ङादो र्‍वामु चो़म्‍मिडी, “गानी फरिसीमिमकु लङखामडाम चङचङया बानी वो। मे लङखाम र्‍वाक्‍मा ने मु़चु़मिमकु मिक्‍सीलामडा जो़पा लिसिक्‍पा मेर्मिमकु खारी सो़।

लूका 8:45

येशूका हिलाबेम्‍डी, “गोलाई सु़का लु़प्‍ङिडी?” खोत्‍ले मु़चु़मिमका गुकु ने मेएँ र्‍वाम्‍डी, मा पत्रुसका र्‍वाक्‍ता, “ङाचो़, गानीलाई ने सेर्पा मु़चु़मिमका उत्तोङा लेनी।”

लूका 8:42

हेङालोने मेरामकाम कोले ङा बाट्‌पा उ जाउमोचो़ को-न (१२) थकाम बाइडा, गु सिमुङा खाप्‍डु़म बाइडा। येशू गुनुङ लक्‍तोङा बेम्‍डिलो सेर्पा मु़चु़मिम वो उनी होनोलाम-आथो़लाम बाम्‍डी।

मर्कूस 5:23

मेकोतिमा “आमा नानी सिमुङा खाप्‍डु़म बु। मेम्‍मिमका गानी बिक्‍नीमा गुडला इनीमा ल्‍वा जु़ल्‍नी। मेकोतिमा गु सनु़, मा नु़नु़” र्‍वाक्‍ताम-र्‍वाक्‍तामङा बु़डु़।

मर्कूस 5:25

को-न (१२) थ ङादो आथामङा रो़मलामका सिसि लक्‍पा सोमोरीनुङमा कोङ मेसेम वो मेगोडा बाइडा।

लूका 11:29

येशूकु होनोलाम-आथो़लाम मु़चु़मिम छो़म सेर्पा दु़म्‍तो लम्‍डिलो येशूका र्‍वाम्‍डी, “आथामबिलिम मु़चु़मिम छो़म मेजो़पा न-गोनुङमा बुमी। मेर्मिमका हेल्‍लो वो मेल्‍वाम्‍मा छेखोप रेम्‍बेट्‌की र्‍वाक्‍साका गोनुङ र्‍वामी। लावो मेर्मिमलाई योनाकु छेखोप कोङङा ग्‍वाक्‍पुमी।